ik ha niiskrekt in do deariden
it bist
spatte útinoar as in Japansk reactorfet
tsjin de stile fan myn rút

fearren en ferpolvere dreamen
fan tegearre lokkich en in nêstfol
dwarrelen oeral

do en ik
ik en do
myn auto komt ek út Japan… Lês fierder

Sleepnetfiskje oer de boaiem fan myn siele
Myn pinne rachelet hjoed allinne
mar besopen gedichten mei
in promillaazje dat ferkearstechnysk
ek noch problemen opsmyt

In radiaal symmetrysk nettelbist, bin ik
mei swabberearms yn lij simmersop
om my hinne oars neat as deiblêden
en nachtflinters wylsto my begluorkest
mei it each fan in orkaan

Game over en format C:
dyn software wurket blykber oars as mines
of ha ’k my fersjoen, myn leave prins
en wie’sto
al foar myn earste tút in podde?… Lês fierder

Nea tocht
datsto sa sêft as papieren bûsdoekjes
lizzend op it moas –
ûnderhûds deselde foarmen
as beamwoartelnoesten

Nea tocht
eaglidden tear en fier
de draaide hals sa jongeseftich –
dat it hurde ôfwarrende
stadich taaie soe ûnder waarm striken

Nea tocht
de mûltsjes yn it triljend fel
prommeljend fan langste
– nim my, toe –
Dat ik krekt no heakjen bliuwe moat
yn ‘t Heras Hekwerk fan dyn tepel… Lês fierder

Kom der yn, sei ik
doe sto seidest: mei ‘k wat freegje
In jong en proastich hert,
skouders noch net breed fan dragen

Ik dreamde fan de Grykse tunen
dy’t wy bereizgje soene
Mar do skyldest my mei dyn wurden
keal oant op it murch… Lês fierder