Fan septimber 2025 oant en mei maart 2026 wurde de ynwenners fan Fryslân troch it Steatekomitee Frysk útdage om mei te tinken oer de takomst fan it Frysk. Om ynwenners aktyf te beheljen by it proses, sil it Steatekomitee it online platfoarm Stim fan Fryslân ynsette.

Stim fan Fryslân is spesjaal ûntwikkele om boargers mear ynfloed te jaan op it belied fan de provinsje en biedt romte foar ideeën, diskusjes en ynspraak, yn dit gefal oer de takomst fan de Fryske taal en kultuer. Om minsken te wizen op de mooglikheid om mei te praten, wurdt de kampanje ûnder de oandacht brocht fia sosjale media, adfertinsjes en posters.… Lês fierder

Yn in folle Johannestsjerke yn Weidum is ôfrûne sneintemiddei it earste Deade Dichters Deklamatoarium (DDD) fan Fryslân holden. Njoggen betûfte dichter-foardragers setten de poëzy fan tolve ferstoarne Fryske dichters yn it ljocht. De muzikanten Axl Hofstede en Wilco Hoekstra soargen foar de muzikale yntermezzo’s en waarden ek ynset om guon foardragers te begelieden. Dichter fan Fryslân Arjan Hut presintearre de middei en ljocht, lûd en bylden wiene yn hannen fan Bob de Boer Productions.

It gie yn dizze earste edysje om wurk fan dichters dy’t yn de ôfrûne tsien jier ferstoarn binne. Willem Abma, Jelle Kaspersma, Tsjisse Hettema, Jan Dotinga, Josse de Haan, Hindirk Hannema, Bartle Laverman, Aggie van der Meer, Abel Oostra, Jacobus Q.… Lês fierder

Koälysjepartijen CDA, FNP en BBB yn Provinsjale Steaten wolle prate oer it ferheegjen fan it kultuerbudzjet. Dat is de wichtichste útkomst fan in kommisjegearkomste oer it ferdielen fan de kultuersubsydzjes.
Fan it simmer makke de provinsje de subsydzjeferdieling foar de kommende trije jier bekend. Dêrby foelen ferskate organisaasjes bûten de boat. Der wie tsien miljoen euro subsydzje beskikber, wylst der foar njoggentjin miljoen oanfrege wie.

Lês fierder by Omrop Fryslân… Lês fierder

SKELTE SIWERIS BRAAKSMA WINT DE TWADDE DIET HUBER-PRIIS

De priis foar it bêste yllustreare Fryske berne-en jeugdboek fan de ôfrûne trije jier giet nei Skelte Siweris Braaksma (*1995) foar syn graphic novel Redbad (Afûk, 2024).

Yn Redbad wurdt in byld sketst fan it libben fan de romrofte kening Redbad, basearre op de roman Rêdbâd fan Willem Schoorstra. Eardere boeken fan Skelte Braaksma binne De F.K.P. (2010), Fete (2019) en It blauwe hûs (2020).

Der wienen sa’n tsien boeken dy’t doar de priis yn ’e beneaming kamen. De sjuery hat unanym keazen foar it young adult stripboek Redbad ‘fanwege de bysûndere styl en útwurking, de krêftige yllustraasjesen it ierdske en donkere kleurgebrûk, fol mei ekspresje!’… Lês fierder

Skriuwster Lida Dijkstra fan De Knipe hat de Jonge Beckmanpriis wûn. Har histoaryske jeugdboek waard troch in bernesjuery útroppen ta de bêste fan dit jier.

Alle jierren wurdt njonken de Thea Beckmanpriis, foar it bêste histoaryske jeugdboek, ek de Jonge Beckmanpriis útrikt, dêr bestiet de sjuery út bern.

Dijkstra wist mei har boek De Wonderverteller de jonge lêzers te oertsjûgjen. Har boek giet oer de 13e-iuwske ûntdekkingsreizger Marco Polo

It wurdt ferteld út de eagen fan in jong famke dy’t as skjinmakster yn in Italiaanske finzenis wurket dêr’t Polo fêsthâlden wurdt.

Lês en sjoch fierder by Omrop Fryslân… Lês fierder

Op grûn fan harren bysûndere bydrage op it wittenskiplik dan wol maatskiplik mêd fan de Fryske taal, kultuer en Fryslân yn it algemien, hat it ûndersyksynstitút Fryske Akademy trije nije leden beneamd: em. prof. dr. Douwe Breimer, dokumintêremakker Piter Tjeerdsma en wittenskipper en dichter Syds Wiersma. 

Tjeerdsma en Wiersma hawwe op de 87e Akademydei harren ûnderskieding krigen út hannen fan Nelleke IJssennagger-van der Pluijm, direkteur-bestjoerder fan de Fryske Akademy. Breimer sil op in letter momint yn it sintsje set wurde. 

De leden binne wichtich as ambassadeurs foar de Fryske Akademy, dy’t oantrune wurde om aktyf mei te tinken op it mêd fan it wittenskiplik ûndersyk en de maatskiplike posysje fan ‘e Fryske Akademy.… Lês fierder

Lytse Gysbert Japicxpriis