Dyn literêre talint ûntwikkelje? Dan bist wolkom by de Skriuwersfakskoalle, in gearwurking fan Ljouwert UNESCO City of Literature, Tresoar en de Schrijversvakschool. Op woansdei 24 septimber set it lesblok Skriuwtechniken A wer útein by Tresoar yn Ljouwert. Op woansdei 3 septimber is der in fergees tagonklike yntroduksjeles.

Yn it lesblok Skriuwtechniken A komst yn ’e kunde mei de eigen skriuwstyl, learst om te eksperimintearjen, om te doaren, om it Frysk as skriuwtaal te brûken. Elkenien kin meidwaan oan de lessen Skriuwtechniken A, om út te probearjen of it skriuwen en de Skriuwersfakskoalle echt wat foar dy is.

De tolve lessen fan de kursus Skriuwtechniken A binne fan 24 septimber ôf op woansdeitejûn fan 18:45 oant 21:45 oere by Tresoar yn Ljouwert.… Lês fierder

Bestandendeeldienst WeTransfer heeft zijn gebruikersvoorwaarden aangepast. Het bedrijf kan zich daardoor bestanden toe-eigenen die via hun dienst worden verstuurd. Na ophef hierover is een passage over AI-toepassingen uit de voorwaarden geschrapt, maar nog altijd mag het bedrijf volgens de voorwaarden gedeelde documenten gebruiken om de service te optimaliseren.

Lês fierder by de Auteursbond… Lês fierder

Neam it gerêst in bysûndere literêre fynst. Sa’n 150 jier nei it ferskinen fan it ferneamde ‘Rimen en Teltsjes’ binne der nije teksten opdûkt fan de trije skriuwende bruorren Halbertsma út Grou.
De fynst is dien troch Philippus Breuker, âld-heechleraar Fryske Taal- en Letterkunde oan de universiteit fan Leiden. Hy fûn sechstich ûnbekende, noch net publisearre teksten yn argiven fan Tresoar en partikulieren.

Lês en sjoch fierder by Omrop Fryslân… Lês fierder

Trije ferhalen en trije gedichten wurde dit jier bekroand mei in Rely Jorritsmapriis. It giet om de ferhalen ‘Blineman’ fan Gertrud Palstra (Ljouwert), ‘In simmerjûn yn Seachlum’ fan Gerrit Hoekstra (Winsum) en ‘Psych Aid’ fan Sytse Jansma (Harns).

De winnende gedichten binne ‘Refleksje’ fan Fedde Douwes Dijkstra (Ljouwert), ‘Meiboartsje’ fan Pim Rodenboog (Aldebildtsyl) en ‘De swimmers’ fan Tryntsje van der Steege (Nijegea).

Foar de Rely Jorritsmapriisfraach, dy’t dit jier foar de 71ste kear útskreaun waard, wienen 90 ynstjoeringen ynkommen, te witten 43 ferhalen en 47 gedichten. De sjuery bestie diskear út Marrit de Schiffart, Gerbrich van der Meer en Reitze Jonkman.… Lês fierder

De Ryksuniversiteit Grins (RUG), it ministearje fan Underwiis, Kultuer en Wittenskip (OCW), it ministearje fan Ynlânske Saken en Keninkryksrelaasjes (BZK) en de provinsje Fryslân hawwe op 10 july in konvenant tekene dat it fan septimber 2026 ôf wer mooglik makket om in folslein bachelorprogramma Frysk te folgjen yn Grins.

Lês fierder by EBLTEBLT… Lês fierder

Marrit Jellema bliuwt noch in jier langer Stedsdichter fan Ljouwert. Har termyn soe ein 2025 ôfrinne, mar de gemeente hat besletten om dat mei in jier te ferlingjen.

Lês fierder by Goeie… Lês fierder

Yn de binnenstêd fan Ljouwert binne sûnt 2022 saneamde ‘sprekkende stiennen’ te finen. Dizze stiennen gesichten binne foarsjoen fan in QR-koade. Wa’t se scant, heart in persoanlik ferhaal oer iensumens. Op tongersdei 3 july binne by Kunstruimte H 47 acht nije ferhalen en gedichten presintearre. De teksten binne skreaun troch Anne Goaitske Breteler, Peter van Lier, Gerard de Jong en Iris Dicke. Se praten hjirfoar mei ynwenners fan de stêd. De nije ferhalen binne fan hjoed ôf fia de stiennen yn de stêd te beharkjen.

Sprekende stiennen is it literatuerprojekt fan Ljouwert UNESCO City of Literature dat giet oer iensumens. It projekt is yn de earste edysje fan Arcadia begûn as ûnderdiel fan it programma Over de drempel.… Lês fierder