Op tongersdei 6 maart 2025 organisearret Ljouwert UNESCO City of Literature de tredde edysje fan Lettertreffen, ús gearkomste foar de literêre sektor yn Fryslân.

We prate dy middei skriuwers, útjouwerijen, biblioteken, boekhannels, literêre tydskriften en stypjende organisaasjes graach by oer ús plannen en litte sprekkers oan it wurd. En fansels is der tiid om inoar te moetsjen en mei-inoar te praten.

Tongersdei 6 maart
14:30 (ynrin), 15:00 (start) – 17:30 oere
dbieb Ljouwert, seal De Kapel, Blokhuisplein 40

Sjoch foar it programma en oanmelding by Ljouwert UNESCO City of Literature… Lês fierder

Sneintemoarn 9 febrewaris is der in publykslêzing fan it Skriuwersbûn en sil Abe de Vries fertelle oer Waling Dykstra.

Op sneon 8 en snein 9 febrewaris hâldt it Skriuwersbûn in noflik wykein foar leden. Nei in aktive workshop oer toanielskriuwen op sneon, is der op de sneintemoarn in lêzing dy’t ek tagonklik is foar it publyk. Abe de Vries (skriuwer, dichter, oersetter, essayist, journalist en mear) sil leafhawwers fan de Fryske literatuer fertelle oer syn biografy oer Waling Dykstra (1821-1914), samler en skriuwer fan folksferhalen en ek einredakteur fan it Frysk wurdboek. Wat makket Waling Dykstra sa spesjaal en nijsgjirrich en hoe wurket dat: in biografy skriuwe?… Lês fierder

Klik op de tekst foar in grutter byld

Klik op de tekst foar in grutter byld

it tal plakken is beheind, oanmelde is dêrom ferstannich
dat kin fia: detaalvanwater@gmail.com… Lês fierder

Stellingwarver Verhaele-aovend in ‘t Kiekhuus

Museum ’t Kiekhuus in Wolvege hoolt op vri’jdagaovend 31 jannewaori van 20:00 – 22:00 ure een Stellingwarver Verhaele-aovend. Op zoe’n aovend kan de bekende Stellingwarver schriever en verteller Johan Veenstra netuurlik niet ontbreken. Hi’j vertelt uut zien laeste boek Naozoemerlaand. Dit boek mar ok zien literaire thriller Et liek in de Lende bin dan te koop.
Veerder wo’n d’r verhaelen veurlezen deur: schriever en fotokeunstener Christine Mulder, ok bekend as Stien van Anne, Jaap Sikkema, van wie jow mit riegelmaot een stokkien in de Stellingwarf lezen kunnen, Grietje Bosma, schriever van kotte verhaelen en gedichten, oold schoelejuffer Wiesje Mulder, veurlezer van Stellingwarver verhaelen en Henk Breukelaar, ammeteur tenielspeuler.… Lês fierder

GRUTTE WURDEN/Lytse Wurden

Poadium foar poëzy, proaza en koarte ferhalen.
.

Op sneintemiddei 26 januaris o.s. fynt yn it monumintale Âlde Postkantoar oan de Lageweg 17 yn Burgum de TWADDE EDYSJE plak fan GROTE WOORDEN/Kleine Woorden/GRUTTE WURDEN/Lytse Wurden poadium foar poëzy, proaza en koarte ferhalen.
Dizze twadde edysje is rjochte op dichters, leafhawwers en oare belangstellenden. It fynt plak yn in unyke lokaesje, midst in ynspirearjende keunsteksposysje.
Ynrin 13.30 oere. Begjin 14.00 oere. Ôfrin omtrint 16.30 oere. Tagong fergees.

Deelnemers/Dielnimmers:
Sipke de Schiffart / Anne Heegstra / Ypie Bakker / Happy van der Heide / Wieger Lindeboom / Christa Nicklewitz / Gabrielle Terpstra / Marjan Reijenga / Iepen Poadium:
Oan ‘e ein is d’r romte foar dryste en minder dryste leafhawwers dy ’t har wurk ek wolris hearre litte wolle.… Lês fierder

Op 20 jannewaris 2025 ferskynt Paula en de weirekke spegel, in printeboek foar bern. Bysûnder en seldsum is dat it boek yn trije ferzjes en fjouwer talen tagelyk publisearre wurdt:

– Frysk: Paula en de weirekke spegel
– Nederlânsk: Paula en de verdwenen spiegel
– Öömrang/Dútsk: Paula an di ferswünjen speegel/Paula und der verschwundene Spiegel

De presintaasje fan Paula en de weirekke spegel fynt plak op moandei 20 jannewaris om 10 oere yn Museum Belvédère, Oranjewâld.

Sjoch foar mear ynformaasje by Utjouwerij DeRyp… Lês fierder

Har poëzy is guon lêzers sa dierber dat se har koartwei Emily neame, as wie sy in hertsfreondinne. Tagelyk heart it wurk fan de Amerikaanske dichteres Emily Dickinson (1830-1886) ta de hichtepunten út de wrâldliteratuer. Botte tagonklik is it oars net: Dickinson har gedichten binne faak riedseleftich en tsjuster.

It oersetten fan har poëzy yn it Frysk is in dryste ûndernimming, mar it bringt it ek tichterby. Yn neifolging fan de Fryske dichter Obe Postma is Klaas van der Hoek dy útdaging oangongen. It risseltaat is syn lêstendeis ferskynde bondel Smel is it Strân fan ’t Hert, mei 150 Dickinson-oersettings.

Sjoch foar mear ynformaasje en opjefte by Tresoar… Lês fierder