Op freed 21 juny 2019 waard yn Tresoar de D.A. Tammingapriis foar it bêste Fryske proazadebút yn de ôfrûne fiif jier útrikt oan Baukje Zijlstra.
‘Hee heit, bist no net grutsk op my? Ik haw nee sein, krekt as do. Ik haw de kop yn ’e wyn smiten […]. En sjoch wat der fan my wurde sil: in fûgelfrije korrektor, in freelance loser, in selsstannige sûnder pensioen, dat is wat der fan my wurde sil heit, bist no net tige, tige grutsk op my?
Lês fierder by Baukje Zijlstra… Lês fierder
Parseberjocht:
Rienk Vlieger fan Eastermar hat de ferhalewedstryd fan BoekSimmerBoek wûn. Dat is freed 21 juny bekend wurden op it drok besochte feest fan BSB yn kafee Marktzicht yn Drachten.
De sjuery wie unanym yn de kar. ‘It ferhaal Nachtljocht is mei soarch skreaun, kloppet fan begjin oan ein en hâld de lêzer en harker beet’.
It tema fan de wedstryd wie Sinnekear en it ferhaal mocht op syn meast 600 wurden ha.
Vlieger krige út namme fan Boeken fan Fryslân in boekepakket, mei dêryn de fiif nominearre boeken fan de Gysbert Japicxpriis en de winner fan de D.A. Tammingapriis. Ek mocht er syn ferhaal foardrage.… Lês fierder
Meitsje gebrûk fan jo demokratysk rjocht en stim! Jo kinne kieze út fiif nominearren. De Gysbert Japicxpriis is yn 2019 foar proaza.
De poll stiet oan de rjochterkant fan it menu, ûnder Nijs en blogs. De Gysbert Japicxpriis wurdt op 16 novimber 2019 yn Boalsert útrikt.
Redaksje ensafh… Lês fierder
Minsken rinne brânwûnen oan hannen en fuotten op by it brûken fan gniisgas út gassilinders fier ûnder it friespunt. In foarstel fan dichter Tsjisse Hettema: gjin gniisgas út in flesse, mar út de literatuer.
Lês fierder by RIXT… Lês fierder
As earste Dichter fan Fryslân skriuwt Eeltsje Hettinga seis oant tsien gedichten jiers. By dizzen syn bydrage nei oanlieding fan it ôfskie fan de Ljouwerter boargemaster Ferd Crone.
Lês fierder by de Ljouwerter Krante… Lês fierder
Op 21 juny hat Baukje Zijlstra de D.A. Tammingapriis krigen foar har debútroman De koma-korrektor. Yn de roman komme neffens de sjuery ferskate ferhaallinen nei foaren; ,,Al dy ferhaallinen bringt de skriuwster by elkoar op in wize dy’t de lêzer fan it begjin ôf oan meinimt. (..) It is knap hoe’t se it gauris swiere ûnderwerp fan in Yndië-ferline tagonklik makket foar de lêzer.’’ In protte Frysktalige ‘Yndyske literatuer’ is der net, mar der komt resint wol mear omtinken foar it Yndië-ferline. Mar wat hiene Friezen eins te sykjen yn Nederlânsk-Yndië en hokker literêre wjerslach hat Yndië hân op de Friezen?… Lês fierder
Lida Dykstra wurdt as Berneboekeambassadeur (BBA) oansteld. Dat is woansdei op it meartalich kongres fan Cedin bekendmakke. Fan jannewaris 2020 ôf sil de skriuwster twa jier lang promoasje fan Fryske berneboeken en de Fryske taal in gesicht jaan.
Lês fierder by Omrop Fryslân… Lês fierder