Tradysje is noch in grut wurd, mar nei it sukses fan de poëzymiddei yn de Hoofdstraat yn febrewaris ferline jier, fûn it evenemint ôfrûne sneintemiddei foar de twadde kear plak. Mei likefolle belangstelling en mei sa’n soad entûsjaste reaksjes dat de organisatoaren nei ôfrin oppenearren dit evenemint yn febrewaris 2020 foar de tredde kear organisearjen te wollen. Krekt as ferline jier wienen der sa’n 50 belangstellenden ôfkommen op de poëzy en de muzyk, dy’t yn ‘e Hoofdstraat fan Koudum te hearren wie.

Lêst fierder by Koudum.nl… Lês fierder

Hjoed berikte ús it berjocht dat Jelle Kaspersma ferstoarn is. Kaspersma is benammen bekend as dichter. Syn earste bondel wie: Loft, lân en sé (mei Tsjêbbe Hettinga) út 1974 en syn lêste bondel ferskynde yn 2007: Ieneach kening  (mei tekeningen fan Gerrit Cnossen).

Sjoch foar mear ynformaasje oer Jelle Kaspersma by Sirkwy.… Lês fierder

D.A. Tammingapriis 2019

It bestjoer fan de Stifting FLMD, behearder fan it Tamminga-Piebenga Fûns, kent dit jier wer in D.A. Tammingapriis ta, diskear foar proazadebuten. It is de twadde kear, yn 2014 waard de earste proazadebutepriis útrikt oan Ale S. van Zandbergen foar syn roman Littenser Merke.

Proazadebuten – romans of ferhalebondels – dy’t ferskynd binne tusken 1 jannewaris 2014 en 1 jannewaris 2019 komme foar de priis – €3000 grut – yn oanmerking. In sjuery besteande út Alian Akkermans, Sjoerd Bottema en Jannie van der Kloet beoardielet de rispinge.

Utjouwers of skriuwers dy’t yn boppeneamd tiidrek in debút útbrocht hawwe en gading meitsje wolle, wurdt frege fjouwer eksimplaren te stjoeren oan Stifting FLMD, p.a.… Lês fierder

Janneke Spoelstra har twadde moannegedicht giet oer plestik. In ûnderwerp dat hieltyd aktueler wurdt. Justerjûn 13-02-2019 by Iepen Up Live stie de hiele jûn yn it teken fan Plastic Fantastic. Janneke slute de happening ôf mei har gedicht ‘Fantastic Plastic’. Geart Tigchelaar wie derby en filme it.

Lês en sjoch fierder by RIXT… Lês fierder

Gean nei Abonnemint en losse nûmers om de papieren ensafh te bestellen.… Lês fierder

De gemeente Smellingerlân siket in nije gemeentedichter. De hjoeddeistige gemeentedichter, Andries de Jong, nimt dizze maitiid ôfskied. Wa’t him opfolget, mei de kommende twa jier by bysûndere gelegenheden gedichten skriuwe en foardrage.
It gemeentehûs fan Smellingerlân – Foto: Omrop Fryslân, Joris Kalma

Neffens de gemeente moat de gemeentedichter in kreatyf persoan wêze dy’t mei syn of har gedichten de ynwenners fan Smellingerlân mei in frisse blik sjen lit nei it deistich libben yn de gemeente. Dizze man as frou hoecht gjin professional te wêze.

De gemeentedichter moat op syn minst fiif gedichten yn it jier skriuwe en foardrage. Der is in fergoeding fan 150 euro it gedicht.… Lês fierder