Us berikt it berjocht fan it ferstjerren fan Jelle Zwart (1926-2019). Jelle Zwart wie de âldste Frysktalige dichter. Sjoch hjir foar Zwart syn skriuwersbiografy op Sirkwy.
Foto Jelle Zwart troch Dinie Postma by de Grutte ensafh Gedichtejûn 2016 yn Café Vellinga te Snits.
Der moat in Frysk Biografysk Ynstitút komme. Dat is alteast it plan fan Tresoar, Historisch Centrum Leeuwarden, it Biografie Instituut fan Ryksuniversiteit Grins en útjouwerij Bornmeer-Noordboek. Om sa’n ynstitút op te rjochtsjen wolle sy in gearwurkingsferbân oprjochte, foarearst ûnder superfyzje fan it Biografie Instituut. Doel: it finansierjen en begelieden fan biografyen fan Friezen.
Lês fierder by Omrop Fryslân… Lês fierder
Alve kandidaten meitsje dit jier kâns op de literêre Piter Jellespriis. Dy ûnderskieding wurdt ien kear yn de fjouwer jier útrikt, oan in persoan of projekt dy’t in bydrage leveret oan de Fryske of Nederlânske taal.
De nominearren binne:
Tsead Bruinja, Kapstôk: gedichten (2018);
Josse de Haan, Reade snie en swarte hagelstiennen: novelle (2016);
Elske Kampen, Ynbyld: gedichten (2017);
Sipke de Schiffart, Oan dy tinke leafdesgedichten dy ’t it bestean wat lichter meitsje (2017);
Jannie Regnerus, Nachtschrijver: roman (2017);
Collectief Heksenhamer, diverse theater- en liedteksten;
Willem Schoorstra, De nacht fan Mare (2017);
Janneke Spoelstra, De parallaks (2019);
Project Poetic Potatoes.… Lês fierder
Op sneintemiddei 17 novimber fan 14.00 oere ôf sille sjongeres Grytsje Kingma en ferteller Johan Veenstra tegearre in noflike middei fersoargje yn de Kleastertsjerke fan Koartehimmen (ûnder Drachten). Veenstra syn ‘Stellingwarver verhaelen’ wurde ôfwiksele mei lieten fan Kingma. Hja hawwe in ôfwikseljend en moai oanslutend programma gearstald.
Sjoch foar mear ynformaasje by It Nijs… Lês fierder
Sont 1986 wort de Bildtse-Kultuurpriis útraikt en deuze priis is in al die jaren útgroeid ant ’n belangrike priis op ’t Bildt.
Elk jaar buugt de sjury him over de inkommende nominasys fan ’t jaar, maar ok die fan de jaren derfoor worre metnommen. Ant eandsybeslút komt d’r dan ’n persoan of groep út die’t dat jaar de Bildtse-Kultuurpriis krijt.
De Bildtse-Kultuurpriis 2019 is toekind an ’t radioprogramma ‘Even Bildts’ fan radio ‘Eenhoorn’.
Lês fierder by Stichting Bildts Aigene… Lês fierder
Ljouwert heart tenei by in groep fan tritich stêden dy’t harsels ‘UNESCO-literatuerstêd’ neame meie. De UNESCO is in organisaasje fan ‘e Feriene Naasjes dy’t him dwaande hâldt mei ûnderwiis, kultuer en wittenskip. De organisaasje hat besletten en foegje Ljouwert oan ‘e list ta, om’t dy stêd in soad oan literatuer docht. Yn Nederlân is Utert ek in UNESCO-literatuerstêd. Yn Dútslân heart Heidelberg by de kultuerstêden.
De literatuerstêden moatte mei-inoar in netwurk foarmje, dêr’t se kennis en literatuer yn útwikselje. Se foarmje ek in ûnderdiel wat it netwurk fan kreätive stêden fan ‘e UNESCO. Dêr sitte neist literatuerstêden bygelyks ek muzyk- en filmstêden yn.… Lês fierder
