De FreMiBu is in treffen op in ynformeel en sfearfol plak dat net ôfhandich gelegen is.
Grand Café Wouters oan it stasjonsplein yn Ljouwert foldocht skoan oan de kritearia.

Alle kearen in ferrassing wa’t fan de kollega’s opdaagjen komme en hoe smout of besteklik oft it petear oan tafel wurdt, mar dat wurdt it wol!

De FreMiBu is op elke lêste freed fan de moanne.

Wa’t it in kear net skikt, mar wol komme woe – gjin noed! Elke oare moanne is der wer in FreMiBu…

Ynrintiid: healwei fiven oant seis oere, elk mei fansels bliuwe oant slutingstiid fan Wouters.

Dit is in partikulier (lês: net subsidearre; lês: der hoecht gjin ferantwurding ôflein te wurden, lês: jim betelje jim eigen drankjes en bitterballen) ynisjatyf, foaral bedoeld om mei inoar te praten en te drinken en yn ‘e kunde te kommen mei de oare bodders yn de Fryske literatuer.… Lês fierder

Skilderijen en poëzy fan Sipke de Schiffart yn Tsjerkwert

Yn Atelier Gerrit Wijngaarden yn Tsjerkwert is de kommende wykeinen in eksposysje te sjen fan skilderijen fan Sipke de Schiffart en fan wurk fan oaren dat mei him te krijen hat, lykas portretten.

As iepening fan de útstalling en ta gelegenheid fan Sipke de Schiffart syn koartlyn ferskynde dichtbondel Oan dy tinke wurdt sneintemiddei 29 oktober de middeis om 15.00 oere yn it doarpshûs it ‘Waltahûs’ yn Tsjerkwert in literêre middei hâlden.

Optredende dichters nêst Sipke de Schiffart: Jetske Bilker, Piter Boersma, Pier Boorsma, Tsjisse Hettema, Jouke Hylkema, André Looijenga, Jantsje Post, Martin Sijbesma, Janneke Spoelstra en Cornelis van der Wal.… Lês fierder

Utjouwerij Regaad organisearret fan ’t hjerst “Gleon yn ’e keet”: in toer by Fryske kroegen en doarpshuzen del, mei skunnige ferhalen en readewankjemuzyk. Yn de donkere dagen lûkt masterferteller Douwe Kootstra alle registers iepen mei al it ûnfoege folksferhalemateriaal dat jo noait lêze of hearre mochten. Folkssanger Sytse Sneekweek soarget dêrby foar in fijn stikje Sneker shockpop. Neitiid kinne de wankjes noch moai wat neigloeie mei it harkjen nei de lekkerste singeltsjes út it Nederlânsktalige ‘schuine’ genre.

De toer ”Gleon yn ’e keet” hat oant no ta de folgjende plakken op it programma: Terwispel (Spaltenbrêge, sneon 4/11), Boazum (Boazumer Mjitte, freed 10/11), Burgum (Kiehool, sneon 11/11), Grins (Bernlef, freed 24/11) en Drachten (Marktzicht, sneon 25/11).… Lês fierder

Fan skriuwster Lida Dykstra is koartlyn in prachtich boek útkaam foar de Fryske Berneboeketiid 2017. De huodsjes fan Mata-Hari, foar bern fan 10 jier ôf, giet oer dy earder sa ferneamde dûnseres, Margaretha Zelle.

Op útnûging fan de SLAH (Stichting Literaire Activiteiten Heerenveen), jout Lida Dykstra op 18 oktober in lêzing yn Museum Belvédère. Yn dy lêzing leit de klam op in tal fan har lêste, grutte projekten.

Sjoch foar mear ynfo by It Fryske Berneboek… Lês fierder

We nodigen je van harte uit aanwezig te zijn bij de boekpresentatie van
Mijn Mata Hari
van Hanneke Boonstra

Dit vindt plaats op zondag 15 oktober 2017, om 16.00 uur
in café Wouters, Sophialaan 5, te Leeuwarden (tegenover het station)

We raden onze bezoekers aan vooraf de net geopende tentoonstelling ‘Mata Hari, de mythe en het meisje’ in het Fries Museum te bezoeken. Let op: tickets zijn uitsluitend online verkrijgbaar!.

Sjoch foar mear ynfo by Boterdiep.… Lês fierder

Op snein 15 oktober fynt yn Terherne de berneboekedei 2017 plak. Sjoch by Sirkwy foar mear ynformaasje oer dizze middei.… Lês fierder

Historisch Centrum Leeuwarden presenteert zaterdagavond 28 oktober 2017 in samenwerking met Buurtvereniging Rengerspark en Melvin van Eldik, DICHTER BIJ DE DOOD een poëziemanifestatie op de Oude Begraafplaats aan de Spanjaardslaan te Leeuwarden.
Op een zonovergoten 2e Pinksterdag 2012 vond de laatste, drukbezochte, aflevering van dit evenement plaats. Dit keer is gekozen voor een herfstige ambiance: ’s avonds in het halfdonker bij het knekelhuisje op de begraafplaats. Thema’s in het programma zijn dit keer: de dood, de nacht en geschiedenis van Leeuwarden.
Dichter Jean Pierre Rawie uit Groningen, wiens prachtig gedicht ‘Spanjaardslaan’ in een poëzietegel voor de ingang van de begraafplaats ligt, zal komen voordragen uit zijn nieuwste bundel ‘Handschrift’.… Lês fierder