Geart Tigchelaar: It fers ‘it arkje’ is ûntstien yn ‘e wike dat Dichterskollektyf RIXT dêr siet foar it projekt ‘Rigel fan Rink‘.
it arkje
ferhalen binne ferhalen dy’t ferteld wurde net om út te finen oft se wol doge
ferhalen binne ferhalen om’t se ferteld wurde om ús troch de tiid te helpen
ferhalen binne ferhalen dy’t wy foaral ússels fertelle om it moaier te meitsjen
of slimmer
Lês, sjoch en harkje fierder by RIXT… Lês fierder
Dichtdiner lânskipsleafde
Ljouwert City of Literature organisearret op freed 23 oktober op ‘e nij in yntym dichtdiner. Fjouwer skriuwers/dichters mei hert foar it lânskip steane sintraal. Yn it Frysk en yn it Nederlânsk ‘besjonge’ en betreurje sy de (kwinende) natuer. Jantien de Boer, Edwin de Groot, Marije Roorda en Jan Kleefstra drage yn de sfearfolle seal fan de Westertsjerke wurk foar oan in lyts, nijsgjirrich publyk. ANNULEARRE.
Lês fierder by City of Literature… Lês fierder
Gedicht: Janke Nicolai, yllustraasjes:Dorien Kooistra, foarlêzen troch Rieneke Speerstra.
Klik hjir foar it filmke… Lês fierder
Wethâlder Andries Bouwman fan Tytsjerksteradiel joech woansdeitemoarn de ôftraap foar de Berneboekewike op basisskoalle De Ichtusschool yn Gytsjerk. Hy lange de skoalle in pakket oer mei Fryske boeken mei in wearde fan € 200,-.
Wichtich foar taalfeardigens
Yn groep 1, 2 en 3 fan Juf Ineke Hartwig lies wethâlder Bouwman foar út it Fryske boek Skattich fan Lida Dykstra en Marije Tolman. “Foar de taalfeardigens fan bern is it tige wichtich dat se fan jongs ôf oan mei it Frysk en oare talen yn kontakt komme”, seit Bouwman. “Ik bin sels net Frysktalich opgroeid en ûnderfyn no hoe dreech oft it is om jin letter in taal eigen te meitsjen.”… Lês fierder
Dichter fan Fryslân Nyk de Vries hat in nij fers skreaun: Folle leaver.
Folle leaver
folle leaver ha ’k
datst my rekkest mei in wurd
datst my skerp seist wêr’t it op stiet
datst de saak op ’e spits driuwst
my straal de gek oanstekst
folle leaver
Lês fierder by Dichter fan Fryslân… Lês fierder
Yn syn wenplak Warns is skriuwer en ferhaleferteller Mindert Wijnstra ferstoarn. Wijnstra wie al in oantal jierren slim siik. Hy hie prostaatkanker en krige dêr in oerhaal oerhinne. Mindert Wijnstra waard 74 jier âld. Wijnstra wie troud en hie twa dochters. Mei ien fan har, Babs, wurke hy in soad gear. Sy tekene in soad fan de ôfbyldingen yn syn boeken.
Lês, sjoch en harkje fierder by Omrop Fryslân… Lês fierder
Dichter Nyk de Vries op Transpoesie
Dichter fan Fryslân Nyk de Vries docht dit jier mei oan de tsiende edysje fan it ynternasjonale poëzyfestival Transpoesie yn Brussel. Fanwegen de koroanakrisis sil it festival folslein digitaal ferrinne.
Op 14 oktober sil De Vries fia in live-stream fertelle oer syn wurk en sille der earder opnommen gedichten fan him toand wurde mei oersettings yn it Nederlânsk, Frânsk en Ingelsk. Yn de Hongaarske ambassade sitte in groep taharkers dy’t fragen stelle kinne oan ’e dichters. De oare dichters binne Cornelia Hülmbauer (Eastenryk), Marina Kazakova (België), Kamila Janiak (Poalen), Iona Lee (Skotlân) en Maxime Garcia Diaz (Nederlân) te hearren wêze.… Lês fierder