Skôgingen

Jelma Knol

Brieven oan ús mem

Pleatst op
Reagearje
logo.ensafh

Brieven oan ús mem, is it lêste, autobiografyske boek fan Akky van der Veer. Se begjint it ferslach fan har jierren as fammensbern, yn in swier troch de oarloch tramtearre húshâlding, op de waarme, yntime toan dy’t de grutte kracht fan har skriuwerskip is. Meinimmend fertelt se oer har traumatisearre mem, grifformearde opfieding, de perioade dy’t se as tbc-pasjinte yn Sonnevanck trochbrocht en har houlik mei Henk Kuiper, de soan fan de bekende dûmny en KFFB-skriuwer.
Akky van der Veer wol har ferstoarne mem yn brieffoarm útlizze wêrom’t sy en Henk ôfskie namen fan al dy grifformearde wissichheden en se wol wat oerbringe fan har ûngerêstens oer wat der yn de wrâld fan no te rêden is: de stjerrende natoer, de privacy en frijheid fan de minske dy’t troch it digitale tydrek ferdwûn is.… Lês fierder

Li Su-song

Skriuw it Frysk tenei op syn Sineesk!

Pleatst op
3
logo.ensafh

Sineeske karakters (hanzi) binne de oplossing foar de kreauwerij oer stavering en standertwurdlist dy’t yn 2013 losbrutsen is yn it Fryskskriuwende wrâldsje. Boppedat soe sá’n staveringsferoaring de Fryske literatuer definityf de grinzen oer bringe. De ferneamde Amerikaansk-Sineeske oersetter, frou Li Su-song, hat sûnt jierren in libbene ynteresse yn it Frysk, en ferdigenet dizze fernijende grutte ljep foarút foar de Fryske skriuwerij.

Mei stiigjende fernuvering hawwe wy hjir de strideraasje meikrigen, dy’t folge op it beslút (24 april 2013) fan it Fryske regionale parlemint en feroarje de skriuwwize fan guon Fryske wurden. Dat in lyts legerke fan skriuwers en skoalmasters him opwurp as hoeders fan de âlde stavering, wie fansels wol te ferwachtsjen.… Lês fierder

Hedwig Terpstra

“Miskien moatte wy, as skriuwers, better wurk leverje…”

Pleatst op
1
logo.ensafh

Yn petear mei Anders Rozendal oer syn skriuwerij, de KFFB en mear

Thus

Anders (berne yn 1946 yn Easternijtsjerk) is opgroeid yn Nes (Dongeradiel). Yn syn jongfeintetiid hat er fearn, yn Dútslân wurke en frachtweinsjauffeur west. Doe’t der trouplannen kamen, gong er by Philips yn Drachten oan it wurk. In tal jierren ha se yn dat plak wenne. Letter ferfearen se nei De Westerein, doe nei Bûtenpost en, nei tsien jier, nei Ljussens. Sûnt 2008 wennet er mei syn frou Corry Boelens yn Dokkum. Sy ha trije bern en twa pake- en beppesizzers, twa famkes. Syn earste roman wie De Muorre, útkaam yn 2001 by de Kristlike Fryske Folks Biblioteek (KFFB).… Lês fierder

Bouke Oldenhof

Sjueryrapport Fedde & Martha Bergsma-priis

Pleatst op
Reagearje
logo.ensafh

Op sneon 14 desimber is oan Rients Gratama de Fedde en Martha Bergsma-priis útrikt foar it toanielstik ‘Eintsje libben’, dat troch de sjuery as it bêstr Fryske toanielstik fan de ôfrûne fiif jier oanwiisd is.
De priis wurdt takend troch de Stichting Fedde & Martha Bergsma-priis. Eardere winners wiene Tsjitske de Boer foar Prins Moreo’ (1994, Baukje Miedema foar ‘In beslút’ (1997), Antine Zijlstra foar ‘161’(2000), Romke Toering foar ‘Baarderlân’(2003) en Bouke Oldenhof foar ‘Lette ropping’ (2008).
De priis bestiet út in bedrach fan € 500,00 + oarkonde.

