hjoed is de Freule partij
de Fryske flagge op de toer
de jonges yn de opgong fan har libben
keatse har ut de liken
it folk jûchheit bij in boppeslach
it korps spilet âlde sankjes
it koe wêze
dat ien rekke waard
troch de Fryskens fan it keatsen en de muzyk
en dêr in ferfolling yn fûn… Lês fierder
yn it tsjuster
ried ik de bonkefeart del
ik wie nachtblyn
dat ik wie wol tsien kear fallen
ik siet ûnder de blauwe plakken
einlings kaam ik oer de finish
der wie gjin mins te sjen
wat in ôfdijer
om’t ik myn skuon
bij de start stean litten hie
moast ik op sokken rinnend
nei ljouwert
it minskebestean is wif
it iene momint
fiere je de Triumph des Willens
en even letter
binne je in held op sokken… Lês fierder
ynienen yn ‘e modus
fan de fergonklikheid
ik hie der weet fan
ommers alles is fergonklik
mar myn eigen fergonklikheid
stiet fier fan mij ôf
hoe moat ik mij hâlde en drage?
moat ik de minsken
earnstich yn ‘e mjitte komme?
moat ik ienlik gûle yn ‘e nacht?
it oerfalt mij
ik haw der gjin antwurd op
moarns wurd ik wekker
en tink
is it wier
dat minsken stjerre
bestiet de dea werklik?
yn hokker wrâld bin ik bedarre?
miljoenen minsken
hawwe foar mij it trajekt nei de dea ôflein
dan moat ik it dochs
ek kinne?
mar ik wol net dea
ik wol libje
libje as in hert… Lês fierder
Idee
Ik bin nea troud
Ik bin net
op it idee kommen
Ik ha nea in auto kocht
Ik bin net
op it idee kommen
Ik ha gjin karriere makke
Ik bin net
op it idee kommen
Ik libje
oaren binne
op it idee kommen… Lês fierder
ik gyng
nei it boekebal
yn ’e stedsskouboarch
de minste skriuwers
sieten op ’e heechste galerij
en sa nei ûnderen
per galerij
de bettere skriuwers
dit wie sa
in krekte wjerspegeling
fan ’e stannemaatskippij
de skriuwer
dreaun troch syn obsesjes
en finzen
yn ’e stannemaatskippij
is uterstee net frij… Lês fierder
bin ik fan de minsken ôf
sitte der mûzen yn myn bêd
froulju geane by mûzen
op in stoel stean
bang at se binne
dat de mûzen trochkringe
yn har geheime iepening
ik slút al myn yn- en útgongen ôf
dochs hawwe de mûzen
de hûd om myn ears hinne
oanfretten
de dokter seit
-hawwe jo homoseksuele kontakten ?
leare se dat ek al
oan dy netsjese fakulteit?
ik moat eksperimentearje
as ik it ljocht
de hiele nacht oanlit
it binne by einsluten
nachtbisten
as se in rotteferstân hiene
soe ik se ôfrjochtsje kinne
de miljeutsjinst konkludearret
de mûzen ite by de buorlju
en komme by my
foar de ferdivedaasje
ik fyn it allegear bêst
as ik mar net
mei hoech te dwaan… Lês fierder