It wittenskiplik ûnderwiis yn it Frysk moat wetlik ferankere wurde. Dat stiet yn de moasje dy’t de Fryske Keamerleden Habtamu de Hoop (PvdA) en Harry van der Molen (CDA) dizze wike yntsjinje by de begruttingsbehanneling fan it ministearje fan Underwiis.
D66-Twadde Keamerlid Romke de Jong seit yn in earste reaksje dat er de moasje ‘sympatyk’ fynt. “Ik bin der tige wiis mei dat dit ûnderwerp heech op de aginda stiet”, seit De Jong, dy’t sels gjin ûnderwiiswurdfierder is. “Foar it fuortbestean fan it Frysk moatte je in tal rânebetingsten goed regelje, en dêr heart de heechlearaar Frysk seker by.”

Lês en harkje fierder by Omrop Fryslân… Lês fierder

Fryslân soe besykje moatte om mear gear te wurkjen mei Ostfriesland en Nordfriesland yn Dútslân. Deputearre Sietske Poepjes hat mei de Eastfryske boargemaster Arno Ulrichs ôfpraat om as earste stap in ‘ynterfrysk kultuerparlemint’ byinoar te roppen foar politisy en bestjoerders út de trije Fryslannen.
Mear oparbeidzje leit neffens deputearre Poepjes foar de hân, want de gebieten hawwe mienskiplike woartels én fergelykbere útdagingen. It stribjen is om takom jier foar it earst in gearkomste fan sa’n ynterfrysk kultuerparlemint te organisearjen. As it wat meisit, is takom jier de earste sitting oer twa dagen.

Lês fierder by Omrop Fryslân… Lês fierder

De eardere fersetsman Piet Oberman (1908-1972) út Dokkum hat sûnt freed in eigen biografy. It boek is skreaun troch Hessel de Walle.
Oberman joech yn desimber 1944 lieding oan de groep dy’t de finzenis yn Ljouwert oerfoel om fersetsminsken te befrijen.
Skriuwer Hessel de Walle, ûndersocht de ôfrûne twa jier tegearre mei Gerk Koopman, Warner Banga en Marco Oberman de persoan achter Piet Oberman.

Lês en sjoch fierder by Omrop Fryslân… Lês fierder

De Ryksuniversiteit Grins sil de kommende jierren gjin opfolger oanstelle foar de okkerdeis mjirkes wurden heechlearaar Frysk. Dat beslút is yn it Fryske fjild hurd ynslein. Wij sjogge it as in ûnnedige stap tebek en boppedat as in hurde besuniging foar ús kwetsbere minderheidstaal. As der net gau dochs noch in opfolger beneamd wurdt, liket it lot fan it Frysk oan de universiteit besegele, ommers sûnder heechlearaar kin de stúdzje him yn it hjoeddeistige akademysk klimaat net steande hâlde. Wij witte  dat der meardere persoanen geskikt binne om de learstoel te besetten, mar dêrfoar moat de universiteit wol yn petear gean mei partners yn it fjild.… Lês fierder

‘Sipke de Schiffart is dichter fan de moanne novimber by RIXT. ‘ferâldere’ is syn earste moannegedicht.’

ferâldere

by de MediaMarkt
op De Sintrale
moast ik fannemiddei
in bytsje gûle

al dy nije apparaten –
faak wist ik net wat it wie
of hie ik der noait fan heard,
lit stean dat ik se betsjinje koe

Lês fierder by RIXT… Lês fierder

‘Tongebrekker’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.

De Dichter fan Fryslân, Sigrid Kingma: ‘In dichter hat ellinde nedich om oer te skriuwen, sizze se. Mar der is ek soks as tefolle kar-út. Foar wa’t it allegear net mear byhâldt, biedt de Dichter fan Fryslân in rymjend oersjoch fan wat der oan nijs út binnen en bûtenlân op ús ôfkommen is de lêste tiid’.

Lês it fers by Dichter fan Fryslân… Lês fierder

Deputearre Steaten en it Ryk moatte in oare universiteit sykje foar in folweardige masteroplieding Frysk, fynt It Skriuwersboun. De feriening is net wiis mei de gearwurking mei de Ryksuniversiteit Grins (RUG).
It Skriuwersboun is in feriening dy’t him ynset foar Fryske skriuwers, dichters, oersetters en publisisten. As brûkers fan de taal hat it bûn belang by in akademyske oplieding Frysk.
De gearwurking mei de RUG soe opsein wurde moatte, fynt it bûn. It wol fierder dat yn de Bestjoersôfspaak Fryske Taal en Kultuer (BFTK) betingsten opnaam wurde foar de oplieding en de learstoel, mei literatuerstúdzje. Dêrby moat de Frisistyk eksplisyt neamd wurde.… Lês fierder