Nijs

Aginda 25-10-18: De Voluspa yn it Frysk

Pleatst op
Reagearje
logo.ensafh

It Voluspa projekt is in gearwurking tusken aktrise Eke Born, muzikant Rutger Dijkstra en ik sei de gek.

De Voluspa, of De profesij fan de sjenneres, is it iepeningsliet fan de Alde of Poëtyske Edda. Dy Edda is in samling goade- en heldelieten út Yslân. It wichtichste dêrfan is de Voluspa. Dêryn ferhellet in sjenneres, de Volva, de hiele skiednis fan de wrâld, fan de skepping oant de ein, it Ragnarok.

Yn it ramt fan Lân fan Taal sil de Voluspa foar it earst yn it Frysk oer it fuotljocht brocht wurde. Yn kombinaasje mei de muzyk ûnthjit de foardracht van de Volva in bysûnder barren, kleure fan in mystike, sjamanistyske sfear.

… Lês fierder

Teleks: Ferslach presintaasje Swallows and Floating Horses

Pleatst op
Reagearje
logo.ensafh

Krekt op ‘e tiid foar de Frankfurter Buchmesse fan nije wike is tongersdei by boekhannel Van der Velde yn Ljouwert de twatalige blomlêzing Swallows and Floating Horses presintearre. It giet om in romme, mar wol persoanlike seleksje út de Fryske literatuer fan alle tiden en wynstreken, sammele troch Ernst Bruinsma, Alpita de Jong en André Looijenga.

Lês, sjoch en harkje fierder by Omrop Fryslân… Lês fierder

Aginda 02-11-2018: De Nacht fan Quatrebras

Pleatst op
Reagearje
logo.ensafh

De Nacht fan Quatrebras
02-11-2018 20:00-23:55

Op freedtejûn 2 novimber nimt Tresoar dy mei nei de wrâld fan Quatrebras, it tydskrift dat yn de jierren ’50 en ’60 in wichtige bydrage levere oan de fernijing fan de Fryske literatuer.

It bysûndere fan Quatrebras wie dat ferskate dissiplines – literatuer, keunst, toaniel, fisuele poëzy – gearwurken en in protte kreativiteit losmakken.

Op dizze jûn is ús bysûndere gast ien fan de lêste redakteuren fan Quatrebras, Gysbert Japicxpriiswinner Josse de Haan, dy’t spesjaal út Spaansk Baskelân wei oerkomt. Ernst Bruinsma sil him ynterviewe en wy biede him in faksimilee-útjefte oan fan syn ‘Anarky’s’.… Lês fierder

Teleks: Dichters út Fryslân nei Kenia foar Explore the North

Pleatst op
Reagearje
logo.ensafh

Dichters út Fryslân op kulturele ekspedysje nei Kenia foar festival Explore the North

De Frysktalige dichter Sytse Jansma en de Nederlânsktalige dichter Frank Keizer binne op it stuit op it Kistrech International Poetry Festival yn Kisii, Kenia. Hja drage dêr foar út eigen wurk, jouwe wurkwinkels en sille op ûndersyk út foar it meitsjen fan nij wurk. De resultaten fan dy poëtyske ekspedysje presintearje sy takom jier, ûnder de sande edysje fan Explore the North (2019).

It Kistrech International Poetry Festival yn Kenia is op dit momint ien fan ’e grutste en populêrste literêre eveneminten yn Afrika. It festival bringt lokale en ynternasjonale dichters byinoar en lit de pleatslike befolking aktyf kennismeitsje mei poëzy en oare talen en kultueren (en oarsom).… Lês fierder

Aginda 06-10-18: Utrikking Rely Jorritsmaprizen

Pleatst op
Reagearje
logo.ensafh

Utrikking Rely Jorritsmaprizen

It bestjoer fan it Rely Jorritsma Fûns
nûget jo út foar de útrikking fan
de Rely Jorritsmaprizen op

Sneon 6 oktober
om 14.30 oere
yn it doarpshûs fan Weidum, Bornialeane 1.

Ynrin fan 14.00 oere of.

De bekroande ferhalen binne fan:
Sipke de Schiffart, Ljouwert
Lomme Schokker, Hillegom
Koos Tiemersma, Drachten

De bekroande fersen fan:
Paul van Dijk, Warkum
Edwin de Groot, Aldehaske

De prizen wurde útrikt troch Sjoerd Feitsma,
wethâlder fan kultuer fan de gemeente Ljouwert.

Muzikale omlisting fan Piter Wilkens en Jan Stulp… Lês fierder

Teleks: Eksposysje Skjin Laai/Tabula Rasa oer de skeppende krêft fan de leechte

Pleatst op
Reagearje
logo.ensafh

Eksposysje Skjin Laai/Tabula Rasa oer de skeppende krêft fan de leechte

De dichter of keunstner sit foar syn wite papier en ynienen falle der wurden en bylden. Wêr komme dy wurden en bylden wei? Ut de leechte? Samar? Is it hieltyd wer begjinne mei in skjin laai?​

Yn de útstalling Skjin Laai/Tabula Rasa ferwurdzje en ferbyldzje mear as tritich dichters en keunstners harren begryp fan leechte. Wat betsjut leechte, hoe meitsje sy leechte, begjint alles altyd wer op’e nij? It risseltaat is in rike útstalling mei teksten, bylden en lûden dy’t ús as taskôger meinimme nei de yndividuele keunstners en harren wrâld, mar ús ek konfrontearje mei dy eksistinsjele fraach oft alles mei in skjin laai wer begjinne kin.… Lês fierder