De Utmolken Toer
Dichtersjûn op 24 oktober wurdt livestreamd

De lêste jûn fan De Utmolken Toer, de toernee fan dichters Elmar Kuiper en Geart Tigchelaar, op 24 oktober om 19:30 oere yn De Bres te Ljouwert wurdt livestreamd.

Mei’t koroana it grutte publyk tsjinhâldt, hawwe de dichters besletten om harren dichtersjûn nei de minsken ta te bringen. De livestream wurdt fersoarge troch kreatyf reklameburo Hatogkrøller en is te folgjen op it YouTube-kanaal fan Frysk literêr tydskrift Ensafh. Fierders op de Facebook-akkounts fan Ensafh en Dichterskollektyf RIXT.

Njonken de optredens fan Kuiper en Tigchelaar sille Ljouwerter dichters Cornelis van der Wal en Syds Wiersma foardrage.… Lês fierder

Twa bedriuwen út Ljouwert kinne úteinsette mei de ûntwikkeling fan de digitale biblioteek digiTales, dêr’t âlde folksferhalen yn ta libben brocht wurde. In subsydzje fan mear as 100.000 euro makket dat mooglik. It giet foarearst om trije Fryske folksferhalen dy’t digitalisearre wurde: Rixt van het Oerd, De frou fan Starum, en It Spûk fan de Langesleat.

Lês en harkje fierder by Omrop Fryslân… Lês fierder

De dr. Obe Postmapriis 2020 is takend oan Jan Popkema foar syn Frysktalige oersetting fan Das Parfum fan de Dútske auteur Patrick Süskind. De priis wurdt op 19 novimber – coronaproof – útrikt yn gearwurking mei it festival Explore the North.

Jan Popkema (1942) is frisist en nearlandikus. Hy wurke ûnder oare by de learare-oplieding Frysk en Nederlânsk yn Ljouwert en wie leksikograaf by de Fryske Akademy. Dêrneist hat er literêr wurk fan bygelyks Gysbert Japicx oerset en Fryske learmiddels skreaun. De Fryske oersetting fan Das Parfum ferskynde yn 2018 by útjouwer Regaad.

Lês fierder by Omrop Fryslân… Lês fierder

Geart Tigchelaar hat in filmke makke by syn gedicht ‘Leafdesfertriet yn in pak molke’ út syn nijste bondel ‘Ommers‘.

… Lês fierder

Takom jier ferskynt in nij boek oer de njoggentjinde-iuwske dominy François HaverSchmidt, lanlik bekend ûnder syn dichtersnamme Piet Paaltjens. It is de opmjitte nei in kultuerprojekt yn 2022 mei dêryn ûnder mear in teäterspektakel, yn Foudgum by Dokkum. Inisjatyfnimmer Johannes Keekstra fertelt op de Ferhalejûn op freed 6 novimber, yn de tsjerke fan syn wenplak Tytsjerk, oer syn plannen en foaral oer wat him der yn koroanatiid ta beweegde.

Lês fierder by It Nijs… Lês fierder

De taalkampanje in gemeente Waddenhoek is nou drie weken onderweegs. En wij mâge wel sêge dat ‘t ’n súkses is. D’r wort feul andacht geven an deuze kampanje en de leden fan ’t gemeentlik taalplatform en dernaast nag feul meer frijwiligers gaan letterlik de dyk op.

Lês fierder by Stichting Bildts Aigene… Lês fierder

Om de útstalling Each yn each mei oarloch wat mear glâns te jaan, organisearret it Frysk Museum fjouwer temamiddeis dêr’t besikers harren ferhaal oer oarloch of frijheid op fêstlizze litte kinne yn in typte brief. Anne Brouwer en Lieke van den Kommenacker fan De Liefdesbode binne dêr op snein 11 oktober, 1 en 22 novimber en 13 desimber fan 13.30 oant 15.30 oere foar yn it museum. Foar de aktiviteit is it Frysk Museum op syk nei ferhalen, oantinkens oan oarloch en perspektiven op wat frijheid is. Alle ferhalen oer oarloch en frijheid binne wolkom.

Lês fierder by It Nijs… Lês fierder