Jan Wybenga

(Warten 1917 – Grins 1994) wurdt beskôge as de belangrykste moderne dichter yn de Fryske literatuer. Hy krijt twa kear de Gysbert Japicxpriis – de heechste literêre ûnderskieding – in unikum. Dit Samle wurk bestiet út twa dielen. Diel I omfiemet it poëtys oeuvre fan Wybenga – oer de trijehûndert fersen út syn acht dichtbondels, sa’n 225 net earder bondele gedichten, krapoan fjirtich oersettingen en koarte teksten. Mei in skôging fan Abe de Vries en bydragen fan Teake Oppewal, Albertina Soepboer, Jabik Veenbaas en Piter Yedema. Op in tafoege cd stean tweintich fersen dy’t de dichter sels oait foardroegen hat.

Fryslân is tige geskikt as ûndersykgebiet foar studinten meartaligens. Dat seit heechlearaar Frysk Goffe Jensma. Studinten kinne takom jier begjinne oan in nije masteroplieding meartaligens oan ‘e NHL yn Ljouwert. De stúdzje duorret in jier. De doelstelling is dat tsien studinten begjinne oan de master. Dat moatte eintsjebeslút 24 wurde.

Jensma makke fierders bekend dat de stúdzje Frysk yn Grins rêden is. De RUG komt mei in nije stúdzje meartaligens dêr’t Frysk ek ûnder falt.

Earder makke de universiteit noch bekend dat se Frysk opheffe wolle om’t der te min studinten binne. Ferline jier kaam der mar ien by.

Boarne: Omrop Fryslân… Lês fierder

De gemeente Ljouwert sil nije wike offisjeel gadingmeitsje oan de status fan kultuerhaadstêd fan Europa yn 2018. In mearderheid yn de gemeenterie fan de grutste Fryske stêd hat dêr moandeitejûn foar stimd.

24 fan de 36 riedsleden wiene foar de kandidatuer. Dat wiene de fraksjes fan PvdA, GrienLinks, de FNP, Feriene Lofts en de ChristenUnie en in part fan de CDA-fraksje. De fraksjeleden fan de VVD, D66, de NLP, Brakenhof en in part fan ‘e CDA’ers stimde tsjin.

De gemeente Ljouwert sil 3,2 miljoen euro ynvestearje yn de tariedings foar in mooglike status as kultuerhaadstêd. Alle Fryske hûshâldings krije de kommende dagen in twatalich boekje yn ‘e bus, dat yn it Frysk en Hollânsk de plannen út ‘e doeken docht.… Lês fierder