Ik skreau it al earder yn it kader fan in ferneamde klip: ik ha neat mei hynders. Wa ken de bylden net mear fan dy prachtige hynderkloft dy’t op in pôle bûten de seediken op de kameraploech fan Omrop Fryslân stie te wachtsjen, wêrby’t guon fan dy omkoalen sels kâns seagen te fersûpen? Op de ien of oare manier kom ik dy Fryske knoltsjes hieltyd faker tsjin, fral as ik ûnderweis bin nei ien of oare literêre aktiviteit. Of tsjinkomme, dat is it wurd net, ik ryd se mear achterop, sis mar.

Mear op it weblog fan Koos Tiemersma… Lês fierder

Sjoch, der binne minsken dy hawwe strange lieding nedich. Eeltsje Hettinga bygelyks. Dy hat, nei myn terjochte krityk, no àl in njsgjirrich item op syn blochke setten. Celan yn oersetting, it koe minder. En sûnt koart sit der wrachtich in feed op. In feed? Ja. der binne noch altyd minsken dy’t it gemak fan soks net ynsjogge. Hjir klikke foar in koarte kursus.

Mear op it weblog fan Cornelis van der Wal… Lês fierder

Fannemidzje moete ik Trinus Riemersma yn it restaurant fan it MCL yn Ljouwert. Ik kaam werom fan in kontrole, Trinus wachte op in ûndersyk. Wy wiene it iens oer de freonlike minsken yn dit sikenhûs. Mar wy wiene it ek iens oer it feit fat âlder wurden blykber yn ús gefal gearrint mei krupsjes dy’t yn in sikenhûs ferholpen wurde moatte.
Of sa’t Trinus it sei: “Ik kin mar min oer dit gedonder. Graach soe ‘k der sonder”.  Wat wie’k it iens mei him!

Mear op it weblog fan Joop Boomsma… Lês fierder