Skôgingen

Cornelis van der Wal

Nij op ‘e planke Juny 2016

Pleatst op
Reagearje
logo.ensafh

 

Poëzij

Jaap Veenstra
gatten yn it tek / gaten in het dak
Bornmeer, De Gerdyk 2016
Ferkeappriis € 12,50
ISBN: 9789056153694

Omslag-Veenstra-werkt-DEF-510x783

De gedichten yn dizze bondel longerje nei de minsklike maat en in libben om ’e nocht. De ôfprinte keunstwurken binne fan de hân fan Marty Poorter.

Jaap Veenstra (1959) wennet yn De Rottevalle. Fan him ferskynde earder – ientalich Frysk – De nacht midstwa.

Geart Tigchelaar
leech hert yn nij jek
Utjouwerij Hispel, Wiuwert 2016
Ferkeappriis € 10,00
ISBN: 9789074516181

Yn leech hert yn nij jek, syn earste dichtbondel, rekkenet Geart Tigchelaar (1987) ôf mei it ferline, mar sjocht ek foarút.… Lês fierder

Geart Tigchelaar

Geart Tigchelaar by de Noardkaap

Pleatst op
Reagearje
logo.ensafh

IMG_20160604_171805

Nei sa’n 3000 km en sa’n goeie 30 km út Honningsvåg wei haw ik myn alderearste doel en bestimming fan dizze reis berikt. Dêr’t Sweden mei syn leaflike heuvels suver bernespul wie, wie it lêste stik troch Noarwegen aardich ôfsjen. Nei’t ik in pear dagen besite hân hie mei prachtich waar sloech op de dei fan ôfreizgjen it waar om. Yn twa lange dagen yn rein, snie, hagel en snoeihurde wyn fan Alta nei de Noardkaap fytst. Der wurdt wol sein fan ‘Adventure isn’t always fun’ en dat haw ik merkbiten. It wie domwei op it stjoer bite en trochtraapje. Men hat in bestimming, in punt op de kime en dêr sil men hinne.… Lês fierder

Beart Oosterhaven

Twa utersten

Pleatst op
Reagearje
logo.ensafh

Begjin dit jier ferskynden koart nei-inoar twa Frysktalige album-cd’s, nammentlik fan Jacob Laverman: De lady en de boerenlul en fan ’e formaasje Brandewyn: Fammen Fantastiko. Grutter utersten wat kwaliteit fan ’e lietteksten, muzikale ynfolling en artistike foarmjouwing oanbelanget, binne amper te finen.

‘Roegste’ trûbadoer fan Fryslân
De lady en de boerenlul is sjonger-lietsjesskriuwer Jacob Laverman (44) fan Bitgum syn debút-cd. De lêste jierren hat er mei syn karakteristike, heaze sjongstim op poppoadia, yn doarpshuzen en op festivals foaral namme makke as de ‘roegste’ trûbadoer fan Fryslân. Dat syn kwaliteiten yn guon fermiddens lykwols heech oanslein wurde, docht wol bliken út it feit, dat Laverman yn 2015 it festival-foar-nij-talint Aaipop-derop-út wûn.… Lês fierder

Jelma Knol

Besprek ‘Lytse Protter’

Pleatst op
Reagearje
logo.ensafh

Dichteres Baukje Wytsma en yllustratrise Yke Reeder hawwe in prachtboekje mei bernegedichten makke mei de titel Lytse Protter. Yn koarte, ienfâldige ferskes wurdt it ferhaal ferteld fan in jonkje en famke dy’t in broerke of suske krije, de lytse protter. Oant safier de ferlytsingswurdsjes.

De sfear fan de gedichten is ôfwikseljend optein of leaf, tear en yntym. Baukje Wytsma skriuwt oer in oersichtlike, lytse wrâld dêr’t positive gefoelens yn oerhearskje. Sa heart dat ek yn in kadoboek oer dit ûnderwerp. Jo kinne mei in bern op ’e skurte de ferskes foarlêze en tagelyk de prachtige plaatsjes fan Yke Reeder besjen.… Lês fierder

Geart Tigchelaar

Geart Tigchelaar yn Sweden

Pleatst op
Reagearje
logo.ensafh

SSA43079
Kampeare yn Sweden is in genot mei’t men fanwegen it Allemannsretten oeral delstrike mei. Sa ha ik al op in soad plakken stien mar dit plakje wie dochs wol útsûnderlik moai. Dat kaam ek troch it feit dat ik my foarnommen hie de middeis frij te nimmen mei’t ik al in wike aardich fytst hie. Ik haw oars net folle dien as wat lêzen en op de steger yn ‘e sinne lein. It moaie waar kin hjir net op en efter elk bosk en heuvel leit wer in nije kime. Dêrom gean ik nei sa’n loaie dei de oare deis wer graach fierder op nei de eastkust en dan omheech nei de Noardkaap, myn earste echte doel.… Lês fierder

Hedwig Terpstra

Fraachpetear mei Ulke Brolsma

Pleatst op
Reagearje
logo.ensafh

‘Yn myn nije boek komt nei foaren dat der in ferrieder west hat yn it Grouster ferset.’

Ulke Brolsma (Grou, 1943) folge de oplieding foar ûnderwizer oan de kweekskoalle op It Hearrenfean en dêrnei de skoalle foar sjoernalistyk yn Utert. Brolsma oppenearre him op lettere leeftyd as skriuwer. Hy begûn mei it skriuwen fan in koart ferhaal ‘It hûs’, dat yn juny 1999 publisearre waard yn it literêr tydskrift Trotwaer. Yn 2000 krige er de Rely Jorritsmapriis foar it ferhaal ‘Ioana’. Dit ferhaal waard yn 2001 folge troch in ferhalebondel mei deselde titel. Yn 2006 ferskynde Een slagje hier en daar: De tsiendeiske fjildtocht fan Hessel Brolsma, in dokumintêre roman oer syn oeroerpake.… Lês fierder

Marcel Plaatsman

Allegearre snie

Pleatst op
Reagearje
logo.ensafh

Wat moat in minske no eins mei snie? It sjocht der moai út fansels, mar ast der trochrinst krijst wiete fuotten en it rint ek net goed troch, it sjit net op. In „speurdersroman” dy’t fan Allegearre snie hjit kin wat dat oanbelanget in swiere dobber wêze: allegearre moaie dingen om nei te sjen, mar gjin kâns om der troch te kommen, net foarút en net de djipte yn – sa ûngefear wie myn ferwachting doe’t ik oan Meindert Bylsma syn boek begûn.
It foel net ôf, it earste part fan myn ferwachting kaam út: der stean in protte moaie dingen yn it boek, moaie sinnen, de taal wie lykas snie: oeral kamen de wurden wei, de sprektaal hat Bylsma ynspirearre mar min Frysk wurdt it nea.… Lês fierder