(tekst: Facebook)
Eeltsje Hettinga
Gisteren om 13:22 ·
Terreur fan in stienmarter op de skriuwersarke fan Rink van der Velde. De stank fan de stienmurd dy’t op it dak en ûnder de flierren fan de arke omheisteret, is sa alderferskuorrendst dat de skriuwer dy’t der siet op ’e flecht slein is… De buks mei net brûkt om it kring mei al syn keunsten en oanslaggen, ynbegrepen de sabotaazje fan de (Fryske) literatuer, nei in oare himel te helpen want it giet om in beskerme diersoarte…
Wat makket immen in echte Fries? Yn in wrâld dy’t rap globalisearret, wurdt ús identiteit bleatsteld oan feroarings. Friezen hawwe in taal en in folksliet, mar wat is de aard fan de Friezen? De jonge sjoernalist Timo Jepkema giet yn dizze Fryslân DOK op syk nei it geheim fan de sterke identiteit fan de Friezen. Klopje de stereotipen?
Harkje en sjoch fierder by Omrop Fryslân… Lês fierder
Mei “Wyn fan feroaring” skriuwt Hilda Talsma de earste echte
skûtsjeroman. Fris en tagongklik, mei ‘it brûs foar de kop’.
Foar mear ynformaasje, sjoch op www.hildatalsma.nl
De boektrailer fan Willem Schoorstra syn meikoarten te ferskinen roman PIER – De profesij fan bline Simen stiet online!
(Tekst fan Fryske Akademy op Facebook)
Aldgermaniste Erika Langbroek fan Amsterdam is op it spoar kommen fan fjouwer snipeltsjes perkamint, dêr’t acht Aldfryske wurdsjes op skreaun binne, as glossen by Latynske psalmen. Dêrmei is dit it âldst bekinde Aldfrysk oant no ta. Han Nijdam, ûndersiker Aldfrysk oan de Fryske Akademy is út ’e skroeven oer de fynst. “Dit nije fragmint toant oan dat der al koart nei 1100 Aldfrysk skreaun waard.”
Foto: LC
Sjoch ek by Omrop Fryslân… Lês fierder
De Fryske Akademy giet op it mêd fan taalûndersyk en minderheidstalen in lange gearwurking oan mei de Sineeske Universiteit fan Nanjing. Hjoed wurdt der yn Ljouwert in oerienkomst tekene tusken de Akademy en it China Center for Linguistic and Strategic Studies (CCLASS), it ûndersykssintrum fan de Universiteit fan Nanjing.
Lês fierder by It Nijs… Lês fierder
Poezij
Abe de Vries
Brek dyn klank
Gerben Rypma Stifting, Blauhûs 2015.
ISBN 9789081581820
Ferkeappriis € 15,00
Brek dyn klank is poëzij, skreaun troch in heit foar syn bern, dêr’t it libben trochhinne gien is. Taal, tusken langst en ferlies, begjin en ein, is net ûnskuldich mear, mar jout sawol omearming as ferantwurding. Taal dy’t fertart is feroare yn taal dy’t tsjûget fan ferynderliking. Hjir sprekt in dichter dy’t wit wat er fan it libben ferwachtsje mei, en foaral wat nét, wiis wurden troch eigen ûnderfining.
Hinke Veenstra
Lang om let : Fryske gedichten en foto’s
Eigen behear, Drachten 2015
ISBN ?… Lês fierder