Mei yngong fan 1 maart 2016 is Jan van Friesland (58) oanheakke by Utjouwerij Bornmeer op De Gordyk yn de funksje fan útjouwer.

Earder wie Van Friesland programmamakker en leidingjaande by lanlike en regionale omroppen en fierde hy searjes en boeken yn by ferskate útjouwerijen.

Lês fierder by It Nijs… Lês fierder

Op 29 febrewaris is Auck Peanstra ferstoarn. Se wie al in skoft siik, yn de simmer fan 2014 wie kanker by har fêststeld. Ferline jier, yn 2015, wûn se in Rely Jorritsmapriis mei har gedicht ‘Wûnderdokter’. Dêr priizge se de genêskunde yn, dy’t har ‘rêden hie fan it kâlde grêf’. Yn it earstoan liken de behannelingen goed oan te slaan. Nei in foech jier kaam de sykte lykwols werom. By de priisútrikking fan de prizen begjin oktober 2015 wie se wol oanwêzich, ferswakke troch wat se meimakke hie.

Lês fierder by Sirkwy… Lês fierder

Ein novimber 2015 dienen taal- en sportleafhawwers Anne Dykstra en Anne Tjerk Popkema in oprop om sportpoëzy yn te stjoeren foar in bondel Fryske sportpoëzy. Oant no ta binne der sa’n sechstich ynstjoeringen ynkommen. It blykt dat in soad dichters ynspirearre wurde troch de kanon fan de Fryske sporten en sporthelden: Abe, Epke, skûtsjesilen, keatsen. Mar der sitte ek lofdichten op memorabele kampioenswedstriden, promoasjes en lokale sporthelden by.

Der is dus al prachtich materiaal ynkommen, mar de ynisjatyfnimmers wolle graach nei teminsten hûndert ynstjoeringen. Dêrom is de ynstjoertermyn ferlinge oant 30 maart. Dêrom nochris de oprop om yn de âlde jiergongen fan it klubblêd fan de sportferiening te dûken of om sels in lofdicht op jo favorite Fryske sportheld te skriuwen, oft dat no yn it Nederlânsk, Frysk of in oare taal is.… Lês fierder

“Mar hoewol’t de Fries skaait út barbaren en alle dagen barbarejongen smyt, reservearret er iderkear mear ûntsach foar it ûnderstelde barbarisme út eksoatyske oarde.” ——Ta de Fryske folkskunde.

Fers2 nûmer 2.4.
Mei Aggie van der Meer, Friduwih Riemersma en Abe de Vries.… Lês fierder

Mei syn koarte ferhalebondel De triennen fan Cheetah hat Anne Feddema de Rink van der Veldepriis fan 2016 wûn. De bekendmakking en útrikking fûn plak op woansdei 17 febrewaris 2016 yn it gemeentehûs fan Smellingerlân yn Drachten. Hy wint in jildbedrach fan € 1250,- en in byldsje fan Anne Woudwijk. Earder al, yn 2009, wûn byldzjend keunstner en dichter/skriuwer Anne Feddema de Gysbert Japicxpriis foar syn poëzybondel Reidhintsje op ’e Styx.

In grut tal fan de koarte ferhalen fan Anne Feddema binne foar it earst publisearre yn de literêre tydskriften HJIR en Ensafh. Begjin jannewaris waarden de nominaasjes foar de literêre priis fan de gemeente Smellingerlân en Friese Pers Boekerij bekendmakke.… Lês fierder

De Fryske taal is de nijste taal dy’t tafoege is oan Google Translate. Fan moarn ôf is it mooglik om yn de oersettsjinst teksten yn bygelyks it Nederlânsk, Ingelsk of Japansk oer te setten fan en nei it Frysk. De ôfrûne moannen hawwe tûzenen Friezen hurd wurke oan it beskikber meitsjen fan it Frysk yn Google Translate. Yn de hjerst fan 2015 organisearre de provinsje Fryslân de ‘Fryske Google Translate Wike’. Yn dy wike waarden mear as in miljoen wurden oerset fan it Ingelsk nei it Frysk.

Lês fierder by It Nijs… Lês fierder