Op 12 desimber 2009 stiet de Ljouwerter Melvin van Eldik yn ‘e finale van de Nationale Kampioenschappen Poetry Slam 2009. De finale fynt plak yn Tivoli de Helling yn Utert. De sjuery bestiet diskear út dichter en performer Jules Deelder, 3FM-dj Giel Beelen en Janita Monna, resinsint fan de Groene Amsterdammer.

It publyk hat úteinlik de beslissende stem mei it produsearjen fan desibellen. Melvin van Eldik noeget dêrom elk út om der op 12 desimber yn Utert by te wêzen.

Muzyk: dj Daniël Zuur, Most Unpleasant Men (band)
Presintaassje: Ruben van Gogh en Nieske Bek
Kaarten á 10 euro fia: http://www.tivoli.nl/agenda/informatie… Lês fierder

Toanieloersetster Tryntsje van der Zee is sneon yn ‘e âldens fan 69 jier ferstoarn. Van der Zee wie ferbûn oan Tryater. Se hat in soad bûtenlânske toanielstikken oerset foar Tryater en amateurselskippen. Foar dit oersetwurk krige se yn 2008 de Obe Postmapriis

Neffens de sjuery hat se mei har oansprekkende taal bydroegen oan it sukses fan Tryater. Van der Zee wie al wiken slim siik. Se wie de widdo fan Pyt van der Zee, de eardere artistyk lieder fan Tryater.… Lês fierder

No snein 29 novimber wurdt in dokumintêre oer Anne Wadman op Nederland 2 útstjoerd. Tresoar yn Ljouwert iepenet op 12 desimber in eksposysje oer it libben en wurk fan de skriuwer. Oanlieding is it ferskinen fan it boek Grimmig eerlijk fan Joke Corporaal.… Lês fierder

Deputearre Steaten fan Fryslan hawwe de dr. Joast Halbertsmapriis foar wittenskiplik wurk yn Fryslân 2009 takend oan Oebele Vries. Oebele Vries kriget de priis foar syn hiele wittenskiplike wurk op it mêd fan Fryske skiednis, de Fryske taalskiednis en de Aldfryske filology.

De Halbertsmapriis wurdt ienris yn ‘e trije jier takend en is bedoeld foar wittenskiplik wurk oer Fryslân op it mêd fan skiednis, taal- en literatuerwittenskip en sosjale wittenskippen. De priis wurdt takend foar ien wurk, mar kin ek takend wurde foar in hiel oeuvre. De priis bestiet út in bedrach fan € 4.000,- en in oantinken.

Oebele Vries syn publikaasjes kippe derút troch in kombinaasje fan yngeand boarneûndersyk, in tige hoedene ynterpretaasje dêrfan en in kleare, tagonklike en meinimmende skriuwstyl.… Lês fierder

Der komt in Fryske ferzje fan ‘e superhit We are the World. Yn 1985 diene tal fan wrâldartysten mei oan it nûmer om jild yn te sammeljen foar Afrika. Dizze kear binne it Fryske sjongers dy’t fergees harren stim útliene. De opbringst fan ‘e single giet opnij nei in goed doel; de stichting Baobab Leer Gambia Lezen.

Fryske artysten lykas âld-Reboelje-sjonger Marius de Boer, Gryt Wiersma en Tet Rozendal dogge mei oan ‘Dit is ús wrâld’. De single moat foar de krystdagen útkomme. Alle opbringsten gean nei it goede doel. De muzyk wurdt trouwens net allinnich songen troch bekende Fryske sjongers.… Lês fierder

It iepenloftspul Opsterlân komt takom jier opnij mei in famyljefoarstelling. It giet om it stik ‘Hoe no, Robin Hood?’ dat skreaun is troch Bouke Oldenhof. Mei de famyljefoarstelling moat de groei yn it tal besikers trochsette. Dy begûn ferline jier mei it stik ‘Ronja de rôversdochter’, dêr’t ek in soad jongeren op ôf kamen.

‘Hoe no, Robin Hood?’ wurdt yn juny spile yn de bosken fan Sparjeburd op De Himrik. Op 7 en 9 desimber binne der audysjes.… Lês fierder