Wolsto dy ûntwikkelje as skriuwer, oftst no skriuwst foar it meitsjen fan in performance, roman, skript, bondel, podcast of oare literêre foarm? Rinsto om mei in holle (of notysjeboek) fol goede ideeën dysto no einlings ris echt realisearje wol?

Fielst datst begelieding brûke kinst om dy fierder te helpen yn dyn profesjonalisearring? Wolst dêrneist ek nochris bouwe oan dyn regionale én lanlik netwurk? Meld dy dan oan foar ít nije talintenetwurk fan Noard-Nederlân!

Lês fierder by Goeie… Lês fierder

De Dichter van Fryslân, Arjan Hut: “Yn guon streken falle bommen as ripe fruchten út de loft. In rare gedachte, foar wa’t troch in paradyslik hôf kuieret, mei in apel yn de hân.”

Lês hjir it gedicht.… Lês fierder

Arjan Hut sil ek yn 2026 Dichter fan Fryslân wêze. Dêr hawwe Provinsjale Steaten fan Fryslân earder dit jier mei ynstimd. Dêrmei kin Arjan Hut, dy’t yn 2023 offisjeel ta Dichter fan Fryslân beneamd is, syn wurk en projekten as poëtysk ambassadeur in jier langer fuortsette. Sa iepenet er yn novimber op it literatuerfestival Meet Me at the Lighthouse in troch him gearstalde kuiereksposysje mei bysûndere omslaggen fan Fryske dichtbondels.

Lês fierder by Boeken fan Fryslân… Lês fierder

Gisteravond is bekendgemaakt dat Sytse Jansma de Poëziedebuutprijs 2025 ontvangt. Met zijn bundel Rozige maanvissen ontvangt hij naast oorkonde ook een geldbedrag van 1500 euro. Jansma debuteerde met de Friese dichtbundel wa’t tate seit moat ek whisky sizze in. Met Rozige maanvissen publiceerde Jansma zijn eerste Nederlandstalige dichtbundel. Het werk verkent thema’s als verlies, taal en herinnering in gedichten waarin rouw en verlangen een blijvende rol spelen.

De jury, bestaande uit Jeroen Dera, Lies Van Gasse en Dirk De Geest, noemt Rozige maanvissen een indringende poëtische rouwkans:

Lês fierder by Boekenkrant… Lês fierder

Freed 17 oktober krigen learlingen fan SLS De Feart yn Jobbegea in lêskoffer mei Fryske berneboeken kado út hannen fan Hedwich Rinkes, wethâlder fan Kultuer fan de gemeente It Hearrenfean, en Tialda Hoogeveen, Berneboeke-ambassadeur fan Fryslân. It is de ôftraap fan in aksje wêryn’t alle basisskoallen fan de gemeente in fergeze lêskoffer oanbean krije.

Njonken SLS De Feart krije ek 29 oare basisskoallen yn de gemeente in lêskoffer oanbean. De lêskoffers binne beskikber steld troch de gemeente It Hearrenfean,

Lês fierder by Boeken fan Fryslân… Lês fierder

Tongersdei 13 novimber om 15.30 oere iepenet de Dichter fan Fryslân, Arjan Hut, de troch him gearstalde eksposysje ‘Lytse Ivichheid – Einleas No’ – Fryske dichtbondels oan de bûtenkant, fan ’e roaring oant ’e rotting twenties.

De Dichter fan Fryslân socht foar dizze útstalling 49 omslachûntwerpen út fan Frysktalige dichtbondels dy’t de ôfrûne hûndert jier ferskynden.

Yn gearwurking mei it literatuerfestival Meet Me at the Lighthouse nimt de Dichter fan Fryslân jo mei op in kuier oer it eilân lâns in seleksje fan de tentoanstelde affysjes en ljochtet er in tal dichters út troch in foardracht út harren wurk.

De Dichter fan Fryslân, Arjan Hut, nûget jo fan herten út om by de iepening fan dizze literêre eksposysje oanwêzich te wêzen.… Lês fierder