Nijs

Huize Het Gras

Pleatst op
Reagearje
logo.ensafh

Op 7 maart ferskynt it bysûndere boek

Huize Het Gras – Teigetje & Woelrat met Gerard Kornelis van het Reve in Greonterp.

Op woansdeitejûn 12 novimber 1969 moetsje Gerard Kornelis van het Reve en dy syn freon Teigetje, dy’t dan yn Amsterdam binne om Teigetje syn jierdei te fieren, de jonge Woelrat. Fjouwer dagen letter komt er mei de trein en de bus nei Greonterp ta en giet net wer fuort.

It docht bliken dat Teigetje, krekt as Woelrat, in baas fotograaf is. Mei in ienfâldich Agfa Clacktastel, letter ferfongen troch in Asahi Pentax, meitsje sy tusken 1963 en 1975 tûzenen foto’s: fan Gerard, syn omjouwing, syn brieven en dokuminten.… Lês fierder

Reinhard Verveld ferstoarn

Pleatst op
Reagearje
logo.ensafh

De Flaming en Frysk dichter Reinhard Verveld (1931) is ôfrûne wike ferstoarn. Hy waard berne yn Brugge en wenne sûnt 1974 yn Stiens. Fan 1979 ôf skreau en dichte er yn de Fryske taal. Syn lêste bondel wie Dichterspaad (2001, eigen behear).

libbensbeskriuwing

Achterberg wie in moardner
in narder de seeman dichter
en dokter Jan Slauerhoff

Dylan Thomas wie
in grut sûper
en S. K. Feitsma
fersûpte him

Reinhard libbe
middenmank sûpers
en it rap en rút

wat seit dat
foar har dichtsjen
yn ‘e goedens no út

wurdt in sierlike
brêge begryplik
as men wit dat
de bouwer in
ûngelok wie

wat seit my
in biografy
dy’t myn genietsjen
mei gjin pinne
beskriuwe kin

(út Dichterspaad)

… Lês fierder

Trailer Diplodokus Deks – Tryater

Pleatst op
Reagearje
logo.ensafh

De jonge Flaamske regisseur Sarah Moeremans (1979) (Productiehuis Rotterdam, MTV Extreem, Blind Date – foarhinne Serie Nieuwe Theatermakers) hat har fêstbiten yn Diplodocus Deks, in teatertekst fan har lângenoat Tom Lanoye, ien fan de meast populaire Flaamske skriuwers fan it momint. It stik, oer de fynst fan in prehistoaryske kaakbonke en wat dat betsjut foar in doarpsmienskip (lês: de ien rûkt jild, de oar wol har lân net ferkeapje), is komysk en werkenber. It wurdt fan achter nei foaren spile, as wie it in archeologyske rekonstruksje. Sarah wurket foar dizze produksje mei akteurs út it ensemble fan Tryater (Marijke Geertsma en Aly Bruinsma) en mei gastspilers (Alyt Damstra, Hilbert Dijkstra, Thijs Feenstra, Hans Kroodsma, Mirjam Stolwijk (NNT, NT, searje Wilhelmina), Joop Wittermans en Koen Wouterse (NNT, searje Waltz).… Lês fierder

Tryater komt mei festival It Brûst

Pleatst op
Reagearje
logo.ensafh

Fan 25 febrewaris oant en mei 25 april 2010 strykt Tryater del op njoggen lokaasjes yn de provinsje mei it festival It Brûst. It is foar ‘t earst dat Tryater séls in festival organisearret. We steane meardere dagen op ien lokaasje mei foarstellingen én in râneprogramma foar alle generaasjes fan in mienskip. Makkum, It Hearrenfean, Boalsert, De Gordyk, Akkrum, Ljouwert, Frjentsjer, Balk en Drachten binne de lokaasjes foar dizze earste edysje fan It Brûst. Makkum hat de premiêre fan it festival en de foarpremiêres fan de foarstellingen. De foarstellingen geane op sneon 6 maart op It Hearrenfean yn premiêre.

Sjoch foar mear ynformaasje op de side fan Tryater

… Lês fierder

Nûmer 1 fan Ensafh op papier is út

Pleatst op
Reagearje
logo.ensafh

It earste  nûmer fan ensafh yn print is ferskynd. Hjir ûnder stean de ynhâldsopjefte en ek it redaksjoneel. Foat it nimmen fan it abonnemint sjoch ûnder Abonnemint.

Losse nûmers binne te keap by de boekhannel en kinne ek besteld wurde, sjoch dêrfoar ek it mailadres ûnder Abonnemint.

ensafh-2010-1

Ynhâld ensafh 1 yn print

3 Redaksjoneel (sjoch ûnder)

4 Anne Feddema
Torpedo’s los!

5 Geart Tigchelaar
Spikerbroek en rock ’n roll

6 Eric Hoekstra
It Paradys ferlern, mar in fraaie oersetting fan Milton wûn (Besprek Fryske oersetting John Milton, Paradise Lost)

12 Bartle Laverman
Jehannes op solder

17 Teije Idzardi
Bûlen fan Caisson

18 Pieter Duijff
Striid en segen – ta it 75-jierrich bestean fan de KFFB

24 Piter Boersma
De plint
It húskerútsje

26 Froukje Sijtsma
Libje of libbe wurde?… Lês fierder

Melvin van Eldik – loverboy famke

Pleatst op
Reagearje
logo.ensafh

Melvin van Eldik presintearret op 25-02-2010 wer in Liwwadder Poëzieavond yn Theater de Bres te Ljouwert.  By it Literêr Sirkwy yn Museum Belvédère op 21-02-2010 makke dizze alsidige artyst grutte yndruk mei it fers ‘loverboy.’ Sjoch foar mear ynformaasje www.melvinvaneldik.nl

loverboy famke

sêft kreakjend lûd
iepenslaand
sliepkeamerfinsterkezyn
al in skoft fertroud

de reinpiip
as in dûnsjende kobra
tsjin in muorre fan in algengrien masker
seit eltse kear wer: “au”

en dan troch de nacht, dêr’t sij eltse poarje al fan kin
ûnderweis nei de rôze dize, dy’t de geilens reaget
út de eagen fan de doarmjende rútridders
de protte nammen fan de leafde by del

mem hat hiele grutte earen
mar heart hielendal neat
heit bestiet allinnich op fergiele foto’s
yn stjonkende, brune doazen fan ribbelich striekarton

sij witte net fan har folgroeide liif
dat te keap is yn tsjustere stegen en gloppen
dêr’t glûpende ronselers ronselje yn glimmende boesgroentsjes
de drippende shoarmasauzen om it pûstige kin

Barbie al in tiid ûntgroeid
sil sij it ea better witte?… Lês fierder