Transpoesie is in ynternasjonaal evenemint yn Brussel, dêr’t ferskate dichters fan ferskate (minderheids)taalgebieten by inoar komme. It is in prachtich plak om dy as dichter te ûntwikkeljen, troch mei te dwaan oan skriuwsesjes, fan inoar te learen, te netwurkjen en mei inoar in fantastyske foardracht del te setten. En fansels it Frysk mear op de kaart te setten. Dyn gedicht sil te sjen wêze op de webside fan Transpoesie en sil dêr ek útstald wurde.

It tema dit jier is topofony fan in ûnoersetber Europa. We freegje dy dus in gedicht te skriuwen mei dit tema.

Sjoch foar mear ynformaasje en oanmelding by it Skriuwersbûn… Lês fierder

Skriuw! is in ferhalewedstriid en skriuw-evenemint dat learlingen oanset ta kreatyf skriuwen yn it Frysk. It doel is om safolle mooglik learlingen fan groep 7 en 8 Frysk skriuwe te litten.

It projekt bestiet út in tal opdrachten dy’t de learlingen yn de klasse dwaan kinne om it kreative skriuwen te stimulearjen. Mei dy opdrachten wurkje de learlingen oan de feardichheden om oan de ein in ferhaal te skriuwen foar de ferhalewedstriid. It bêste ferhaal wint hjirby fansels in priis en sil brûkt wurde as basis foar de tekst fan it fineale-evenement.

Sjoch foar mear ynformaasje en opjefte by EBLTEBLT… Lês fierder

En no is Geller útsocht troch it Nederlands Letterenfonds foar de foarjiersseleksje, om de boer mei op te gean op de ynternasjonale boekebeurzen yn Leipzig (19-22 maart 2026), Londen (10-12 maart 2026) en Turyn (14-18 maaie), meldt har útjouwer Hille Faber, dy’t dêr “tige mei ynnommen” is. Boeken as Geller binne der net in soad yn de Fryske literatuer. It is moai dat it Letterenfonds dêr each foar hat en krekt dizze roman yn de foarjiersseleksje opnommen hat.

Lês fierder by de Moanne… Lês fierder

It nasjonale Boekewikegeskink wurdt dit jier skreaun troch de bestsellerauteur fan de populêre deiboeken fan Hendrik Groen. Groen bleau mear as tsien jier anonym foar it grutte publyk. Skriuwer Peter de Smet stapt spesjaal foar de nasjonale Boekewike foar ien kear út de anonimiteit. ‘Piaggio’ fan Peter de Smet ferskynt as nasjonaal Boekewikegeskink ek yn it Frysk. De Fryske oersetting is makke troch Ytsje Steen-Buwalda.

Lês fierder by Boeken fan Fryslân… Lês fierder

De webside tiidwurden.frl wurdt opnommen by it digitale erfgoed fan Nederlân.

De Keninklike Biblioteek yn De Haach sil de webside tafoegje oan it eigen digitale argyf om it feilich te stellen foar oankommende generaasjes.

Lês fierder by Goeie… Lês fierder

Op 27 jannewaris offisjeel lansearre: de Tiny Mulderpriis, de nije priis foar oersettingen fan jeugd- en berneboeken dy’t út it Frysk wei of nei it Frysk ta makke binne! It giet om publikaasjes dy’t ferskynd binne yn de perioade 2020 oant en mei 2025. Dizze provinsjale priis is in earbetoan oan skriuwster Tiny Mulder, dy’t in grutte bydrage levere oan de Fryske literatuer én berneliteratuer. Ek beklammet dizze priis it belang fan kwalitatyf hege oersettingen.

Lês fierder by EBLTEBLT… Lês fierder

Alle regelingen foar Fryske literatuer stean wer iepen foar oanfragen

Oanfragen kinne dien wurde fia Digi-D en foar bedriuwen, Ferienings en Stichtingen mei E-herkenning.

Yn it koart it oersjoch mei de regelingen – per regeling it beslút fan de iepenstellingstermyn en it plafondbedrach. Regeling skriuwen en de regeling foar oersetten is ek foar Frysk toniel beskikber.

Regelingen foar Iepenloftspullen en ynternasjonale útwikseling gean febrewaris en maart iepen; sjoch website regelingen foar subsydzjes Frysk.

Boarne: Provinsje Fryslân… Lês fierder