Nijs

Aginda 03-10-17: Minority Bustour

Pleatst op
Reagearje
logo.ensafh

Op 3 oktober komt der in bus oan yn Ljouwert. Dat sil wol faker barre, mar ditkear is de bus krekt wat spesjaler: it is in busfol Europeeske minderheden dat op besite is by it Frysk Ynternasjonaal Kontakt (FYK).

De Youth of European Nationalities (YEN) makket nammentlik in toer troch hiel Europa om op ferskate plakken op besite te gean by jongerein fan minderheden. De bustoer “Crossing Rivers” wol sa it jier fan YEN ôfslute dêr’t se ‘brêgen boud’ hawwe om minderheden in sterkere posysje te jaan. De bus stekt binnen tsien dagen oan by alderhanne minderheden, ûnder oare de Noard-Friezen yn Dútslân, de Retoromanen yn Switserlân, de Súd-Titoalers yn Italië en de Sorben yn Dútslân.… Lês fierder

Teleks: Eppie Dam krijt Gysbert Japicxpriis 2017 foar ‘Fallend ljocht’

Pleatst op
Reagearje
logo.ensafh

Eppie Dam (1953) debutearre yn 1978 mei de dichtbondel Mei de jierren en mei de ferhalebondel Strie oerdwers. Hy ûntwikkele him dêrnei as in produktyf en alsidich skriuwer. Neist gedichten skriuwt er ek berneboeken, literêre kritiken, ferhalen en kollums. Fierders hat er inkelde jierren redakteur west fan it literêr tydskrift Trotwaer. Yn tsjerklike rûnten hat er namme makke as skriuwer fan eigentiidske teksten fan lieten en liturgyen dy’t passe yn de ferskillende perioaden fan it tsjerklik jier. Fallend ljocht is de fyftjinde dichtbondel fan Dam. Eppie Dam kin sjoen wurde as ien fan de belangrykste moderne Fryske dichters; André Looijenga neamt him yn in essay oer Fallend ljocht ‘in master ûnder de Fryske dichters fan dit momint.’… Lês fierder

Teleks: Rede fan André Looijenga foar Sis Tsiis, Reaklif 23 septimber 2017

Pleatst op
Reagearje
logo.ensafh

Bêste minsken!

Fan ’e middei binne wy fan stasjon Koudum-Molkwar nei it Reaklif rûn. Wy hawwe dat ein kuiere om mei in fleurich sin te demonstrearjen foar better ûnderwiis yn de Fryske taal; en as waarmrinnen foar in gruttere manifestaasje ein dit jier. Wy fan it boargerinisjatyf Sis Tsiis binne der wiis mei dat wy hjoed ynheakje kinne by de betinking op it Reaklif om yn it pleit foar it gelikens rjocht op Frysk ûnderwiis.

Lês fierder by It Nijs… Lês fierder

Aginda 04-10-17 Boekpresintaasje Regaad ‘Teltsjes fan Tellegen’

Pleatst op
Reagearje
logo.ensafh

‘Teltsjes fan Tellegen’ is in boek mei alventritich fan de moaiste ferhalen fan de grutte ferteller Toon Tellegen, mei soarch selektearre út syn ûnbidich grutte oeuvre. Tellegens wurk heart ta de moderne klassikers, en is no foar it earst ek yn it Frysk te lêzen. De yllustraasjes binne fan it jonge talint Douwe Dijkstra; de oersetting is fan Anne Tjerk Popkema.… Lês fierder

Aginda 06-10-17: Theun de Vrieslêzing 2017

Pleatst op
Reagearje
logo.ensafh

De Theun de Vrieslezing 2017 belooft iets bijzonders te worden. Het thema is dit jaar Theun de Vries en de muziek. In het enorme oeuvre van Theun de Vries (zo’n 160 titels!) zitten veel publicaties waarin musici en componisten een grote rol spelen. Bekende titels zijn o.a De Première, Motet voor de kardinaal, De dood kwam met muziek en Bruiloftslied voor Zwaantje.

Muziekliefhebber, zanger en violist Theo Laceulle heeft voor deze concertlezing enkele verrassende keuzes gemaakt uit het muzikale werk van Theun de Vries. Hij zal ze kort toelichten.

De door Laceulle uitgekozen fragmenten uit de muziekromans worden omlijst door pianiste Mirsa Adami.… Lês fierder