Nijs

Teleks: Skriuwster Baukje Wytsma (76) út Reduzum ferstoarn

Pleatst op
Reagearje
logo.ensafh

Skriuwster Baukje Wytsma út Reduzum is tongersdei ferstoarn oan de gefolgen fan hertproblemen. Sûnt mids santiger jierren skreau Wytsma ûnder mear gedichtebondels, berneboeken, toanielstikken en lieten yn de Fryske taal. Dêryn komt in ferskaat oan maatskiplike ûnderwerpen oan de oarder.
Wytsma debutearre yn 1976 mei it berneboekje Romke Timen Tomke en oare opsizferskes. Yn 1980 ferskynde har earste bondel mei persoanlike poëzy Noch ien slach om ‘e buorren. De poëzy hat har belangrykste stylfoarm west. Langstme nei har bertegrûn en ek de dea binne wichtige tema’s yn har wurk.

Lês fierder by Omrop Fryslân… Lês fierder

Aginda 18-03-2023: Literêre jûn mei Lize Spit

Pleatst op
Reagearje
logo.ensafh

Boeken fan Fryslân organisearret op sneon 18 maart 2023 in literêre jûn mei de skriuwer fan it nasjonale Boekenweekgeschenk 2023 Lize Spit yn dbieb yn Ljouwert.

Spit wûn yn 2016 de Bronzen Uil foar it bêste Nederlânsktalige debút foar har boek ‘Het smelt’. Foar datselde boek ûntfong sy ek de earste Hebban Debuutpriis. Ein 2020 ferskynde har twadde roman ‘Ik ben er niet bij’.

Sjoch foar mear ynformaasje by Boeken fan Fryslân… Lês fierder

Aginda 26-01-2022: Lansearring Operaesje Fers

Pleatst op
Reagearje
logo.ensafh

In telefoannûmer draaie en dan in gedicht hearre, wie jierren lang hiel populêr. Operaesje Fers waard ynternasjonaal nijs doe’t in groepke Fryske dichters der yn 1968 mei begûn. It wie de earste dichterstillefoan op ‘e wrâld. Tsjintwurdich ha wy Google en YouTube. Yn ús Kafee De Gouden Leeuw is it mooglik om in seleksje fan de gedichten dy’t oait te hearren wiene oer de telefoan, opnij te beharkjen.

Op tongersdei 26 jannewaris nimme wy de dichterstelefoan yn gebrûk! By de feestlike presintaasje fan de dichterstelefoan mei alle poëzy fan Operaesje Fers – op ‘e nij digitalisearre – sil Syds Wiersma fan it Frysk Film & Audio Argyf, dichters út it ferline freegje nei hoe’t dat yn dy tiid gie en bysûndere opnames hearre litte út it argyfmateriaal fan Operaesje Fers.… Lês fierder

Teleks: Lêste skoaloptreden Lida Dijkstra as Berneboeke-ambassadeur

Pleatst op
Reagearje
logo.ensafh

Nei 153 skoaloptredens troch hiel Fryslân, fersoarge Lida Dijkstra hjoed har lêste skoaloptreden as Berneboeke-ambassadeur op op sbû ‘De Súdwester’ yn Snits. Gemeente Súdwest-Fryslân en de Afûk ferrasten har yn it skoft mei in bosk blommen en wat lekkers foar de hele skoalle om koart stil te stean by it sukses fan har wurk as Berneboeke-ambassadeur de ôfrûne trije jier.

Lês fierder by Boeken fan Fryslân… Lês fierder

Teleks: Heechlearaar Goffe Jensma pleitet op syn ôfskie foar better Frysk skriuwûnderwiis

Pleatst op
Reagearje
logo.ensafh

Folle mear Friezen soene it Frysk skriuwen op skoalle leare moatte. Dêrfoar pleite heechlearaar Frysk Goffe Jensma woansdeitejûn by syn ôfskie yn it Ljouwerter Provinsjehûs.
“In soad Friezen hawwe in Nederlânsk wurdboek yn ‘e holle”, seit Jensma. “Omdat se op skoalle wol Nederlânsk skriuwen leard ha, mar gjin Frysk.” It gefolch dêrfan is dat de kwaliteit fan it sprutsen Frysk ek ûnder druk komt te stean troch Hollânske ynslûpsels.
“Wat je dan krije is ‘language insecurity’, taalûnsekerheid”, stelt Jensma. “As minsken in wurd net wite, pakke se it Nederlânske wurd en net it Fryske. Se sille dan earder ‘overhemd’ sizze as boesgroen of oerhimd.”… Lês fierder