It Taalkundich Wurkferbân fan de Fryske Akademy organisearret dit jier foar de tolfde kear de Dei fan de Fryske taalkunde. De dei is ornearre foar elkenien dy’t direkt of yndirekt dwaande is mei de taalkunde fan it Frysk: grammatika, fonetyk/fonology, nammekunde, leksikology, sosjolinguistyk, histoaryske taalkunde. Yn de lêzing kin oer wittenskiplik ûndersyk rapportearre wurde, mar presintaasjes fan ûndersyksplannen, fan spekulaasjes of fan taaldatabanken binne ek wolkom. Lêzingen meie holden wurde yn alle talen dy’t ta de West-Germaanske taalfamylje behearre.

Sjoch foar mear ynformaasje by It Nijs… Lês fierder

Al tweintich jier rydt de Vliehors Expres de moaiste dichtrigels út oer it strân fan Flylân. Alle jierren wurdt der in wedstriid útskreaun foar nije dichtrigels. Ljouwert UNESCO City of Literature ropt no tegearre mei de Vliehors Expres op ta it ynstjoeren fan in nij Frysk strângedicht foar op de Vliehors Expres.

Sjoch foar mear ynformaasje by Ljouwert UNESCO City of Literature… Lês fierder

Yn 2023 fiert Frysk en Frij har 80-jierrich bestean: it ûntstiet yn 1943 as fersetsblêd, is nei de Twadde Wrâldoarloch in Frysktalich tydskrift en útjouwerij.
Frysk en Frij komt as pamflet yllegaal fan ’e grûn, ferskynt yn 1944 earst yn beskieden beskreaune bôgen en op 1 oktober 1944 sjocht it yn Utrecht en te Bolswert yn druk it ljocht. De namme hâldt yn: frij fan ’e besetter, fergelykje Vrij Nederland.

Lês fierder by Frysk en Frij… Lês fierder

De safolste generaasje

Us heit wie in stillenien
Opsluten yn himsels mei syn oantinkens
As hy wat sei, wie it somtiden:
It komt altyd oars út as datsto tinkst
en: moatst dy nea mei polityk bemuoie.

De stilte hong as in wolk
oer pleats en mem en bern

Geandewei waard my dúdlik
wêr’t it swijen weikaam

Twongen troch need hiene hy en syn heit,
myn pake dy’t ik nea kend ha,
keazen foar in partij,
wêrfan’t nei ’45 bliken die,
dat it in foute partij wie.

Us heit kaam der ôf mei in lichte straf,
mar syn libben lang hat er him bedondere field
yn machtleas ferset tsjin de ‘hege hearen’.… Lês fierder

‘Spjalt’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.

De Dichter fan Fryslân, Sigrid Kingma, skreau diskear in gedicht nei oanlieding fan it sluten fan kearnsintrales. Sigrid Kingma: ‘Yn Dútslân binne okkerdeis de lêste trije kearnsintrales sletten, in beslút dat al makke wie flak nei’t it yn Fukushima misgie. Hoe wolle wy oan stroom komme? De diskusje oer enerzjy giet automatysk oer miljeu en duorsumens, mar ek oer feiligens. Beide kanten tagelyk op sjen, lykas de Stiennen Man, falt net ta.’… Lês fierder

Oant 15 maaie noch ynstjoere foar de Rely

Rely-priisfraach 2023 iepensteld

 De Rely Jorritsmapriisfraach foar Fryske ferhalen en gedichten is wer iepensteld. It is de 69ste kear dat de priisfraach útskreaun wurdt. Wa’t gading meitsje wol, kin in ferhaal en/of fers ynstjoere. In ûnôfhinklike sjuery hifket de ynstjoeringen anonym en kin maksimaal fiif ferhalen en fiif fersen bekroane. Elk bekroand ferhaal of gedicht wurdt honorearre mei €1000.
De ynstjoertermyn slút 15 maaie o.s. De sjuery bestiet út Beart Oosterhaven, Oene Spoelstra en Marrit de Schiffart.

Rely Jorritsma (Jellum 1905 – Nijmegen 1952) hie yn syn testamint bepaald dat der alle jierren in priisfraach útskreaun wurde moat foar de bêste fiif gedichten en fiif ferhalen yn de Fryske taal.… Lês fierder

Goed nieuws van de Schrijverscentrale voor schrijvers die via hen worden geboekt. Het basishonorarium gaat omhoog. Het minimum bedrag dat schrijvers krijgen na bemiddeling door de Schrijverscentrale is 265 euro; per ingang van 1 juli wordt dat 285 euro. In een bericht aan de schrijvers meldt de Schrijverscentrale:

Lês fierder by Tzum… Lês fierder