Hoe slim wie it no wrychtich? Ast alle ûnheilsberjochten leauwe meist wie dit noch mar it begjin, benammen troch de opwaarming fan de ierde stiet ús noch wol it ien en oar te wachtsjen.
Mar earlik sein wurd ik der op dit stuit hjit noch kâld fan. Dat hat fansels te krijen mei de lizzing fan Harns, sa fuortby see. Doe’t wy hjir yn 1973 belânen waarden we warskôge: it waait der hast altyd. Mar ek as it dat net docht is it altyd in pear graden kâlder as yn de rest fan ús lân.
It skeelt in jas, sei myn skoanheit altyd.… Lês fierder

Ja, Trump ek faak op syn segenrike misjes. Op ’e falreep, foar’t er mei syn bespotlike reade MAGA-pet op foaroerbûgd it fleantúch ynsjokt, ferblidet er it minskdom yn in pear simpele wurden mei syn geweldige plannen, dy’t lykwols allinne mar liede ta al mar mear minsklik lijen.
Binne der yn ’e goedichheid net mear by machte om sokke idioaten tsjin te hâlden, Amerikanen dy’t harren de eagen út de kop skamje dat se de wrâld mei sa’n ien opsadele hawwe?
Fia WhatsApp krij ik sa no en dan hilaryske filmkes oer him. Under oare ien mei Willem en Maxima yn it Witte Huis, dy’t, as wiene se op skoallereis, út harren dak geane.… Lês fierder