Dichter en oersetter Syds Wiersma is selektearre foar it LLiF-skriuwersprojekt dat organisearre wurdt troch Literature Wales. Fan 17 oant 31 maaie komme fjirtjin skriuwers út ferskate Europeeske lannen byinoar yn it Tŷ Newydd Writing Centre. Fiif fan harren komme út Wales sels. De groep sil meiinoar gearwurkje, (uteraard) skriuwe en der ek op út. De fokus leit op lânskip, ekology, mienskip en lytse talen. It projekt wurdt ôfsluten mei in besite oan it Heafestival Hay-on-Wye, dêr’t literêre eveneminten holden wurde en de dielnimmende skriuwers harren poëzy en oare literêre teksten klinke litte kinne. Op de lêste dei dogge se Londen noch oan.… Lês fierder

Alle jierren nûget Leeuwarden UNESCO City of Literature skriuwers út it bûtenlân út foar in residinsje yn de stêd, ek geane skriuwers út Fryslân op residinsje nei oare stêden. Fan 26 april oant en mei 18 maaie wennet en wurket Pia Prezelj út Sloveenje yn Ljouwert.

Lês fierder by leeuwardencityofliterature… Lês fierder

Het Nederlands Letterenfonds en de Schrijverscentrale slaan de handen ineen om de zichtbaarheid van literair vertalers te vergroten. Met het gezamenlijke initiatief De vertaler vertelt zetten beide organisaties de komende jaren in op een actieve rol voor vertalers als ambassadeurs van het boek.

Vertalers op het podium en op het omslag
Het Letterenfonds heeft tot doel het bevorderen van de kwaliteit en diversiteit in de literatuur en de promotie in binnen- en buitenland. De Schrijverscentrale is het expertise- en bemiddelingscentrum voor leesbevordering door ontmoetingen met schrijvers. Zij zorgt dus voor de juiste match tussen auteurs en organisaties.

Lês fierder by Boekenkrant… Lês fierder

Transpoesie 2025

Ek dit jier wurdt wer in Transpoesie festival organisearre yn Brussel (en foar it earst ek yn Antwerpen); dit jier op 18 en 19 septimber. Dichters kinne har melde om ôffeardige te wurden foar it Frysk. It tema dit jier is “Turbulinte tiden, der komt stoarm”.

Kinsto yn in gedicht de eangst en ek hope fan de hjoeddeistige situaasje ta utering bringe? Of de urginsje fan feroaring, mar ek de oanstriid om jin te ferstopjen en om alles wat is yn ’e kiif te lûken.
Hoe reagearret de dichter fan no op de tiid dêr’t wy yn libje?… Lês fierder

Doch mei oan de Fryske Poëzyslam 2025

Bisto in dichter, skriuwer of wurdkeunstner? En wolsto de bêste Fryske Poëzyslammer fan 2025 wurde? Doch dan 26 juny mei oan de Fryske Poëzyslam! Kinst dy oant 15 maaie opjaan foar de slam fia communicatie@tresoar.nl.

Hâld rekken mei twa foardrachten fan elk maksimaal 3 minuten en in repetoire foar de finale: yn 7 minuten bringe twa finalisten om bar in fers. Alles yn it Frysk fansels.

Doarsto it oan?!

… Lês fierder

Wa’t gading meitsje wol nei in Rely Jorritsmapriis, kin noch oant 15 maaie syn of har ferhaal en/of gedicht ynstjoere. De sjuery, dy’t de ynstjoeringen anonym hifket, kin op syn meast fiif ferhalen en fiif fersen bekroane. Elk bekroand ferhaal of gedicht wurdt honorearre mei 1000 euro.
De ynstjoeringen moatte digitaal as bylage ferstjoerd wurde oan rely@stiftingflmd.frl

Namme, adres en telefoannûmer fan de ynstjoerders moatte yn de e-mail fermeld wurde, mar bliuwe geheim foar de sjuery, besteande út Marrit de Schiffart, Gerbrich van der Meer en Reitze Jonkman.

Foar mear ynformaasje sjoch de webside www.stiftingflmd.frl

 … Lês fierder