Skrift 14
2
… namme ûnbekend
yn myn holle koe ik noait dea
it paste der gewoan net yn
ik wie jong
no skriuw ik myn namme op it liif
dat se my te plak bringe kinne
as se my hjir fine
ik skriuw mysels ek
op ’e earms, fuotten, foarholle
foar as se my stikken
bombardearje
en ien my byinoar fandelje moat
leaver net yn in plestikpûde
nerges net om
in jutesek, rêchsek, sliepsek
fielt frediger
foar in bern dat syn mem
werom besoarge krijt… Lês fierder
De Gysbert Japicxpriis en de sjoernalist-kollumnist
Asing Walthaus ken ik as in man dy’t besteklik en orizjineel-iroanysk út ’e hoeke komme kin oer film of literatuer. My heucht noch hoe’t er yn septimber 2015 yn Tresoar op kundige wize in literêre jûn fersoarge mei de trije nominearren foar de Gysbert Japicxpriis fan dat jier, Elske Schotanus, Koos Tiemersma en Ale S. van Zandbergen.
Op 20 juny hie Walthaus yn de Ljouwerter krante in stikje mei as titel ‘Unfoltoaid’. Hy joech dêryn in koarte ympresje fan in byienkomst yn Tresoar dêr’t de 90-jierrige Hylke Speerstra syn argyf oerdroech. Ik wie derby en ik kin de treflikens fan it stik befêstigje – op ien sin nei: ‘Door Friese kinnesinne heeft Speerstra nooit de Gysbert Japicxpriis gekregen, maar dat terzijde.’… Lês fierder
Geart Tigchelaar besprekt ‘Hûngerstien’ (Hispel, 2024) fan Gerrit de Vries
Twadde en fjirde elemint
Twadde en fjirde elemint
(nei oanlieding fan de dea fan fjouwer arbeidsmigranten yn Itaalje 2026)
Kennst du das Land
Wo die Zitronen blühn?
Dêr groeit nammers
Noch folle mear
Ierdbeien bygelyks
Dy moatte fan it lân
Nei longerjende mûle
Kom foar wurk nei
Us ierdsk paradys
Wy sille royaal
Wy sille rij wêze
Sinne en swit lit
Sûnder beleaning it
Ploaitsjen begjinne
Nei in moanne
Hurd bealgjen
Doarje jimme
Om jild te freegjen?
Dan mar dea
Hoppetee
Wy stekke jimme
Gewoanwei yn’ e fik
Pseudofrucht fol wetter
Fiersten te min om
Fjoer mei te dwêsten
Moet met vliegtuig …
Ja, Trump ek faak op syn segenrike misjes. Op ’e falreep, foar’t er mei syn bespotlike reade MAGA-pet op foaroerbûgd it fleantúch ynsjokt, ferblidet er it minskdom yn in pear simpele wurden mei syn geweldige plannen, dy’t lykwols allinne mar liede ta al mar mear minsklik lijen.
Binne der yn ’e goedichheid net mear by machte om sokke idioaten tsjin te hâlden, Amerikanen dy’t harren de eagen út de kop skamje dat se de wrâld mei sa’n ien opsadele hawwe?
Fia WhatsApp krij ik sa no en dan hilaryske filmkes oer him. Under oare ien mei Willem en Maxima yn it Witte Huis, dy’t, as wiene se op skoallereis, út harren dak geane.… Lês fierder
De Gjalp: Pretty up High! – Marije de Lange
Op 23 april is Ensafh nr. 2 útkaam mei it tema literêre prizen. Yn dat ramt diele we de kommende tiid de filmpkes fan de Gjalp-winners fan 2025.
Marije wie ien fan de winners fan de Gjalp mei it gedicht ‘Pretty up high!’ by in fragment út de film ‘From Friesland with Love’ (1990) fan Anton Stoelwinder. Sy krige dêrneist de grutte eare om it Noordlik Filmfestival te iepenjen mei in live foardracht fan har fers by de film, yn in seal mei 900 taskôgers!