Yn de tentoanstelling ‘Hauser’, in ynisjatyf fan Tresoar en de Moanne, ûntdekke jo ûnder oaren de orizjinele poststikken wêrmei’t de dichters Annemarie Estor en Lies van Gasse elkoar fjouwer jier lang alle wiken ferrasten.

Annemarie Estor en Lies van Gasse wurken fan 2009 oant 2013 oan it projekt Hauser. Sy lieten harren dêrfoar ynspirearje troch de njoggentjinde-iuwske figuer Kaspar Hauser.

Kaspar Hauser waard yn 1828 fûn yn de strjitten fan Neurenberg, Dútslân. Wêr’t er wei kaam wie ûnbekind en hoewol’t er 16 jier âld wie, hie hy in mentale leeftyd fan seis jier. Der waarden withoefolle ûndersiken op him útfierd en men learde him ek praten wêrtroch ’t er syn ferhaal dwaan koe.… Lês fierder

De trije nominearre skriuwers oer har boek

Filmkes makke troch Haye Bijlstra, Tresoar

Sjoch fierder by Sirkwy… Lês fierder

Hjoed (03-07-2015) binne der nije bedragen op it ynternettydskrift fers2 pleatst. It binne ek diskear Abe de Vries, Friduwih Riemersma, Eppie Dam en Aggie van der Meer dy’t kopij leveren.… Lês fierder

Histoarikus dr. Wiebe Bergsma fan ’e Fryske Akademy is op snein 28 juny 2015 hommels ferstoarn. Bergsma wie sûnt 1985 ferbûn oan ’e Fryske Akademy as histoarikus foar de iermoderne tiid.
As histoarikus lit Wiebe Bergsma in grut oeuvre fan likernôch santich titels nei. Dêryn steane de reformaasje yn Fryslân, iermoderne gelearden en stêdlike kultuer en hoflibben yn Ljouwert yn ’e tiid fan ’e Gouden Iuw sintraal.

Lês fierder by It Nijs… Lês fierder

Oant 2018 wurdt der troch tolve Fryske organisaasjes meielkoar yntinsyf wurke oan it digitalisearjen fan in grut part fan it Frysk kultureel erfgoed. De Frysk erfgoed-hub RedBot.frl is fan no ôf it online portaal foar ynformaasje oer digitaal Frysk kultureel erfgoed. Tink dêrby oan atlassen, skilderijen, museumkolleksjes, films en foto’s, monuminteynformaasje, juridyske stikken, notariële akten, Fryske literatuer en publikaasjes yn tydskriften en kranten of printen en tekeningen. It prestizjeuze mearjierreprojekt, dat al earder yn it nijs kaam ûnder de namme Deltaplan Digitalisearring Kultureel Erfgoed, wurdt finansiere út it provinsjale ynvestearringsprogramma Wurkje foar Fryslân.

De site dêr’t alles te lêzen is oer de fuortgong fan it projekt en de oplevering fan de dielprojekten is op 30 juny lansearre mei sawol in Frysktalige as in Nederlânsktalige ferzje.… Lês fierder

Blauwe engel over mijn borst
Fanaf saterdach a.s., 12.00 uur is myn roman ‘ Blauwe engel over mijn borst ‘ te koop. Un prachtútgave, 188 pagina’s, fan Uitgeverij Louise!

Lês fierder by Henk van der Veer… Lês fierder