Op tongersdei 5 oktober organisearret de Dichter fan Fryslân, Sigrid Kingma, fan 16:00 oere ôf in feestlik Dichtersbarren mei poëzy yn ferskate foarmen en kombinaasjes. Jûns, fan 19.00 oere ôf iepenet it Dichterskafee yn De Gouden Leeuw yn Tresoar. De tagong foar alle ûnderdielen is fergees en elk is fan herte wolkom.

It Dichtersbarren start middeis op it Aldehouster tsjerkhôf by OBE mei û.o. ‘taffeltsjedichtsje’ mei Arjan Hut, Christa Niklewicz, Syds Wiersma en Sigrid Kingma as Dichter fan Fryslân, skilderje op foardrachten mei Erik de Boer, Gabriëlle Terpstra, Cornelis van der Wal, Elmar Kuiper, Martsje de Jong, Edwin de Groot en Sigrid Kingma en der is poëtyske muzyk fan Immen.… Lês fierder

Douwe Kootstra oer it libben fan de boer, dichter en skilder Gerben Rypma

In hiel bysûnder man, dat wie Gerben Rypma (1878-1963). De Einzelgänger en boerefeint út it lege lân om de Aldegeaster Brekken hinne krige yn Fryslân bekendheid as skilder en folksdichter. Hy tekene, as autodidakt, op masterlike wize portretten, bisten en lânskippen. As folksdichter besong er jierrenlang foaral it gea wêr’t er libbe.

En hy betocht mar leafst 453 ‘siedkerlen’, selsbetochte sprekwurden dêr’t út bliken docht dat de as heremyt libjende Rypma in skerp each hie foar de natoer en de minske.

Ferteller en skriuwer Douwe Kootstra bringt yn in programma fan sa likernôch in oere op meinimmende wize de libbensfeiten fan dy singeliere keunstner út de wide, ûneinige flakte achter Greonterp.… Lês fierder

… Lês fierder

It ritme fan RIXT – 50 selektearre gedichten fan it Frysk dichterskollektyf RIXT

Yn 2023 bestiet it Frysk dichterskollektyf RIXT fiif jier. Yn maaie 2018 kaam in groep dichters byinoar en waard de namme fan de ferneamde Fryske dichteresse Rixt (1887-1979) keazen foar it kollektyf dat de poëzy yn Fryslân oars op de kaart sette woe. Op dit stuit nimme mear as fyftich dichters diel oan RIXT. De measte fan harren skriuwe yn it Frysk, mar der sitte ek Nederlânsktalige dichters by it kollektyf en guon dy’t yn Fryske streek- of stedstalen publisearje.

De bondel ferskynt op 1 oktober 2023 en de presintaasje is ûnderdiel fan in middei en jûn mei sa’n 30 dichters, muzyk en dûns.… Lês fierder

Plaknammen en Rixt-dichters yn Alde Leie op snein 8 oktober.
Muzyk fan Jan de Vries en Ruben Bus.
In kulturele middei yn doarpshûs Us Gebou yn Alde Leie.

… Lês fierder

Op freedtejûn 3 novimber wurdt mei it Frysk Boekefeest it startsein jûn foar de Fryske Boekewike fan 4 o/m 12 novimber. Op dizze feestlike jûn sil ek it Kadoboek fan Anita Terpstra presintearre wurde dat ferfolgens de hiele Fryske Boekewike fergees te krijen is by besteging fan op syn minst €15,00 oan Fryske Boeken.

It Fryske Boekefeest mei de presintaasje fan it Kadoboek fan Anita Terpstra wurdt it jier holden yn Dansschool Saco Velt yn Ljouwert. De presintaasje fan de jûn is yn hannen fan Bart Kingma, de muzyk wurdt fersoarge troch DJ Ritsko. Ynrin: 20.00 oere, tagong fergees. Elk is fan herte wolkom!… Lês fierder

Op sneon 19 augustus fynt de sechsde edysje plak fan it Swanneblomfestival, in lyts festival fol ferhalen, muzyk en poëzij. Lokaasje is de Teetún fan Slappeterp, fan 16.00 oant 22.00 oere, mei fan 18.30 oant 19.30 oere in pauze om te iten. In ferskaat oan spoken word-artiesten, dichters, fertellers en muzikanten sil hjir optrede, lykas Hein Jaap Jaap Hilarides, Dien L. de Boer, Peter van Lier, Job Degenaar, Rudy Lobisch, Frank Stolwijk, Michel Duijves, Ria Westerhuis, Bas Witlox, Wiep Kingma, Gerrit de Vries, Carla van der Zwaag, Gerryt Huizenga, Henny Peetsma, Janneke Spoelstra en Peter Vermaat.

Sjoch foar mear ynformaasje by Ljouwert, City of Literature… Lês fierder