Klik op it berjocht foar in grutte byld
Aginda 17-05-2026 o/m 21-06-2026: Boektour Geller en Grûnwetter
Reagearje
Nijs
Aginda 22-05-2026: eksposysje Lytse Ivichheid – Einleas No
Freed 22 maaie om 15.00 oere iepenet de Dichter fan Fryslân, Arjan Hut, de troch him gearstalde eksposysje Lytse Ivichheid – Eindeloos Nu, wêryn’t Fryske dichtbondels en harren omslachûntwerpen út de ôfrûne hûndert jier sintraal stean.
Arjan Hut socht foar dizze útstalling 49 omslachûntwerpen út fan Frysktalige dichtbondels dy’t de ôfrûne iuw ferskynden, fan ’e roaring oant ’e rotting twenties. Yn gearwurking mei Tresoar binne alle omslaggen de kommende moannen te sjen yn de eksposysjeromte fan Tresoar.
De Dichter fan Fryslân, Arjan Hut, nûget jo fan herten út om by de iepening fan dizze literêre eksposysje oanwêzich te wêzen.
Freed 22 maaie, 15.00 oere (ynrin 14.30 oere)
Tresoar, Bûterhoeke 1, Ljouwert
Tagong: fergees
By de iepening sil skriuwer en sjoernalist Kirsten van Santen de Dichter fan Fryslân koart yntrodusearje en folget, tegearre mei foarmjouwer Monique Vogelsang, in koart fraachpetear oer de eksposysje.… Lês fierder
Teleks: Fryske Oersonate fan Erik de Boer nei Oerol
Byldzjend keunstner en performer Erik de Boer (op de foto hjirboppe fan Natalia Balanina), dy’t ek gemeentedichter fan Smellingerlân is, stiet fan it simmer op Oerol mei syn projekt “De Fryske Oersonate”, dêr’t er yn 2025 ien fan de winners fan De Gjalp mei wie, it gearwurkingsprojekt fan algemien-kultureel tydskrift de Moanne, literêr tydskrift Ensafh en Frysk dichterskollektyf RIXT.
Erik de Boer fette foar it plan op om in Fryske ferzje fan de ferneamde Ursonate fan de Dútske dadaïst Kurt Schwitters te meitsjen. Dat klankgedicht út de jierren tweintich fan de foarige iuw bestiet út in rige klanken sûnder gewoane wurden, mar mei de struktuer fan in klassike sonate.… Lês fierder
Aginda 26-04-2026: Presintaasje ‘Wytbekroek’ fan Elmar Kuiper
Op sneintemiddei 26 april ferskynt Elmar Kuiper syn achtste bondel; Wytbekroek, by útjouwerij Hispel. Do bist fan herte wolkom yn Tresoar, fan 14.30 oere ôf.
Lara Kool, Sipke de Schiffart, Abe de Vries en Gerrit de Vries sille fersen foardrage. De muzyk wurdt fersoarge troch Jetze de Vries. De útjouwer, Piter Boersma (Hispel) sil yn petear mei Kuiper oer Wytbekroek.
Sintraal tema yn Wytbekroek is de dea. Dizze fûgel (roek) jout mei syn stim en eigen aksint, boadskippen oan ’e dichter en lêzer troch. Elmar Kuiper tekenet lyrysk en ritmysk, bonkich en liiflik op wat de fûgel sa al skrast en bekrast.… Lês fierder
Teleks: FRYSKE DICHTERS TREDE OP YN BARCELONA
Op sneon 25 april trede de Fryske dichters Syds Wiersma en Ignasi Ripoll yn Barcelona op. Sy presintearje dêr harren oersetprojekt fan Katalaanske poëzy yn it Frysk. Ferskate dichters dy’t sy oerset hawwe, drage foar út eigen wurk en tagelyk binne dan ek de Fryske oersettings fan de gedichten te hearren.
Ignasi Ripoll en Syds Wiersma binne al in pear jier dwaande mei it oersetten fan Katalaanske poëzy yn it Frysk. By de jierlikse fiering fan Sant Jordi (Sint Joaris*) op 23 april presintearren sy de ôfrûne jierren ferskate bondeltsjes mei wurk fan ferneamde Katalaanske dichters. Sant Jordi is in wichtige feestdei yn Kataloanië, in âlde tradysje wêrby’t minsken boeken en roazen kado dogge oan harren leafsten.… Lês fierder
Teleks: Meer examenleerlingen voor Friese taal en cultuur
Het aantal leerlingen dat eindexamen Friese taal en cultuur doet, is sterk gestegen. Tweehonderd leerlingen schreven zich dit jaar in voor het examen, een aanzienlijke toename in vergelijking met vorig schooljaar, toen het er nog 147 waren. De groei is een gevolg van het stijgende aantal scholen dat het vak als examenvak aanbiedt. Vorig schooljaar waren dit er nog tien, dit schooljaar zijn het er veertien.
Lês fierder by RTV Noordoost… Lês fierder
Teleks: In nije Gjalp is út gien!
Op it Lettertreffen fan Leeuwarden City of Literature is tongersdei 26 maart de nije Gjalp lansearre. De Gjalp is in iepen oprop foar skriuwers en dichters. Ynstjoerders meitsje kâns op publikaasje én op in presintaasje op ferskate festivals, sa as it Dudeljo festival op Lauwerseach en Meet me at the Lighthouse op Skiermûntseach.
Dit jier draait de Gjalp it om ynstjoerings mei it tema It Waad. Makkers kinne in gedicht ynstjoere, of in idee foar in festivalproduksje. Foar de Gjalp ‘poëzy’ is de oprop om in fers of rige fersen te skriuwen yn it tema. It gedicht (of de rige gedichten) kin selektearre wurde foar performance op literêre festivals yn it Waadgebiet.