Elts jier besykje ik it wer: Pompoenplanten yn Frjentsjer. En elts jier mislearje se. Fan ’e wike noch betrape ik in slak dy’t oan myn nijste plant siet te iten.
Dy slak sjocht der sa út: syn kopke, myn pompoenplanten, syn kont.
Ik besykje myn eagen op ’e tún te hâlden en net op myn mobyl.
Lês fierder by Goeie… Lês fierder
Yn de binnenstêd fan Ljouwert binne sûnt 2022 saneamde ‘sprekkende stiennen’ te finen. Dizze stiennen gesichten binne foarsjoen fan in QR-koade. Wa’t se scant, heart in persoanlik ferhaal oer iensumens. Op tongersdei 3 july binne by Kunstruimte H 47 acht nije ferhalen en gedichten presintearre. De teksten binne skreaun troch Anne Goaitske Breteler, Peter van Lier, Gerard de Jong en Iris Dicke. Se praten hjirfoar mei ynwenners fan de stêd. De nije ferhalen binne fan hjoed ôf fia de stiennen yn de stêd te beharkjen.
Sprekende stiennen is it literatuerprojekt fan Ljouwert UNESCO City of Literature dat giet oer iensumens. It projekt is yn de earste edysje fan Arcadia begûn as ûnderdiel fan it programma Over de drempel.… Lês fierder
Hoe lang moatst Gabrielle sitte foar in tattoo sa grut as in hân? Yn dizze podcast, opnommen op de hytste dei fan it jier, wolle we it graach ha oer de Fryske Slam, Diele fan it Waad en PlayGround yn Harns, mar al gau rint it petear út de klauwen. Hoe komme we op p*melproteses? Wêrom dat spannende ferhaal fan Meindert Talma dy’t hiel noadich p*sje moat?
Lês en harkje fierder by de Moanne… Lês fierder
Maaike Beckers (Wytmarsum, 1988) is de nije projektkoördinator foar Boeken fan Fryslân. Sy wurket sûnt 2015 foar it kulturele fjild yn Fryslân. Earder as beliedsmeiwurker by de provinsje Fryslân en sûnt 2021 as saaklik direkteur by Pier21. Beckers nimt mei dizze stap de funksje projektkoördinator Boeken fan Fryslân oer fan Ernst Bruinsma en sil de kommende tiid petearen hawwe mei útjouwers, skriuwers, lêzers en oare spilers yn it literêre fjild yn Fryslân.
Lês fierder by Boeken fan Fryslân… Lês fierder
Obe Postma (1868–1963) stiet bekend as de dichter fan it Fryske lân, it Fryske libben en de Fryske siel. Minder bekend is dat er ek in alsidige wittenskipper wie, dy’t publisearre oer natuerkunde en astronomy, filosofy, lânbou en skiednis. Postma is berne en begroeven yn Koarnwert, dêr’t dizze simmer in spesjale tentoanstelling oan him wijd is yn de doarpstsjerke.
De feestlike iepening fynt plak op sneon 5 july om 1 oere Rimmer Mulder fan de Obe Postma Selskip jout de ynlieding. Dichter en essayist André Looijenga resitearret guon gedichten en leit Postma syn poëzij yn relaasje ta it lânskip út. Neitiid is der in kuier foarby it berteplak fan Postma en plakken oan de Iselmardijk dêr’t er oer sletten is.… Lês fierder
Dizze simmer is it santich jier lyn dat Pyt Kramer syn earste fytstocht nei it Sealterlân makke. Dat útstapke yn 1955 hat fan grutte gefolgen west. Foar himsels yn it foarste plak, omdat er hieltyd wer dy kant op gien is en in mannichte frije tiid oan it Sealterfrysk wijd hat. Mar net minder foar alle oare sprekkers en leafhawwers fan dat Sealtersk. Pyt Kramer hat sûnt dy tiid in machtich korpus fan petearen opboud, dy’t er sels op lûdban opnommen en úttypt hat. Dy ha de basis foarme foar in grut tal publikaasjes yn ‘e jierren tusken 1960 en 2000, sawol wurdboeken en taalstúdzjes as lêsboeken, rym en ûnrym.… Lês fierder
Botanicus
Mei in grut arranzjemint
fan oanboazjende tinten
is in rûge tún by’t simmer
sûnder mis in statement.
Lês fierder by Wobbe Atsma… Lês fierder