Yvonne Willems fan Lokaalwerk, is ien fan de gearstallers fan de Waling Dykstra tentoanstelling. Sy sil oan it wurd oer it fenomeen Spoken Word. Dêrnei komme ferskate Spoken Word keunstners oan bod.
Dat binne: Nynke Laverman, Arjan Hut, Elske Kampen, Wiebe Kaspers, Annemarie Lindeboom en Atelier Ilse Vos, Ilse Vos de winner fan de Poetry Slam dy’t op 14 septimber hâlden is.

Sy sille it publyk yn oanrekking bringe mei it fenomeen ‘Spoken Word’: ‘de foardracht fan in selsskreaune tekst, dêr’t de foardracht fan ferheven wurdt ta keunst. Spoken Word is de keunst om de wurden fan it papier te heljen en se ta libben te bringen.’(oerset… Lês fierder

Mei û.o. Christa Nicklewicz em Marc Kooij. Theater de Bres, Schoolstraat 4, 8911 BH Ljouwert.

Klik hjir foar it folsleine programma.… Lês fierder

Lêzing oer R.R. van der Leest en in bysûndere skaak- en dampartij by Tresoar
11 oktober, 16.00

Op 11 oktober is Tresoar it dekôr fan in bysûnder barren. Tidens in lêzing oer keunstner R.R. van der Leest kin it oanwêzige publyk meidwaan oan in digitale ‘swalkjende’ skaak- en dampartij.

Yn 2004 joech R.R. van der Leest in boekje út mei dêryn tekeningen by in skaakpartij. Dy skaakpartij wie al mear as 100 jier lyn spile, mar wol mei 70 dielnimmers: elke set waard troch in oare skaker spile. De spilers stjoerden elkoar de setten ta oer de post, en sa reizge de partij de hiele wrâld oer: ‘de swalkjende partij’.… Lês fierder

Op sneon 5 oktober sil de 65ste útrikking fan de Rely Jorritsmaprizen plak fine yn Bears. De bekroande ferhalen binne fan Elmar Kuiper fan Jorwert en Geert Nauta fan Wergea, de bekroande fersen fan Jetske Bilker fan Achlum, Remco Kuiper fan Goutum en Henk Nijp fan Mantgum. De prizen wurde útrikt troch mr. Sybrand van Haersma Buma, boargemaster fan de gemeente Ljouwert.

Fan 15:30 oere ôf is der ûntfangst yn de Mariatsjerke yn Bears. De priisútrikking begjint om 16:00 oere yn de Ald Skoalle te Bears.… Lês fierder

Kommende woansdei 2 oktober stiet IepenUp Live yn it ramt fan Dieredei. It is de bedoeling dat it ien grutte bisteboel wurdt: sprekbeurten, muzyk en gedichten oer favorite bisten. Troch de jûn hinne trede tsien dichters op, wêrûnder fiif Frysktalige dichters fan RIXT: Evita Bakker, Edwin de Groot, Ineke van der Heide, Sipke de Schiffart en Janneke Spoelstra.

Lês fierder by RIXT… Lês fierder

Abe de Vries en Goffe Jensma jouwe beide in lêzing oer Waling Dykstra. Abe sil wat fertelle oer it troch him gearstalde boek: ‘Waling Dykstra, duvelskeunstner. Gedicht.’ Goffe Jensma sil ús besykje te oertsjûgjen wêrom’t ‘Waling-om’ sa’n grutte ynfloed hie en wêrom it ús yn dizze tiid noch altyd wat seit.
It earste eksimplaar fan it boek sil yn ûntfangst naam wurde troch Philippus Breuker.

Dizze aktiviteit is ûnderdiel fan de tentoanstelling ‘Waling Dykstra – Foarútgong’.

Tekst: Tresoar… Lês fierder

Proazagedichtejûn

De Deenske proazadichter Carsten René Nielsen ferbliuwt fan ’t hjerst seis wiken yn Grins om nij wurk te skriuwen en oer te setten. Dichterskollektyf RIXT fûn dat in moaie gelegenheid om him út te nûgjen foar in Proazagedichtejûn op 24 oktober 2019 om 20:00 oere yn De Basuin te Ljouwert, tegearre mei Nyk de Vries

Nielsen is gjin ûnbekende yn Ljouwert, mei’t er yn it Kulturele Haadstêdjier yn it Talepaviljoen MeM optreden hat. De Deenske dichter debutearre yn 1989 en hat wilens tsien gedichtebondels op syn namme stean. Hy is oersetten yn it Ingelsk, Italiaansk, Dútsk, Nederlânsk en Frysk.

Nyk de Vries hat twa proazagedichtebondels publisearre en is fierders bekend fan syn foarstellings en muzyk.… Lês fierder