FERSpraat is in miny-podcast fan Geart Tigchelaar (Streekdichter fan Noardeast-Fryslân) dy’t mei syn twa gasten, Anneke Hoogland en Bram Zeilman, alle kearen ien gedicht foarlêze en koart beprate.
De ôfleverings wurde earst útstjoerd yn it programma Weekend Nieuwsshow fan RTV NOF.
Yn dizze earste ôflevering lêze hja in gedicht fan Tsead Bruinja, nammentlik ‘bêd’ út de bondel ‘Stofsûgersjongers / Stofzuigerzangers’ (Afûk, 2013).
Harkje fierder by Soundcloud… Lês fierder
Wetterskip Fryslân en it Woudagemaal skriuwe in gedichtewedstryd út omdat sy fiere dat it Woudagemaal al 100 hier soarget foar drûge fuotten yn ús moaie provinsje.
Wat falt der te winnen?
Foar yndividuen: It winnende gedicht wint in VIP-arranzjemint ynklusyf middeisbrochje foar 4 persoanen by it Woudagemaal mei in rûnlieding. It winnende gedicht (of in diel dêrfan) wurdt op it rút fan de yngong by de kassa setten. Dus foar alle besikers sichtber!
Foar skoallen: It winnende gedicht wint it ‘folle krêft foarút’-arranzjemint by it Woudagemaal foar de hiele klasse (op syn heechst. 30 learlingen). En it gedicht (of in diel dêrfan) wurdt op it rút fan it stoomlokaal by it Woudagemaal setten.… Lês fierder
() Hjoed is de om de koroana útstelde boekewike begûn. Lang om let binne no it Boekewike-essay fan Roxane van Iperen en it Boekewikegeskink fan Hanna Bervoets te besetten. En der is, lykas de lêste jierren wenst, wer in Fryske edysje fan it Boekewikegeskink, diskear oerset troch Baukje Zijlstra. Dat is bûten Fryslân ek te krijen: freegje dernei!
Lês fierder by It Nijs… Lês fierder
Open call: Ljouwert City of Literature en Tryater organisearje workshop foardrachtskeunst foar skriuwers en dichters
Wolst tips en trúks om sa foar te dragen dat it publyk dy de wurden wol út ‘e mûle helje wol? It geheim achter it goed brûken fan stiltes yn dyn foardracht? Ljouwert City of Literature en Tryater jouwe fan tongersdei 23 septimber ôf in workshoprige fan fiif jûnen foardrachtskeunst foar profesjonele skriuwers en dichters. De oanmelding is no iepen!
Yn dizze workshoprige ûndersikest op boartlike wize de mooglikheden om in tekst oer te bringen. Silst mei akteur en teaterdosint Karel Hermans oan ‘e gong mei dyn eigen teksten, poëzy of proaza, yn hokker taal ast mar wolst.… Lês fierder
Nei fjouwer foargeande kongressen efterinoar yn it Adverium yn Drachten, wie ôfrûne tiisdei de earste digitale ferzje fan WOW Frysk 2030. It kongres luts mear as 110 learkrêften, dosinten, direksjes, studinten en oare belangstellenden út de ferskillende sektoaren fan it ûnderwiis en foarme tagelyk de ôftraap foar Taalplan 2030.
Under útrop ‘Wow Taalplan Frysk 2030’ riede alderhande ynstellingen har ta op it jier 2030 as op alle skoallen yn Fryslân it Frysk praten, lêzen en skriuwen op in solide wize leard wurdt.
Lês fierder by It Nijs… Lês fierder
De Fryske dichters Cornelis van der Wal, Elmar Kuiper, Syds Wiersma en Geart Tigchelaar presintearje yn ’e mande mei de Deenske dichters Peter Laugesen, Carsten René Nielsen, Annemette Kure Andersen, Thomas Dalgaard en Mads Mygind op it ynternasjonale literatuerfestival LiteratureXchange yn Aarhus de twatalige blomlêzing Oar hûs / Et andet hus, útjûn troch Hispel.
Yn 2019 hawwe de fjouwer Fryske dichters in wike yn Aarhus west om kollega-dichters te treffen en om op te treden. Dêr is in gearwurking mei de fiif Deenske dichters út fuortkommen. Sa hawwe hja dwaande west om inoars wurk oer te setten, fjouwer fan elke dichter.… Lês fierder
