It is hjoed in dei mei in gouden rântsje. Yn minstens twa opsichten.

Yn it foarste plak is it hjoed fansels de langste dei. Dat wol sizze dat de folgjende Tocht der Tochten al mar tichterby komt. En dat is kwa praktyske edukaasje foar de jeugd fan hjoeddedei tige ynspirearjend. Litte we wol wêze, sa stikemwei rint it al wer moai nei de 20(!) jier dat dy hollânske sprútsjetúnker foar master opsloech. Us bern ha gjin idee wat de Tocht is, dus lit mar komme. De beammen sitte stiiffol fruchten, dat ik ha der in goed gefoel oer.

Lês fierder by Ferdinand de Jong… Lês fierder

Juster in monteur oer de flier hân. Op himsels falt dat net ôf want earst krige ik in brief fan KPN dat er middeis komme soe, twa dagen letter in brief dat er moarns komme soe. Dêr wurdt myn betrouwen net grutter fan, alhielendal net om’t it brief ûndertekene wie troch de direkteur. Dat sa’n frommis neat betters te dwaan hat…

Lês fierder by Daam… Lês fierder

No, sjoch ris oan: dochs in Frysktalich boek besprutsen yn de Ljouwerter krante. Rommert Tjeerdsma syn ‘Ferliezers’ kriget 3 fan de 5 stjerren fan besprekker Doeke Sijens.

Lês fierder by Cornelis van der Wal… Lês fierder

Sân oere moarns. De opkommende sinne lit har strielen justjes dûnsje oer it greidlân. Rinnend oer de smelle dyk komme my de lûden fan ferskate greidefûgels yn ‘e mjitte. Ik bliuw efkes stean en wurd de waarmte fan de sinnestrielen op myn gesicht gewaar. Lang genietsje kin ik net: boer Hoekstra sjocht oer it skouder as fielde hy dat ik wifele om oan it wurk te gean. Ik hear it oan it feroarjende ritmyske lûd fan syn klompen op it púnpaad. It liket wol oft ik wekker wurde moat út in koarte dream.

Lês fierder by Kitty Madison… Lês fierder