Op snein 30 augustus wurdt yn Brantgum in boek presinteare oer prof. dr. Anthonia (Tony) Feitsma (1928-2009). It boek, Wittenskip en Beweging, befettet in alvetal skôgings fan foaroansteande wittenskippers oer it wurk fan de eardere heechlearaar Frysk. Feitsma wie net allinne in lang skoft professor Frysk yn Amsterdam, mar ek in fûleindich striidster foar it Frysk; dêrby mijde Feitsma de konfrontaasje perfoarst net. Boppedat wie Tony Feitsma yn de sechstiger jierren ien fan de oprjochters fan de FNP. Yn – letterlik – tûzenen stikken hat Feitsma yn kranten, tydskriften en boeken skreaun en wreaun oer it Frysk en syn posysje yn de maatskippij.… Lês fierder

De Fryske Akademy nûget alle leden, stipers en relaasjes fan herten út foar de jierlikse Akademy-dei, dy’t dit jier holden wurdt op freed 11 septimber yn it Ljouwerter kongressintrum WTC.

Op ’e 77ste dies natalis fan ’e Fryske Akademy sil Jouke de Vries sprekke oer de plannen foar Campus Fryslân, de alfde fakulteit fan ’e Ryksuniversiteit Grins.

Akademy-meiwurkers Edwin Klinkenberg en Nika Stefan sille oer it grutte taalsosjologyske ûndersyk Taal yn Fryslân: de folgjende generaasje fertelle.

Dêrneist presintearret taalkundige Eric Hoekstra syn bondel mei Midfryske teksten en is der in optreden mei Fryske muzyk út ferline iuwen fan ’e groep Kapriol’!… Lês fierder

Tongersdei 30 July spylje Arjo en Dries lieten fan Fedde Schurer út de bondel “De Gitaar by it Boek”.
Se sjonge en begeliede harren sels derby op gitaar en akkordeon. De lieten binne op toan set troch Louise Godin.  It optreden sil heve by it teehúske “De Bangakoepel” op it Noorderbolwurk fan 15.00 – 16.00 oere. De organisaasje is yn hannen fan de wurkgroep Bangakoepel.… Lês fierder

Swalk, it Frysk literêr festival, wurdt ek yn 2015 wer organisearre.
Dit jier reizget Swalk opnij troch Fryslân fan freed 11 septimber oant en mei snein 20 septimber. Swalk komt yn ferskate plakken yn Fryslân rûnom troch de provinsje. Op freed 11 septimber set Swalk útein mei it Frysk Boekefeest en de njoggen dagen dêrnei swalket Swalk troch Fryslân, mei Dette Glashouwer en Wiebe Kaspers.

Sjoch foar mear ynfo by Tresoar… Lês fierder

… Lês fierder

Op tiisdei 8 septimber is yn Tresoar in jûn mei de trije skriuwers dy’t nominearre binne foar de Gysbert Japicxpriis: Elske Schotanus, Koos Tiemersma en Ale S. van Zandbergen.

Asing Walthaus, sjoernalist by de Ljouwerter Krante, sil mei elk fan de trije nominearren in fraachpetear ha neffens de opset fan ‘Zomergasten’.

Dêrnêst komme trije jonge resinsinten oan it wurd, dy’t yn koart bestek ferdútse sille wat neffens har de kwaliteiten binne fan it boek dat sy keazen ha.

Oan de ein is der romte foar it publyk om mei de nominearren yn petear tegean oer har wurk.

Nei ôfrin is der gelegenheid foar neipetear by in slokje en in hapke.… Lês fierder

In oerke relaxed harkje nei in goed petear mei entûsjaste sperekkers oer boeken en kultuer. Om 16.30 oere yn Café Wouters, Ljouwert, tagong fergees.… Lês fierder