Hjirûnder it troch de foarsitter fan de sjuery, Bouke Oldenhof, opstelde sjueryrapport.

SJUERYRAPPORT FEDDE EN MARTHA BERGSMAPRIIS 2019-2013

Mei út namme fan myn beide mei-sjueryleden Tatiana Pratley en Grytha Visser mei ik hjir de befiningen fan de sjuery foar de Fedde en Martha Bergsmapriis 2013 ferwurdzje oangeande de ynstjoerde en foardroegen oarspronklike Fryske toanielteksten út it tiidrek 2009-2013.… Lês fierder

Janneke Spoelstra

Redaksjoneel en ynhâld ensafh 6

Pleatst op
1
logo.ensafh

Ynhâld ensafh nû. 6, 2013

3 Redaksjoneel

Jetze de Vries
4 Flústerjen, Jager

Meindert Reitsma
6 De stoarje fan in fertize oankrûpersallochtoan

Ane Bote Jukema
12 grand maître

Elske Schotanus
13 Tusken rekonstruksje en ferbylding

Sjieuwe Borger
18 Studintehûs

Anne Feddema
28 Deade do op Tibidabo

Janneke Spoelstra
31 Boartsjen is it, mar lykwols

Geart Tigchelaar
34 Hy is kommen

Baukje Zijlstra
40 Mist

Rein de Lange
49 natuerkunde

Jannie Roodhof-Pool
50 De boarstbringster, in monolooch

Joël Huitema
53 Al swalkjend op Hilbert

John Bosma
54 Flek

Edwin de Groot
55 Der wie ris in frommes mei in inketswart en deastil hert

André Looijenga
60 De ûndergong fan Pieter van Huizen

Xie Lingyun
63 it lette jier
(oersetting: Piter Boersma)

+ Register (losblêdich)

———————————————————————————————————–

Redaksjoneel

Dizze wike is der gjin ûntkommen oan.… Lês fierder

Sigrid Kingma

In flot, spannend en aktueel ferhaleboek

Pleatst op
Reagearje
logo.ensafh

Auck Peanstra kenne wy benammen fan de printeboeken, lykas de Tomke-searje, mar Peanstra hat har ferline simmer ris goed talein op de jongerein. Har nije ferhalebondel foar de leeftiid fan likernôch 11 oant 14 jier draacht de titel De boel op stelten. De bondel bestiet út achttjin losse ferhalen oer ferskillende bern dy’t bymekoar op de basisskoalle yn groep 8 sitte. Elts ferhaal is skreaun út in oar perspektyf wei en jonges krije likefaak as famkes in haadrol.

De opset fan de ferhalebondel docht tinken oan dy fan it boek De oerwinnings fan Tido Houtsma fan Tys Wadman. De kar foar koarte ferhalen is taktysk om’t koarte stikjes minder in berop dogge op konsentraasje en geduld.… Lês fierder

Tryntsje van der Steege

Nij op ’e planke – okt-nov 2013

Pleatst op
Reagearje
logo.ensafh

Sinteklaas hoegde dit jier net lang nei te tinken
Oer moaie kado’s om de Ensafh-lêzers te skinken.
In boek fansels, da’s altiten goed,
Wier Piterbaas, ha mar gjin noed!
Yn’t Frysk en oer Fryslân wurdt in hiel soad skreaun,
Foar elk is der wol wat, ’t is net oerdreaun;
Oer sport en oer iten, foar jong en foar âld,
Oer oarloch en leafde, en de foarbije wrâld,
Heldedichten of mearkes foar bern,
It hâldt echt net op, moatst mar ris sjen!
Sint winsket elkenien in soad lêswille ta,
En hopet dat jim oar jier noch mear nije boeken ha!

Poëzij

Harke Bremer & Jarich Hoekstra
Leffert – In heldedicht yn tolve sangen

Bornmeer, De Gordyk 2013
ISBN 97890 5615 3052 (144 siden)
Ferkeappriis € 15,00

leffert

Begjin 8ste ieu.… Lês fierder