Nij

Teleks: Dielnimming Fryske dichteres Gabrielle Terpstra oan Transpoesie 2024

Pleatst op
Reagearje
logo.ensafh

Op freed 27 septimber sil Gabrielle Terpstra optrede op it festival TRANSPOESIE yn Brussel. It tema fan dit jier is “surrealisme”, om de berte fan dizze keunstfoarm, in iuw lyn, te fieren. In tema dat wol by Gabriella past! It festival duorret fan 26 oant en mei 28 septimber en fynt plak op ferskate plakken yn Brussel. Har dielnimming wurdt mei mooglik makke troch It Skriuwersbûn, de Provinsje Fryslân en de Douwe Kalmastifting.

Ek is oeral yn de Brusselske Regio poëzij te besjen: op ruten, doarren en muorren, yn útstallingskassen, yn it iepenbier ferfier en by minsken thús yn wenkeamers. De tweintich dielnimmende dichters diele in koart gedicht, elk yn harren eigen taal en mei harren eigen ferhaal.… Lês fierder

Aginda 28-09-2024: EBLT en Mercator Europeesk Kennissintrum fiere Europeeske Dei fan de Talen mei jûn oer films yn regionale of minderheidstalen

Pleatst op
Reagearje
logo.ensafh

Op tongersdeitejûn 26 septimber fiere it Europeesk Buro foar Lytse Talen (EBLT) en Mercator Europeesk Kennissintrum de Europeeske Dei fan de Talen, mei in paneldiskusje oer films yn regionale of minderheidstalen mei ferskate filmmakkers út Noard-Nederlân: Johanneke Dijkstra, Rob Camies, Steven de Jong en Janko Krist.

En… AKSJE! films yn regionale of minderheidstalen

It EBLT freget al jierrenlang oandacht foar de stipe fan filmproduksjes yn minderheidstalen. Lokkich wurde der rûnom yn Europa mear films yn minderheidstalen makke, op hieltyd better nivo. Mar wat binne de erfaringen en produksjes fan filmmakkers yn ús lân? Wêr binne filmmakkers en –produsinten mei dwaande, hokfoar útdagings komme sy tsjin en wêr fine sy de nedige stipe?… Lês fierder

Blog Koos Tiemersma: Ernst Langhout

Pleatst op
Reagearje
logo.ensafh

It is alwer in moai skoft lyn, de tiid dat Fryske skriuwers keppele waarden oan in Fryske muzikant, om tegearre rûnom Fryske biblioteken en doarpshuzen ûnfeilich te meitsjen. Sa kaam it dat ik, it sil om 2006 hinne west hawwe, mysels weromfûn oan ’e side fan Ernst Langhout, dy’t yn dy jierren namme makke mei oersettingen fan lieten dy’t earder troch Bob Dylan (Ernst tsjutte him steefêst oan as ‘Bob Zimmermann’), ta de ivigens yn songen wiene. Dy oersettingen, makke troch Harmen Wind, foelen der wakker yn, ek by my, dat ik wie o sa fergulde mei de kar dy’t it Fryske Boek makke hie.… Lês fierder

Aginda 02 o/m 10-11-2024: Optredens Meindert Talma

Pleatst op
Reagearje
logo.ensafh

Yn it ramt fan de Fryske Boekewike – fan 2 o/m 10 novimber – fersoarget Meindert Talma fiif optredens oer it Kadoboek: ‘Wynroas‘, dat er spesjaal foar de Fryske Boekewike skreaun hat. ‘Wynroas’ is in autobiografyske, tragikomyske novelle mei in spannende en dramatyske ôfrin.

Live is ‘Wynroas’ in audiofisuele trip fan in oere, dy’t dy meinimt yn in ferteld en songen (film)ferhaal oer in fûleindich konflikt dat Meindert Talma krige troch in liet op De Zee Roept, it album by it fotoboek fan Tryntsje Nauta oer de studinten fan de seefeartskoalle op Skylge.

Sjoch foar mear ynformaasje by Fryske Boekewike… Lês fierder

Aginda 01-11-2024: Frysk Boekefeest, presintaasje Kadoboek Meindert Talma

Pleatst op
Reagearje
logo.ensafh

Freed 1 novimber wurdt mei it Frysk Boekefeest yn De Kanselarij yn Ljouwert it startsein jûn foar de Fryske Boekewike 2024. Op dy feestlike jûn sil ek it Kadoboek ‘Wynroas’ fan Meindert Talma presintearre wurde. De Fryske Boekewike wurdt holden fan 2 o/m 10 novimber. It Kadoboek is yn de Fryske Boekewike fergees te krijen by oanskaf fan op syn minst € 15,- oan Fryske boeken by jo boekhannel.

Meindert Talma (It Surhústerfean, 1968) skreau it Frysk Kadoboek 2024. Yn 1999 debutearre hy mei de autobiografyske roman ‘Dammen met ome Hajo’, dy’t yn 2022 by útjouwerij Regaad yn it Frysk ferskynde.… Lês fierder

Kollum Hein Jaap Hilarides: Kultuur en Wadden

Pleatst op
Reagearje
logo.ensafh

Ik sat in de train na Grunningen. Ik sâg tun ’t rút út. Even foor de stâd satten ’n paar witte rigers in ’t grâs. ’t Waar ’n waaie met kronkelsloatsys, die’t al eeuwen oud waar. Je sâgen de kwelder d’r nag in.
’n Paar hondert meter feerderop worde boud an ’n hele groate útbraiding fan ’t stroomnet. Deun d’rnaast worde ’n ouwe moln restaureerd. ’n Man ston in ’n bakky fan ’n feerraiker foor ’n wyk. Hij sweefde hoog boven ’t landskap in de blauwe wolkelucht.

Lês fierder by Goeie… Lês fierder

Teleks: Doch mei oan de Masterclasses Literêre Performance

Pleatst op
Reagearje
logo.ensafh

Explore the North, Tryater en Ljouwert UNESCO City of Literature organisearje wer in nije searje masterclasses Literêre Performance, foar skriuwers dy’t harren optredens nei in heger nivo bringe wolle en in stap fierder wolle yn it presintearjen fan harren wurk. De masterclasses wurde jûn troch teatermakker Karel Hermans. Meidwaan is fergees.

Sjoch foar mear ynformaasje by Ljouwert City of Literature… Lês fierder