De hite simmer

It waar wol mar net waarmer wurde, wy hawwe sels in kear de kachel oan hân. It wie fierstente mâl, mar wienen ek net fan doel om te ferklomjen. Dan de kachel mar oan.
As it waar dan net meihelpe wol, moatte wy ús mar waarmje oan ’e soele klanken fan ’e poëzij en proaza. De tablet mei yn ’e bus mei de hannen dy’t plakke op switterige leuningen, sa’t Jetze de Vries dichtet.
Drank kin de dichtieren iepenje, it binnenste in gloede jaan dêr’t men de hiele nacht profyt fan hat, mar ek de kontakten fersoepelje. Fan dat lêste dogge Hedwig Terpstra en Pier Boorsma ferslach.… Lês fierder

Op it bloch fan de Rink van der Velde-priiswinder stelt de auteur út om mei Omrop Fryslân op te arbeidzjen om Fryske literatuer (wer) oan ’e man te bringen. Dat is in moai idee dêr’t er foaral fierder mei dwaande moat. Dêr’t it my lykwols om giet, is syn opmerking oer ‘De útwedstriid’, in soarte fan fúljeton dy’t er op syn bloch setten hat: ‘De útwedstriid is in hobby-projekt dêr’t ik finansjeel net wizer fan wurde sil.’
De achterflap fan syn nije boek seit dat er de nije Fryske folksskriuwer is. En Rink van der Velde wie yn syn tiid folksskriuwer pur sang fan Fryslân.… Lês fierder

Der is in soad ferweech op ynternet en de sosjale media. It giet flugger as fluch, en as men juster net Twitter tsjekt hat, rint men al wer twa dagen efter de feiten. It is tsjak-tsjak en koart-koart. Gjin tiid foar lange blabla-ferhalen mear. Wat koarter wat better.
Dêrom komt no ek Ensafh mei in eksperimint. De romrofte skriuwe Anne Feddema stelt in ferhaal oan ús beskikber dat wy op ús Facebook-side sette. Alle wiken in koart stikje, in nijmoadrige fúljeton.… Lês fierder

Mar de oanstriid om te skriuwen is eins grutter as it lêzen wurde. En dêrmei is fuort noch in soarte fan eksperimintsje foltôge.
Ik hie nammentlik sels altyd tocht, dat wannear’t men net lêzen wurde soe, men der op ’t lêst wol mei ophâlde soe, dat is dus blykber net sa. De oanstriid sil faaks wol bestean bliuwe en men pielt dan faaks noch wol ris wat op in papierke om, mar echt ‘grutte’ produksje bliuwt dan út. Ik bin bliid te fernimmen dat foar my net opgiet.
Hoe is dat mei jimme sa? As der gjin inkeld, of op syn heechst in goede tsien, boek mear ferkocht wurdt, hingje jimme dan de pinne (of kompjûter) yn ’e wylgen?… Lês fierder

Bêst, it is no wol bewiisd, foaropwurden wurde net lêzen, ik kin it likegoed oerslaan.… Lês fierder