Melvin van Eldik presintearret op 25-02-2010 wer in Liwwadder Poëzieavond yn Theater de Bres te Ljouwert.  By it Literêr Sirkwy yn Museum Belvédère op 21-02-2010 makke dizze alsidige artyst grutte yndruk mei it fers ‘loverboy.’ Sjoch foar mear ynformaasje www.melvinvaneldik.nl

loverboy famke

sêft kreakjend lûd
iepenslaand
sliepkeamerfinsterkezyn
al in skoft fertroud

de reinpiip
as in dûnsjende kobra
tsjin in muorre fan in algengrien masker
seit eltse kear wer: “au”

en dan troch de nacht, dêr’t sij eltse poarje al fan kin
ûnderweis nei de rôze dize, dy’t de geilens reaget
út de eagen fan de doarmjende rútridders
de protte nammen fan de leafde by del

mem hat hiele grutte earen
mar heart hielendal neat
heit bestiet allinnich op fergiele foto’s
yn stjonkende, brune doazen fan ribbelich striekarton

sij witte net fan har folgroeide liif
dat te keap is yn tsjustere stegen en gloppen
dêr’t glûpende ronselers ronselje yn glimmende boesgroentsjes
de drippende shoarmasauzen om it pûstige kin

Barbie al in tiid ûntgroeid
sil sij it ea better witte?… Lês fierder

De Fryske skriuwer/dichter Hidde Boersma liket no ek troch te brekken yn Amearika. Op de side dudespaper.com komt er wiidweidich oan it wurd oer syn ferhâlding ta it Dudeism en it Doedeisme. Ek Doede Bleeker, de Starumse fiskboer en sjonger blykt in rol yn Boersma syn tinkwrâld te spyljen.

Klik hjir foar it artikel.… Lês fierder

Der is wer in nij nûmer fan it ‘elektrisch literair maondblad An de liende‘ út. Dit Stellingwerver tydskrift is in útjefte fan de stichting Stellingwerfs Eigen en ferskynt ien kear yn ‘e moanne. Aldere nûmers fine jo hjir. Jo kinne jo op de side fan Stellingwerfs Eigen opjaan foar in fergees eksimplaar  yn jo elektroanyske postbus alle moannen.… Lês fierder

Nei oanlieding fan Gedichtedei 2010 hat Omrop Fryslân in portret makke fan Hidde Boersma, Frysktalich skriuwer en dichter te Utert. It filmke is hjir te besjen.… Lês fierder

Oer weitsje en sliepe

Sjoch ris oan: Ensafh. en Piter Boersma binne wekker. Us digitaal blêd ferkundiget sels in miening en dat mei in unikum neamd wurde. Dan moat der wrachtsjes in kwestje fan formaat wêze en dat is der dan ek: hélp, straks moatte wy fierder sûnder It Boun…

Earst dit: it is net ‘Koos Tiemersma’ dy’t It Boun opheffe wol, soks wurdt útmakke troch de léden. Piter Boersma hat jierrenlang bestjoerlik warber west, mar dit prinsipe dat foar elke feriening jildt, is him sa’t it liket ûntgien. It is spitich om it fêststelle te moatten, mar blykber is der earst in klap op ’e tafel à la Lakeman nedich om derfoar te soargjen dat guon de slûge kop út it sân skuorre, ferwyldere om har hinne gnuve en dan dogge wêr’t sa’n soad yn it Fryske MickyMouse-wrâldsje sterk yn binne: yn in goedkeape refleks sjitte en op de man spylje.… Lês fierder

Nei in jier fan ynspraak op it letterebelied fan de provinsje is it no stil wurden, in stilte dy’t him goed lient om opfolle te wurden mei in pear kanttekeningen fan de kant fan it Skriuwersboun. De ynspraak bestie út in pear gearkomsten mei in heech ‘roept-u-maar-gehalte’. Elk koe mar raak ynbringe, en dat waard dan ek mei ynmoed dien. Sa hat it Boun him û.o. sterk makke foar de ferbettering fan de finansjeel swakke posysje fan skriuwers, om mar ris wat te neamen. No sille guon opmerke dat soks net nedich is om’t Fryske skriuwers harren wurk dochs as hobby sjogge en der net fan hoege te bestean, mar sa’n lege beleanning foar it skriuwen yn bgl.… Lês fierder

Yn Arendz’ Arends fertelt Jan Arendz, sa as allinne Jan dat kin, oer syn hast-nammegenoat skriuwer Jan Arends. En rekket mei him yn petear. Hie Jan Jan helpe moatten? Hat Arendz wol wat fan Arends? Hy krûpt yn ‘e hûd fan de skriuwer, om syn gedichten foar te dragen en de rânen fan Arends’ siel te ûndersykjen. Jan Arendz hat de dryste skuon oandien en de foarstelling makke dy’t him al sa lang troch de holle spoeke.

De regy is fan kabaretier, akteur, sjonger, tekstskriuwer én regisseur Rients Gratama.

Sjoch op Tryater foar de spyldata

… Lês fierder