Fan 6 septimber ôf lûke dichter Tsead Bruinja, muzikant Zea en fotografe Rosa van Ederen by wensoarchynstellingen yn Fryslân del om ferhalen fan âldere Friezen op te tekenjen. Bruinja begûn mei ‘Portretten in Poëzie’ doe’t er Dichter des Vaderlands wie. Troch Ljouwert UNESCO City of Literature kin it projekt no trochgean.

Tsead Bruinja wie yn 2019 en 2020 Dichter des Vaderlands. Yn jannewaris 2019 joech er in workshop oan trije âlderen yn Dokkum. Hy prate mei harren oer frijheid, it tema fan de Poëzijwike fan dat jier, en se makken dêr tegearre gedichten by. Yn 2019 wurke er it projekt út foar oare soarchynstellingen yn Fryslân.… Lês fierder

Wer as fanâlds nei it teäter, in konsert of it museum: der is wer folop keuze. It kulturele seizoen giet sneon yn Ljouwert offisjeel fan start mei it evenemint Uit in huis. ‘As fanâlds’ dus, mar de fraach is oft dat sa bliuwt, want de ûnwissichheid oer corona is net fuort.
De turbulinte coronajierren dreune noch flink nei yn de kultuersektor. De museumbesites binne noch net op it âlde nivo en de teäters fernimme dat it publyk in soad op it lêste momint in kaartsje keapet.
Boppedat is der noch de driging fan de opleving fan corona yn de hjerst en de winter.… Lês fierder

De Berneboeke-ambassadeur Lida Dijkstra stiet yn ‘e startblokken foar har lêste grutte toernee fan har amtstermyn. Se sil by mar leafst 40 skoallen del yn de gemeente Súdwest-Fryslân dy’t allegear fan harren gemeente de ‘Lêskoffer’ fol Fryske berneboeken kado krigen ha! No freed is de ôftraap op de RK Daltonschool Sint Martinus yn Makkum.

Lês fierder by Boeken fan Fryslân… Lês fierder

Dichter fan Fryslân Sigrid Kingma draacht tiisdeitejûn Fryske gedichten foar op in ynternasjonaal poëzyfestival yn Sardinië. Mei de gedichten wol se de minsken yn de kunde komme litte mei Fryslân en it Frysk.

In delegaasje fan Italiaanske taalminderheden nûge har yn april út foar it it poëzyfestival yn it plakje Seneghe. “Fia de ambassade wiene sy op wurkbesite yn Fryslân en dêr wie ik ek útnûge mei in gedicht. Sy fûnen it moai en seinen dat ik dat wol by har foardrage koe.”

Oardel oere
Har programma duorret oardel oere. “Yn de foarm fan in ynformeel petear sille wy it ha oer Fryslân, it Frysk.… Lês fierder

Op sneon 3 septimber wurdt om 15.30 oere op NPO2 in portret útstjoerd fan de Amsterdamsk-Fryske dichter Nyk de Vries. As skriuwer en muzikant betinkt er hieltyd nije foarmen en wurket er graach tegearre mei oare artysten. As Dichter fan Fryslân makke er acht poëzyfilms en die er ûnder oare in blokfluit-Alvestêdetocht mei it Cohda Kwartet. Yn de dokumintêre, makke troch filmmakker Herman Zeilstra, wurdt Nyk folge op syn reis nei Kopenhagen dêr’t er optreedt mei de Deenske dichter Carsten René Nielsen. De film is snein 4 septimber om 17.00 oere te sjen by Omrop Fryslân en wurdt dêrnei alle oeren werhelle.… Lês fierder

De earste Diet Huberpriis, ornearre foar it moaist yllustrearre berne- of jongereinboek, giet nei By Beppe Utfanhûs, skreaun en yllustrearre troch Mirjam van Houten (Beetstersweach, 1977). De sjuery, dy’t bestiet út Susan van den Berg, Margaretha Cats en Dolf Verroen, krige tweintich boeken foarlein, dêr’t nei earste skifting fiif fan oerbleaune. Boeken mei in grut ferskaat, dy’t de yntinsjes en de belutsenens fan de yllustrator dúdlik útkomme litte, mar ien kippet der safier út dat de sjuery ienriedich foar By Beppe Utfanhûs keas: ,,De ynllustraasjes binne net allinne moai fan foarm en kleur mar litte mear sjen as de tekst jout.… Lês fierder

Die niederländische NRC lässt in ihrer Ausgabe vom 27/28. August den Philosophen Ger Groot als Verteidiger von Karl Mays Winnetou zu Worte kommen. Der Titel des – leider etwas naiven – Artikels ist „Winnetou is de ideale mens“ (Seite 06 der Rubrik „Opinie & Debat“). Herzlichen Dank, Ger Groot!

Anlass des Plädoyers ist der Umstand, dass der niederländische Verleger von Karl May, der ehrwürdige Meulenhoff Verlag in Amsterdam, alle Karl May-Titel aus dem Programm genommen hat. Er kapituliert damit leider vor den Versuchen kleiner Gruppen selbsternannter Sprach- und Kulturpolizisten, die Vielfalt unserer Medienwelt zu zensieren und ideologisch zu beherrschen. Es ist eine Schande, dass Meulenhoff sich darauf einlässt.… Lês fierder