Wat my opfalt yn it advys fan de kommisje is dat de poëzij blykber hielendal bûtenboard falle sil, want der stiet: ‘… meitsje fan de Gysbert Japicxpriis definityf in oeuvrepriis en praat mei Tresoar ôf dat se sa gau mooglik mei relevante partijen wurkje oan de ynstelling fan in nije priis foar it bêste proazawurk fan bygelyks de lêste twa jier.
Lês fierder by Cornelis van der Wal… Lês fierder
Taspraak dep. Jannewietske de Vries by útrikking
Gysbert Japicxpriis oan Durk van der Ploeg.
Achte oanwêzigen/Bêste minsken,
It moat my mar fuortendaliks fan it hert: einlings hat Durk van der Ploeg de Gysbert Japicxpriis! Gelokkich, ik kin net oars sizze.
At der ien de priis fertsjinnet, dan Van der Ploeg. Alle kearen neamd, nea wûn. Wat wie ik bliid dat ik Durk van der Ploeg lêsten moarnsbetiid belje mocht om him te fertellen dat er dizze priis krije soe.
Dêrmei is de erkenning realisearre fan in grut skriuwer, mei in grut oeuvre. No wie dizze erkenning der altyd wol, fan de lêzers, mar at je dan altyd op ien nei earst binne, dan kin ik my yntinke dat je wolris wat teloarsteld binne.… Lês fierder
Advyskommisje
Oan: Deputearre Steaten fan Fryslân
t.a.f. Jannewietske de Vries, kultuerdeputearre
Fan: advyskommisje Gysbert Japicxpriis 2011
(Sietske de Jong, Ate Grijpstra en Willem Verf)
Ikkerwâld, 30 augustus 2011.
Acht kolleezje,
Hjirby advisearje wy de Provinsje Fryslân de Gysbert Japicxpriis 2011 ta te kennen oan Durk fan der Ploeg, skriuwer te Noardburgum. Fierderop yn dit brief fine jimme in wiidweidige ynhâldlike motivaasje foar dit advys.
Alderearst wolle wy as kommisje graach in advys útbringe oer it karakter fan de priis. Wy fûnen it dreech om alle sjenres literatuer, útsein poëzij, yn ús oardielsfoarming te belûken. Boppedat moasten wy kieze oft wy de priis takenne moasten oan in inkeld boek of foar in heul oeuvre.… Lês fierder
Laudatio fan Bert Looper
Achte oanwêzigen, achte Van der Ploeg,
Yn 2007 kaam ik nei 32 jier wer werom yn Fryslân. Durk van der Ploeg wie de earste Fryske skriuwer dêr’t ik doe oer de flier kaam. Ja, Van der Ploeg, jo sjogge no wat ferheard want de wurden ‘oer de flier komme’ suggerearje in relaasje dy’t der yndie net is. Sterker noch, jo witte faaks net iens dat ik by jo oer de flier kaam want jo moasten dy deis wat yn de tún omskarrelje en sa koe ik mei de makelaar troch jo hús hinne strune…. Ik wist sels ek net dat ik in besichtiging hie by de skriuwer Durk van der Ploeg, mar ûnder de rûnlieding kamen de makelaar en ik ek yn in studearkeamer en dêr waard it foar my dúdlik: ik stean hjir yn it hillichdom fan Durk van der Ploeg!… Lês fierder
De stichting Boeken fan Fryslân stelt him ta doel om de ferkeap fan Frysktalige boeken en boeken oer Fryslân of Fryske ûnderwerpen te befoarderjen troch ûnder oare:
a. it organisearjen fan lytsskalige sutelaksjes;
b. kontakt te sykjen mei oerheden, bedriuwen, organisaasjes en ynstânsjes mei útstellen en oanbiedingen;
c. it organisearjen fan boekferkeapaktiviteiten yn brede sin;
d. ûnder ‘boeken’ wurde hjir ek ferstien Frysktalige byld- en/of lûddragers.
It bestjoer fan de stichting telt bestiet út fertsjintwurdigers fan de Bibliotheekservice Fryslân en de Fryske útjouwers: Afûk, Audiofrysk, Bornmeer/Steven Sterk, Elikser, Friese Pers Boekerij, Frysk & Frij, Hispel en KFFB en hat in ûnôfhinklike foarsitter.… Lês fierder
De Boekenkrant besteed iedere editie aandacht aan nieuwe titels. Hieronder een selectie van de titels die in oktober 2011 in de Boekenkrant behandeld zijn.
Lês fierder by de Boekenkrant… Lês fierder
Hjoed wie ik dielnimmer oan ien fan de heechmissen yn de Fryske literatuer: de útrikking fan de Gysbert Japikspriis. Yn in folle Martinitsjerke yn Boalsert krige Durk van der Ploeg de oarkonde út hannen fan deputearre Jannewietske de Vries, nei’t sjueryfoarsitter Willem Verf it sjueryrapport foarlêzen hie en Tresoar-direkteur Bert Looper syn laudatio.
Lês fierder by Abe de Vries… Lês fierder