Foaropwurd 118

fan freed 20 juny 2008

Dit is de lêste gewoane Farsk foar de fakânsje. Yn ’e earste helte fan july sil noch Farsk 119 útkomme, tagelyk mei it tredde nûmer fan Hjir en beide wijd oan it tema ‘ierappel’. Dêrnei giet Farsk mei fakânsje oant 3 septimber as ôflevering 120 ferskynt. De rubriken Teleks en Aginda sille wol byhâlden wurde.

Dizze ôflevering stiet yn it teken fan ’e aktualiteit. Yn de ôfdieling poëzy stean portestfersen fan Meindert Bylsma, Edwin de Groot, Tsjisse Hettema, Elmar Kuiper en Abe de Vries oangeande de oantaasting fan it lânskip yn Noardwest-Fryslân troch de ûntjouwingen op it mêd fan ’e wetterhúshâlding en de lân- en glêsbou dêr.… Lês fierder

Foaropwurd 116

fan freed 23 maaie 2008

Mei it piipkrûd is it okee en mei Farsk ek.

Foar it earst stiet der in gedicht op fan Albert Meijer. Ien fan syn rigels is de folgjende: ‘Wite ko. Krij stippen!’

Heidi set troch mei it oersetten fan poëzy fan Obe Postma yn it Dútsk. Dizze kear tige paslik it gedicht ‘Yn ’e foarsimmer’:

Mein Leben, scheint’s, ist schon dabei, mir träge zu entrinnen,
Was war, schliesst sich dem Nun, sowie, bereits der Zukunft an.

Skermer ferklearret dit jier ta ‘it jier jier fan de ‘blomskermen’’.

Mei Koosje Melis leit it der slim ta.… Lês fierder

Foaropwurd 115

fan freed 9 maaie 2008

In nije Farsk.

‘Wat een Fries beweegt’ hyt it ferhaal dat Hidde Boersma bydraacht. Yn in mailwiksel mei de redaksje dielde er mei: ‘De gearhing fan it ferhaal sit ’m yn ’e doelleaze kolleksje fan barrens op in ûnbelangrike dei, sokken meie der ek weze, hie ’k tocht!’
Op dizze Farsk debutearret Aafke Koster koart mar krêftich mei it gedicht ‘Skynsel’.
Andries Miedema giet troch mei it oersetten fan poëzy fan Rainer Maria Rilke: ‘Inkeld nei is ’t ynderlik en fier al ’t oare.’
It is prachtich waar, de sinne skynt. Hoe kin it oars, Skermer typt gau de wurden ‘sinneskerm’ en ‘sinneskermen’ yn.… Lês fierder

Foaropwurd 114

fan freed 25 april 2008

Dizze ôflevering fan Farsk hat in moai rynske en fariearre ynhâld. It is folop maaitiid no.

Poëzy
Abe de Vries lit him nei syn Gysbert Japicx-priis en nije baan by de Friese Pers Boekerij iwer as dichter hearre. Op dizze ôflevering stean twa gedichten, aktueel en engazearre.

Kollums
Ytsje Hoekstra komt mei ‘har geheim’ foar it ljocht en hat foar ús in nij wurd opheind: polyamory.
Skermer lit witte dat er al wurch wurdt fan kultuerdeputearre Jannewietske de Vries.

Proaza
Yn dizze ôflevering binne in ferhaal opnommen fan Klaske Hiemstra en in tekst fan Jouke Hylkema.… Lês fierder

Foaropwurd 113

fan freed 11 april 2008

Multimedia
Yn ’e Fryske literatuer wurdt op multimediagebiet net folle út ’e wei set. Sytse Jansma is ien fan in pear dichters dy’t him dêr mei dwaande hâldt. Wy binne bliid dat wy fan him wat op dizze Farsk pleatse kinne: it filmke ‘Oerwâldwurd’. It is ien fan de filmkes op ’e DVD dy’t heart by syn krekt ferskynde debútbondel ‘wa’t tate seit moat ek whisky sizze’.

Kollum
Hoe fier leit Fryslân fuort foar Twadde keamerleden? Lês de kollum fan Al R.. Hoe no Al R.? It wie dochs sa dat Jelma Knol, Koosje Melis, Sytske de Jong en Yva Hokwerda om bar in kollum skriuwe soene?… Lês fierder

Foaropwurd 112

fan freed 28 maart 2008

Foekje Dillema
Ferline jier desimber ferstoar de eardere hurdrinster Foekje Dillema. Breedút kaam doe wer de affêre om dizze atlete yn it nijs. Begjin jierren fyftich wie se in opfallende nije ferskining op ’e atletykbanen, mar har karriêre wie foarby doe’t se derfan beskuldige waard eins in man te wêzen. Dy beskuldiging soe benammen Jan Blankers, de man en atletykbobo fan har konkurrinte, Fanny Blankers-Koen, in rol by spile ha.
Yn dizze ôflevering fan Farsk wijt Janneke Spoelstra der in gedicht oan.

Debutant
Foar it earst op Farsk in bydrage fan Jemke Visser. Hy hat in fermaaklik fakânsjeferhaal skreaun, ‘La douce France’.… Lês fierder