Aginda 01-11-2025: Oanbieding “Hylper jûnges twiske Skier en Fet”
Reagearje
Aginda
… Aginda 07-11-2025: Frysk Boekefeest, ôftraap Fryske Boekewike 2025
Freed 7 novimber wurdt mei it Frysk Boekefeest yn De Kanselarij yn Ljouwert it startsein jûn foar de Fryske Boekewike 2025. Op dy feestlike jûn sil ek it Kadoboek ‘Oan ’e ein fan De Oere’ fan Anne-Goaitske Breteler presintearre wurde. De Fryske Boekewike wurdt holden fan 8 o/m 16 novimber. It Kadoboek is yn de Fryske Boekewike fergees te krijen by oanskaf fan op syn minst € 15 oan Fryske boeken by jo boekhannel. De presintaasje fan de feestlike jûn is yn hannen fan teätermakker en performer Douwe Dijkstra en der is muzyk fan de band Fegebart. It programma begjint om 20.30 oere, ynrin 20.00 oere.… Lês fierder
Aginda 26-10-2025: Nije bondels fan Edwin de Groot en Peter van Lier
… Aginda 05-10-2025 o/m 11-10-2025: Gysbert Japicxpriiswike
Gysbert Japicxpriiswike
Yn de wike foarôfgeand oan de útrikking binne ferskate literêre aktiviteiten om de winner fan de Gysbert Japicxpriis en it wurk yn it sintsje te setten. Tresoar wurket dêrfoar gear mei partners as de Moanne, Leeuwarden Unesco City of Literature, Explore the North, de Berneboeke-ambassadeur fan Fryslân en De Tiid.
Sjoch foar it oersjoch fan de aktiviteiten by Tresoar.… Lês fierder
Aginda 02-11-2025: Frysk folksferhalefestival mei Ype Poortinga
Fryslân is in lân fan ferhalefertellers. Fan generaasje op generaasje waarden ferhalen oer de natuer, duvels, dieren, spûken en tsjoenders winterdeis by it hurdfjoer dield.
Benammen ‘op de heide’ wie in grutte rykdom fan ferhalen te finen. Stoere, sterke en spannende, mar ek oandwaanlike ferhalen as ferdivedearjend jûnspraat. Ferhalen mei nijsgjirrich meitsjende titels as ‘de jongfeint dy’t syn siel fuortstjoerde’, ‘de frou út de reinwettersbak’, ‘de ierdmantsjes dy’t in kreas frommes sjen woenen’ en ‘wêrom’t de earrebarre op ien poat stiet’.
Sjoch foar mear ynformaasje by Tresoar
Aginda 01-11-2025: Literêre middei oer it wurk fan Durk van der Ploeg
Op sneon 1 novimber stiet de Fryske skriuwer Durk van der Ploeg (1930) sintraal op in literêre middei yn Tresoar. De noch altyd warbere skriuwer wurdt dit jier 95 en der ferskynt ek in nije roman.
Neist poëzy en novellen hat Van der Ploeg sa’n tritich romans skreaun. Yn 2011 krige er de heechste Fryske literêre ûnderskieding, Gysbert Japicxpriis, takend foar al syn proaza. De sjuery priizge him foar syn net ôflittende ynset, sawol op it mêd fan taalrykdom as ynset en belutsenheid om ta oansprekkend wurk te kommen.
As syn sûnens it talit, fertelt Durk van der Ploeg dizze middei sels oer syn wurk.
… Lês fierder Aginda 25-09-2025 : Skriuwerskafee
Op dizze lêste tongersdeis fan de moanne kinne skriuwers en dichters inoar moetsje by it Skriuwerskafee, yn Kafee De Gouden Leeuw. Tusken 19.00 en 21.30 uur is der tiid om by te praten, wurk te dielen en literêre plannen te meitsjen. Nim ‘pinnefruchten’ en ideeën mei foar in ynspirearjende jûn. Oant gau!
It Skriuwerskafee wurdt organisearre troch Sigrid Kingma, Gabrielle Terpstra en Arjan Hut.