Essay skriuwe dreech? Nee, just net! In essay is in moaie foarm om dyn eigen kijk te jaan op in ûnderwerp – en dat mei op in manier dy’t dy goed leit. It mei boartlik, it mei earnstich, it mei fernimstich en it mei literêr.

In essay is net it ferslach fan in ûndersyk, mar it is it ûndersyk sels. It is in aktiviteit dy’t net allinnich goed is foar dyn eigen ûntjouwing – learst neitinken oer argumintaasje, opbou fan in tekst en noch safolle mear – it is ek in prachtige foarm om dyn miening te dielen mei oaren. Meist by it essay oer de grinzen fan keunsten en wittenskippen gean.… Lês fierder

Foar wa is de regeling bedoeld?
Fan 9 desimber 2025 ôf oant en mei 10 febrewaris 2026 kinne ferieningen en stichtingen subsydzje oanfreegje foar de tarieding en útfiering fan kulturele produksjes yn de provinsje Fryslân. De provinsje Fryslân stelt dêr € 300.000 foar, – beskikber.

Sjoch foar mear ynformaasje by Provinsje Fryslân… Lês fierder

Ald-direkteur Roel Oostra (1921-2025) fan skouboarch De Lawei yn Drachten is tiisdei ferstoarn. Hy waard 104 jier.

“It hat sa wêze moatten. Ik bin oeral yn rûgele. Yn it amateurtoaniel, yn de amateurkabaretwrâld, yn de banketbakkerij en letter ek yn it fak as teäterdirekteur. En ik haw it altyd nei ’t sin hân.”

Dat sei Roel Oostra doe’t er yn 2023 foar it radioprogramma Buro de Vries weromseach op syn libben. Oostra wie entûsjasmearjend en in man mei in sterk gestel.
Oant nei syn 100e jier wenne er noch selsstannich. Wol mei de help fan syn dochters.
Syn frou Corry (98) ferstoar yn 2021.… Lês fierder

Suksesfolste Fryske Boekewike oait!

De Fryske Boekewike hat dit jier in rekôr brutsen: it kadoboek Oan ’e ein fan De Oere fan Anne-Goaitske Breteler is folslein útferkocht. Noch nea earder wie der sa’n grutte fraach nei it spesjaal útjûne Kadoboek.

It Kadoboek ferskynde yn in oplage fan 1.500 eksimplaren. Ida Heddema fan Boeken fan Fryslân: “It kadoboek wie healwei de Boekewike al hast útferkocht, en doe moast Anne-Goaitske noch trije lêzingen jaan. Boekhannels dy’t te min eksimplaren ynkocht hienen, moasten wy spitigernôch teloarstelle, want wy koenen net mear leverje.”

Ek Anita Schaaf fan Boekhannel Van der Velde yn Dokkum ûnderstreket it sukses: “Wy hawwe noch noait sa’n soad Fryske boeken ferkocht.… Lês fierder

De Zinnenfabriek komt freed 21 novimber werom nei Ljouwert en strykt dit jier foar it earst del yn dbieb. Yn ’e pop-up poëzywinkel kinne besikers tusken kant-en-kleare gedichten sneupe en in persoanlik gedicht meitsje litte. De winkel is oant en mei snein 7 desimber iepen en wurdt wer beheard troch Stedsdichter Marrit Jellema en har ploech fan wurdkeunstners.

Lês fierder by Goeie… Lês fierder

Het grote digitale woordenboek Dialexicon Twents staat vanaf deze dag helemaal op www.twentswoordenboek.nl

Naast het eind vorig jaar verschenen deel Twents–Nederlands met zestigduizend trefwoorden en veertigduizend gebruiksvoorbeelden, is nu ook het vertaalwoordenboek Nederlands–Twents via internet te raadplegen. Daarmee is de complete basisversie wereldwijd toegankelijk op alle mogelijke systemen, dus ook gewoon op je telefoon.

Het Dialexicon Twents is een initiatief van de Enschedese uitgever en schrijver Goaitsen van der Vliet, die er ondertussen al meer dan dertig jaar aan heeft gewerkt.

Lês fierder by Neerlandistiek… Lês fierder

De film Yn myn dreamen hear ik dy fan Murk-Jaep van der Schaaf hat snein op it Noordelijk Filmfestival de priis foar bêste lange dokumintêre wûn.
De saneamde Noorderkroon Awards waarden útrikt op de slotdei fan it festival yn Ljouwert. De film fan Van der Schaaf giet oer trije teätermakkers út Fryslân, Bretagne en Noard-Noorwegen.
Oanlieding foar dizze ynternasjonale film fan FryslânDOK oer lytse talen is it projekt PHONE fan Tryater. Dit projekt is in útwikseling tusken minderheidstaalteäters mei ûnder oare Tryater as dielnimmer.

Lês en sjoch fierder by Omrop Fryslân… Lês fierder