It is gjin goeie saak as de provinsje Fryslân wittenskiplik ûndersyk troch eigen amtners útfiere lit. Taalsosjolygysk ûndersyk nei bygelyks de situaasje fan de Fryske taal kin folle better dien wurde troch in wittenskiplik ynstitút as de Fryske Akademy. Dat stiet yn it advys fan it Gearwurkingstrajekt Fryske Taal en Kultuer (GFTK) oan de provinsje.
Under lieding fan emeritus-heechlearaar Folkert Kuiken hawwe fjirtin Fryske organisaasjes de ôfrûne twa jier wurke oan de opset fan in mienskiplike kennisaginda. Kuiken tinkt op basis fan de petearen dat organisaasjes dy’t har dwaande hâlde mei de Fryske taal en kultuer, lykas AFUK, Fryske Akademy, it Frysk Sociaal Planbureau, Tresoar en de Campus Fryslân fan de RUG mear gearwurkje kinne.… Lês fierder

Met de steun van allerlei cultuur- en sociale organisaties maakt het Antwerpse stadsdichterschap een doorstart, na het collectieve ontslag van de stadsdichters enkele maanden geleden. Dat schrijft De Standaard. Op één na gaan dezelfde stadsdichters weer verzen schrijven. Donderdag, op Gedichtendag, krijgen ze symbolisch de pen overhandigd door de Antwerpenaren.

Lês fierder by VRT… Lês fierder

Direkteur Arjen Dijkstra fan Tresoar is bliid mei de oanstelling fan Arjen Versloot as nije heechlearaar Frysk, mar hâldt wol in “hiel akelich gefoel” oer oan de situaasje. Hy mocht him nei eigen sizzen net mear útsprekke oer de kwestje, dat docht er no wol.
Ferline jier hie Dijkstra tegearre mei wittenskippers en skriuwers yn in iepen brief fûle krityk op it belied fan de universiteit om gjin folweardige heechlearaar oan te stellen. De misje fan de groep is neffens Dijkstra slagge: “Ik bin hartstikke bliid mei Arjen Versloot en dat wy fierder kinne. Mar, en ik praat no foar mysels en net foar dy fjirtich minsken, it wie echt hiel akelich en dat is it altiten noch.”… Lês fierder

Anita Terpstra (Hallum, 1974) skriuwt it Frysk Kadoboek 2023. Yn 2009 debutearre sy mei it famyljedrama ‘Nachtvlucht’. De thriller levere har in nominaasje op foar de Schaduwprijs, foar it bêste thrillerdebút. Har boeiende boek ‘Samen’ (2016) waard nominearre foar de Gouden Strop. Neist suksesfolle thrillers skreau Anita Terpstra ‘The Challenge’, in spannend boek foar jongeren, yn it ramt fan it lêsbefoarderingsprogramma LêsNo. Ferline jier ferskynde fan Terpstra it famyljeportret ‘Al mijn moeders’, in konfrontearjende oade oan sân generaasjes froulju fan De Harkema.

Lês fierder by Boeken fan Fryslân… Lês fierder

De Ryksuniversiteit Grins prof. dr. Arjen Versloot wurdt ynterim-heechlearaar Fryske taal en kultuer. Hy folget dêrmei Goffe Jensma op. Dy gong yn oktober mei emearitaat.
De universiteit beneamde earder al in universitêr dosint Fryske taal en kultuer, dr. Anne Merkuur. Merkuur soe yn de takomst heechlearaar wurde kinne.
Dekaan Thony Visser sei doedestiids dat se gjin geskikte gadingmakker fine koe. Dat sjocht âld-heechlearaar Goffe Jensma oars: “Dit lit sjen dat der wol in goede kandidaat wie.”

Lês fierder by Omrop Fryslân… Lês fierder

Auteur Pim Lammers, hikke en tein yn Easterwâlde, luts him sneon werom as skriuwer fan it Berneboekewikegedicht. Hy krige bedrigingen fanwegen in ferhaal fan syn hân út 2015. Dat gie oer in relaasje tusken in jonge en syn trainer. Fryske literêre kopstikken kieze de kant fan Lammers.
It koarte ferhaal fan Lammers ferskynde doetiids yn in literêr tydskrift. It kaam koartlyn wer boppedriuwen doe’t bekend waard dat de auteur it gedicht foar de Berneboekewike foar syn rekken nimme soe. Lammers krige dêrnei tal fan bedrigingen. Dêrneist sette kristlike aksjegroep ‘Gezin in Gevaar’ in petysje op omdat Lammers in ‘pedofile skriuwer’ wêze soe, en Twadde Keamerlid Wybren van Haga kaam tot de konklúzje dat de skriuwer bernemisbrûk ferhearliket.… Lês fierder

Wat docht de RuG mei ‘ús jild’?

It Frysk akademysk ûnderwiis stiet ûnder gigantyske druk. De heechleararen Frysk yn Amsterdam en Leien koenen wol fuort en yn Grins begûn de ferskraling fan it universitêre Frysk mei it opheffen fan de iennichste universitêre stúdzje Frysk yn Nederlân. No stiet ek de lêste heechlearaarstoel op ’e wip. En dat wylst de Provinsje Fryslân der alle jierren wol subsydzje foar jout. Wat docht de Universiteit fan Grins mei ús belestingjild? Dat wol de Jongfryske Mienskip witte.

De Jongfryske Mienskip wol dat de Universiteit fan Grins wurk makket fan in folsleine leartstoel Frysk en dêrby de rie fan Goffe Jensma opfolget.… Lês fierder