Rutger Kopland is dea. De dichter is ôfrûne woansdei ferstoarn. Dat hat skriuwer Coen Peppelenbos op it literatuerwebstee Tzum buorkundich makke. Kopland is 77 jier wurden. Rutger Kopland is it skriuwerspseudonym fan Rudi van den Hoofdakker. Hy wie perfester yn ‘e psychiatry oan ‘e Ryksuniversiteit Grins en dêrnjonken in warber dichter mei in licht humoristyske ynslach. Syn earste bondel, Onder het vee, ferskynde yn 1966. Yn 2008 ferskynde foar it lêst nij wurk fan syn hân, de bondel Toen ik dit zag. Njonken gedichten skreau Kopland ek essays. Yn 1988 krige er de P.C. Hooftprijs foar syn folslein wurk. Syn gedicht Jonge sla út ‘e bondel Alles op de fiets út 1970 is by in grut part fan ‘e Nederlanners bekend wurden.… Lês fierder

Het beeld van Gysbert Japicx is weer op z’n plek bij de Martinikerk. Medewerkers van de gemeente hebben het standbeeld van de Friese dichter donderdag op z’n sokkel gezet.

Het beeld is begin januari tijdens een zware storm van zijn sokkel gewaaid en in het gras naast de kerk terecht gekomen.

Boarne: Bolswards Nieuwsblad… Lês fierder

De provinsje Fryslân kiest foar sterke ynstellings op it mêd fan taal- en kultuerbelied. Dat stiet yn de haadlinen fan de nije nota kultuer, taal, ûnderwiis dy’t de provinsje tongersdei presintearre oan belanghawwenden.

Ynstellings as AFUK en Tresoar hiene by de provinsje oanjûn dat it lestich is om belied te meitsjen as je ôfhinklik binne fan tydlike projektsubsydzjes. De ynstellings moatte wol gearwurkje en besykje om de overhead te beheinen. De folsleine nota wurdt ein augustus iepenbier makke.

De provinsje freget de organisaasjes dêr’t in subsydzjerelaasje mei bestiet om foar 1 oktober harren mearjierreplan by de provinsje yn te leverjen. Guon organisaasjes hawwe oanjûn dat se dy termyn oan de koarte kant fine.… Lês fierder

Utslach Junior Rely-priisfraach 2012 (03-07-2012)

It bestjoer fan it Rely Jorritsma Fûns makket bekend dat de sjuery fan de Junior Rely 2012 fan betinken is dat der dit jier ien fers en fiif ferhalen yn oanmerking komme foar in Junior Rely-priis.

De seis Junior Rely-prizen binne dit jier foar:
Roos Talsma út Achlum: in 1e priis foar it fers: ‘Blier’ yn de kategory poëzij;

en yn de kategory proaza:
Hedwig Oldenhof út Tynje: in 1e priis foar it ferhaal: ‘It woarteltsje’
Johannes Idsinga út Boalsert: in 2e priis foar it ferhaal: ‘1 april’
Annemieke Kirkenier út Wommels: in 3e priis foar it ferhaal: ‘De dream’

en in oanfiterpriis foar:
Sake Tiemersma út Frjentsjer: foar it ferhaal: ‘De struner fan Ljouwert’
Elbrich de Jong út Blauhûs: foar it ferhaal ‘It aventoer fan Fenna’

It totale bedrach oan prizejild dat ûnder de winners fan de Junior Rely ferparten wurdt is € 500,-.… Lês fierder

De stúdzje Fryske Taal en Kultuer sit yn swier waar. Troch de werstrukturearrings oan de RUG driget it Frysk yn de brede oplieding Europeeske Talen en Kultueren (ETC) noch mar 0,9 fte (dat is noch mar hast ien folsleine baan) oer te hâlden. Dat is fiersten te min om in goede wittenskiplike oplieding garandearje te kinnen en om sichtber te bliuwen foar takomstige studinten. Yn dizze konstruksje sil de stúdzje net lang mear oerlibje en sil in stille dea stjerre.

It Frysk hat as twadde Rykstaal yn Nederlân krigen rjochten en dat jildt ek foar de universitêre stúdzje Frysk. De ôfspraken en ferdraggen dit oangeande kinne allinnich mar rjocht dien wurde as de stúdzje Frysk in selsstannige BA/MA-oplieding bliuwt mei genôch personiel om libbensfetber te wêzen.… Lês fierder