Wat Fryske skriuwers te bieden hawwe, moat ek beskikber wurde foar it grutte Ingelske taalgebiet. Dat is it betinken fan deputearre Sietske Poepjes. Hja wol dat der in blomlêzing fan Frysk literêr wurk yn in Ingelske oersetting komt. Neffens de deputearre kin Ljouwert dêrmei yn 2018 oan in grut part fan ‘e wrâld sjen litte hoe’n literêre rykdom oft Fryslân hat. Yn dat jier is Ljouwert ien fan ‘e kulturele haadstêden fan Europa.
Yn 2013 ferskynden der al tsien boeken fan Fryske auteurs yn it Ingelsk. Under de namme 10 books from Friesland waarden dy op ‘e Frankfurter Buchmesse oan in grut Ingelsktalich publyk sjen litten.… Lês fierder

Koos Tiemersma hat sneontemiddei yn Boalsert de Gysbert Japicx-priis yn ûntfangst naam. De skriuwer is de earste dy’t dy priis wint foar in boek dat allinnich as E-boek útkaam is. Ek foar Nederlânske begrippen is dat unyk.
Tiemersma hie fiif jier lyn besletten syn wurk allinnich yn digitale foarm út te jaan. No’t er dizze priis krijt, sil it boek “Einum” toch ek op papier ferskine. Neffens de sjuery hat Tiemersma mei syn boek de plattelânsroman op ‘e nij útfûn.

Boarne Omrop Fryslân… Lês fierder

De ferkeap fan boeken is it ôfrûne jier tanommen. Neidat de ferkeap jierrenlang weromrûn, is de omset fan de totale boekemerk dit jier groeid. Dat docht bliken út sifers fan de stifting Kollektive boekenPropaganda fan it Nederlânske Boek (CPNB). De omset fan de totale boekemerk is it ôfrûne jier, oant en mei augustus, mei 4,2 prosint tanommen. Yn de berneboekemerk is in noch sterkere taname te sjen: de omset stige mei 9,2 prosint. Ferline jier levere de boekemerk noch sa’n 10 prosint omset yn.
e-boeken
De ferkeap fan e-boeken flakket ôf, sa meldt it CPNB. De stiging fan de ferkeap fan de elektroanyske boeken is yn de lêste acht moanne ôfnommen yn ferliking mei ferline jier.… Lês fierder

‘In de derde subsidieronde van 2015, de aanvraagronde voor de zogeheten ‘oeuvrebouwers’, is een bedrag van € 823.000 besteed; 47 projectsubsidieaanvragen van 44 auteurs konden worden gehonoreerd. De verleende bedragen per project variëren in deze ronde van € 10.000 tot € 50.000, het maximaal te verlenen subsidiebedrag voor deze groep aanvragers.’

Trije Fryske skriuwers/dichters hawwe subsydzje krigen: Ferdinand de Jong, Anne Feddema en Elske Kampen.

Foar it folsleine oersjoch fan literêre subsydzjes: Nederlands Letterenfonds… Lês fierder

Hjoed waard bekend dat Bauke de Jong (27 jannewaris1931 – 3 oktober 2015) ferstoarn is.

Rieuwert Krol skreau yn 2008 op de side fan ensafh: ‘Yn 1965 hat Bauke de Jong syn ferneamde artikel skreaun dêr’t er Folkertsma as antysemyt yn ûntmaskere of beskreaun hat. De reaksjes fan de âlde garde op dit artikel binne eins allegear krekt like foarsisber. Hast gjinien (útsein dy fan Lolle Nauta, Steven de Jong en Fokke Sierksma) wol der oan dat Bauke de Jong wolris in punt hawwe kin.’… Lês fierder