Nijs

Teleks: Maaike Beckers nije projekkoördinator Boeken fan Fryslân

Pleatst op
Reagearje
logo.ensafh

Maaike Beckers (Wytmarsum, 1988) is de nije projektkoördinator foar Boeken fan Fryslân. Sy wurket sûnt 2015 foar it kulturele fjild yn Fryslân. Earder as beliedsmeiwurker by de provinsje Fryslân en sûnt 2021 as saaklik direkteur by Pier21. Beckers nimt mei dizze stap de funksje projektkoördinator Boeken fan Fryslân oer fan Ernst Bruinsma en sil de kommende tiid petearen hawwe mei útjouwers, skriuwers, lêzers en oare spilers yn it literêre fjild yn Fryslân.

Lês fierder by Boeken fan Fryslân… Lês fierder

Aginda 05-07-2025: Iepening útstalling oer it libben en wurk fan Obe Postma

Pleatst op
Reagearje
logo.ensafh

Obe Postma (1868–1963) stiet bekend as de dichter fan it Fryske lân, it Fryske libben en de Fryske siel. Minder bekend is dat er ek in alsidige wittenskipper wie, dy’t publisearre oer natuerkunde en astronomy, filosofy, lânbou en skiednis. Postma is berne en begroeven yn Koarnwert, dêr’t dizze simmer in spesjale tentoanstelling oan him wijd is yn de doarpstsjerke.

De feestlike iepening fynt plak op sneon 5 july om 1 oere Rimmer Mulder fan de Obe Postma Selskip jout de ynlieding. Dichter en essayist André Looijenga resitearret guon gedichten en leit Postma syn poëzij yn relaasje ta it lânskip út. Neitiid is der in kuier foarby it berteplak fan Postma en plakken oan de Iselmardijk dêr’t er oer sletten is.… Lês fierder

Teleks: Aggie Meijer wint de Fryske Poëzyslam

Pleatst op
Reagearje
logo.ensafh

De Frysk/Biltske dichter stie Aggie Meijer stie mei Kesanova (Kees de Vries) yn de finale fan de tredde edysje fan de Fryske Poëzyslam! Yn in spannend duel namen se om bar de mikrofoan om it publyk mei har wurdkeunsten te ferlieden.

De finale-battle waard in om-en-om-foardracht dy’t fie as ebbe en floed. Nei’t it publyk yn it smûke Kafee De Gouden Leeuw mei blommen har foarkar foar de winner oanjûn hie, die bliken dat Aggie mei in minym ferskil ta slamkampioen útroppen wurde koe. Neist ivige rom krijt se in wikselbokaal, in sjek fan 500 euro en in bosk blommen. Earder waarden Martsje de Jong (2024) en Syds Wiersma (2023) Frysk kampioen.… Lês fierder

Teleks: Sichtberens Fryske Taal

Pleatst op
Reagearje
logo.ensafh

De regeling hat ta doel om de sichtberens en it brûken fan ’e Fryske taal yn it iepenbiere libben en ’e publike romte yn Fryslân te fergrutsjen. Ofhinklik fan de aktiviteit wurdt de subsydzje beskikber steld oan in yn ’e provinsje Fryslân fêstige desintrale oerheid of oan in yn de provinsje Fryslân fêstige privaatrjochtlike rjochtspersoan. De regeling stiet iepen fan 23 juny 2025 oant en mei 10 desimber 2025 en hat in subsydzjeplafond fan € 559.000,-

Subsidiabele aktiviteiten
Aktiviteiten dy’t fuortkomme út in beliedsplan Fryske Taal by in desintrale oerheid
It ynsetten fan in meartalichheidskoördinator by in gemeente yn it Fryske taalgebiet
It pleatsen of publisearjen fan Fryske teksten troch privaatrjochtlike rjochtspersoanen.… Lês fierder