Boekhannel Van der Velde út Ljouwert sil tenei de boeken oan de bibleteken yn Fryslân leverje. De bibleteken krije mei de gearwurking nije boeken earder binnen. Gewoanwei kin it wol trije moannen duorje foar’t nije boeken fia leveransier NBD Biblion yn de bibleteek lizze. Van der Velde keapet de boeken yn foar de bibleteken en lit dizze oanpasse yn de sosjale wurkpleats yn Steenwijk. Dêr krije de boeken ûnder oare in hurd kaft.

Neffens direkteur Ad Peek fan Van der Velde hawwe de boekwinkels en bibleteken inoar hurd nedich om minsken oan it lêzen te hâlden. Van der Velde hat winkels yn Ljouwert, Grins, Snits, Drachten en Dokkum.… Lês fierder

Deputearre Sietske Poepjes moat mei de ynstellingen yn de kulturele sektor wurkje oan in better plan foar in nije ferdieling fan kultuerjilden yn Fryslân. Dat fine de kolleezjepartijen CDA, VVD, FNP en SP, stipe troch opposysjepartijen PvdA, ChristenUnie en 50Plus. Dat nije plan moat yn de rin fan takom jier yn Provinsjale Steaten bepraten wurde.

Deputearre Poepjes krijt mei dit útstel in korrizjearjende tik op de fingers fan de steaten. Dy fine dat sy oant no ta tekoart sketten hat yn it oerlis mei kulturele ynstellingen. Dy kamen koartlyn mei in mienskiplik manifest. De ynstellingen ha grutte noed oer de nije ferdieling fan jilden.… Lês fierder

Dames en hearen, wy fan de sjuery foar Fersier in fers wolle jim ek nochris hertlik wolkom hjitte. Wy, dat binne keunstner en direkteur fan de Frisian Design Factory Albert van der Kooij (sit hjir foaroan), keunstner, dichter en sjonger Elmar Kuiper (dy’t hjir hjoed spitigernôch net by wêze koe) en ik, yllustrator Nina Peckelsen.
Lykas elke sjuery altyd wer seit, sis ik it ek wer: wy krigen de drege kar om út in hiel soad prachtige wurken mar trije winners te kiezen. We krigen der noch krekt gjin spul om. Dochs hawwe wy in lytse seleksje makke, dy’t wy no, mei in koarte útlis, foarlêze sille.… Lês fierder

Aryanne Abma fan Warkum hat de 75e edysje fan FeRstival wûn, de Fryske foardrachtswedstriid foar learlingen út it fuortset ûnderwiis. Yn it Posthuis Theater op It Hearrenfean makke sy mei har foardracht fan it gedicht ‘Dy dei’ fan Meintsje Brouwer de measte yndruk op de sjuery. “De emoasje waard goed oerbrocht”, sei sjueryfoarsitter Jan Schotanus.

Yn de kategory ’trochsetters’, foar twadde- en treddeklassers, wie it earste plak foar Elbrich Stoer fan Dronryp. Sy die dat mei it gedicht ‘Do kenst se wol’ fan Tsjerk Veenstra. By de ‘starters’, foar earsteklassers, droech Bjoke Westra fan Jobbegea it moaiste foar, mei it fers ‘Sprutsjes’ fan Thys Wadman.… Lês fierder